ഗുരുദേവ സോഷ്യൽ സൊസൈറ്റി ഉന്നതവിജയം നേടിയ കുട്ടികളെ ആദരിച്ചു
text_fieldsമനാമ: പത്ത്, 12 ക്ലാസുകളിൽ ഉന്നതവിജയം നേടിയ കുട്ടികളെ ഗുരുദേവ സോഷ്യൽ സൊസൈറ്റി അങ്കണത്തിൽ നടന്ന ചടങ്ങിൽ ആദരിച്ചു. ശിവഗിരി മഠം സന്യാസി ശ്രേഷ്ഠൻ ശിവനാരായണ തീർഥ കുട്ടികൾക്ക് ഉപഹാരം നൽകുകയും അനുഗ്രഹപ്രഭാഷണം നടത്തുകയും ചെയ്തു.
പ്രവാസി ഭാരതീയ സമ്മാൻ ജേതാവും ബഹ്റൈൻ ശ്രീനാരായണീയ സമൂഹം രക്ഷാധികാരിയുമായ കെ.ജി. ബാബുരാജൻ നിലവിളക്ക് കൊളുത്തി ചടങ്ങുകൾ ഉദ്ഘാടനം ചെയ്തു.
ഇന്ത്യൻ സ്കൂൾ ഭരണസമിതി അംഗവും ഗുരുദേവ സോഷ്യൽ സൊസൈറ്റി കുടുംബാംഗവുമായ മിഥുൻ മോഹൻ ആശംസകൾ അറിയിച്ചു.
ചെയർമാൻ സനീഷ് കുറുമുള്ളിൽ അധ്യക്ഷത വഹിച്ചു. ജനറൽ സെക്രട്ടറി ബിനുരാജ് രാജൻ സ്വാഗതവും വൈസ് ചെയർമാൻ സതീഷ് കുമാർ നന്ദിയും പറഞ്ഞു.
സിൽവർ ജൂബിലി ആഘോഷിക്കുന്ന സൊസൈറ്റിയുടെ ജീവകാരുണ്യ പ്രവർത്തനങ്ങളുടെ ഭാഗമായി ഇന്ത്യൻ സ്കൂളിൽ പഠിക്കുന്ന ഒരു കുട്ടിക്ക് വിദ്യാഭ്യാസ സഹായം നൽകുമെന്നും കൂടുതൽ ചാരിറ്റി പ്രവർത്തനങ്ങൾ നടപ്പാക്കുമെന്നും ഭാരവാഹികൾ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.