ഹജ്ജ്​  നിർവഹിച്ച്​ മടങ്ങവെ നിര്യാതനായി

മനാമ: ഹജ്ജ് നിർവഹിച്ച ശേഷം നാട്ടിലേക്ക് മടങ്ങുകയായിരുന്ന കരുനാഗപ്പള്ളി ശൂരനാട് സ്വദേശി വിളയിലയ്യത്ത്​ ഷാഹുൽ ഹമീദ് (73) ബഹ്റൈൻ വിമാനത്താവളത്തിൽ നിര്യാതനായി. ഷെഡ്യൂൾ പ്രകാരം ഒക്​ടോബർ രണ്ടിന്​ നാട്ടിലേക്ക്​ മടങ്ങാനിരുന്ന ഷാഹുൽ ഹമീദ് ശാരീരികാസ്വാസ്​ഥ്യം മൂലമാണ്​ നേരത്തെ തിരിച്ചുപോയത്.  ‘ഗൾഫ്​ എയർ’ വിമാനത്തിലായിരുന്നു യാത്ര. മൃതദേഹം സൽമാനിയ മെഡിക്കൽ കോംപ്ലക്​സ്​ മോർച്ചറിയിൽ. മക്കൾ: ജലീല, റജുല, റുഷ്​ദ, ലാലുദ്ദീൻ, ഷാബിത്​, അൻസർ.