ദു​രി​തം വി​ത​ച്ച്​ മ​ഴ​യും വെ​ള്ള​ക്കെ​ട്ടും

മ​നാ​മ: സ​മീ​പ​കാ​ല​ത്ത് കാ​ണാ​ത്ത മ​ഴ​ക്കാ​ണ്​ പു​തു​വ​ർ​ഷാ​രം​ഭ​ത്തി​ൽ ബ​ഹ്​​റൈ​ൻ സാ​ക്ഷ്യം​വ​ഹി​ച്ച​ത്. വെ​ള്ളി​യാ​ഴ്ച മു​ത​ൽ തു​ട​ങ്ങി​യ മ​ഴ ശ​നി​യാ​ഴ്ച രാ​ത്രി​യും ഞാ​യ​റാ​ഴ്ച രാ​വി​ലെ​യും നീ​ണ്ടു​നി​ന്ന​പ്പോ​ൾ പ​ല സ്ഥ​ല​ങ്ങ​ളി​ലും ജ​ന​ജീ​വി​തം ദു​രി​ത​പൂ​ർ​ണ​മാ​യി. റോ​ഡു​ക​ളി​ലെ വെ​ള്ള​ക്കെ​ട്ടും വീ​ടു​ക​ളി​ൽ വെ​ള്ളം ക​യ​റി​യ​തും വീ​ട്ടു​പ​ക​ര​ണ​ങ്ങ​ൾ​ക്ക്​ കേ​ടു​പാ​ടു​ക​ൾ സം​ഭ​വി​ച്ച​തും ജ​ന​ങ്ങ​ൾ​ക്ക്​ സ​മ്മാ​നി​ച്ച ദു​രി​തം ചി​ല്ല​റ​യ​ല്ല. ര​ണ്ടു​ ദി​വ​സ​ത്തെ മ​ഴ​യി​ൽ അ​ൽ ലോ​സി ഹൗ​സി​ങ്​ മേ​ഖ​ല​യി​ലെ പ​ല വീ​ടു​ക​ളി​ലും വെ​ള്ളം ക​യ​റി. ക​ന​ത്ത മ​ഴ കാ​ര​ണം വീ​ടു​ക​ളി​ലേ​ക്കു​ള്ള ഇ​ന്‍റ​ർ​നെ​റ്റ്​ ലൈ​നു​ക​ൾ ത​ക​രാ​റി​ലാ​യ​താ​യി മാ​മീ​ർ പ്ര​ദേ​ശ​ത്തു​ള്ള​വ​ർ പ​രാ​തി​പ്പെ​ട്ടു. വെ​ള്ള​ക്കെ​ട്ട്​ കാ​ര​ണം ചി​ല മേ​ഖ​ല​ക​ളി​ൽ പ​ല​ർ​ക്കും ജോ​ലി​ക്ക്​ പോ​കാ​ൻ സാ​ധി​ച്ചി​ല്ലെ​ന്ന്​ കാ​പി​റ്റ​ൽ മു​നി​സി​പ്പ​ൽ​ കൗ​ൺ​സി​ലി​ലെ പ​ബ്ലി​ക്​ സ​ർ​വി​സ​സ്​ ആ​ൻ​ഡ്​​ യൂ​ട്ടി​ലി​റ്റീ​സ്​ ക​മ്മി​റ്റി അ​ധ്യ​ക്ഷ​ൻ ​ഡോ. ​അ​ബ്​​ദു​ൽ വാ​ഹി​ദ്​ അ​ൽ ന​കാ​ൽ പ​റ​ഞ്ഞു. കാ​പി​റ്റ​ൽ ഗ​വ​ർ​ണ​റേ​റ്റ്​ പ​രി​ധി​യി​ൽ ഏ​റ്റ​വും കൂ​ടു​ത​ൽ ബാ​ധി​ക്ക​പ്പെ​ട്ട പ്ര​ദേ​ശ​ങ്ങ​ൾ സി​ത്ര, സ​ന​ദ്, ജി​ദാ​ലി, അ​ൽ ഖ​ലാ എ​ന്നി​വ​യാ​ണ്. വീ​ടു​ക​ളി​ൽ വെ​ള്ളം ക​യ​റി​യ​തും വൈ​ദ്യു​തി ത​ക​രാ​റും കാ​ണി​ച്ച്​ നി​ര​വ​ധി പ​രാ​തി​ക​ൾ ല​ഭി​ച്ച​താ​യും അ​ദ്ദേ​ഹം പ​റ​ഞ്ഞു. മ​ഴ​വെ​ള്ളം പ​മ്പ്​ ചെ​യ്ത്​ ക​ള​യാ​ൻ കാ​പി​റ്റ​ൽ മു​നി​സി​പ്പാ​ലി​റ്റി, പൊ​തു​മ​രാ​മ​ത്ത്​ വ​കു​പ്പ്​ എ​ന്നി​വ​യു​മാ​യി ചേ​ർ​ന്ന്​ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്നു​ണ്ട്.

വെ​ള്ള​ക്കെ​ട്ടു​കാ​ര​ണം ക​ടു​ത്ത ദു​രി​തം നേ​രി​ടു​ക​യാ​ണെ​ന്ന്​ സ​ന​ദ്​ പ്ര​ദേ​ശ​ത്തു​ള്ള​വ​ർ പ​രാ​തി​പ്പെ​ട്ടു. പ​ല​രും വീ​ടു​ക​ളി​ൽ കു​ടു​ങ്ങി​യ സ്ഥി​തി​യി​ലാ​ണ്. കാ​റു​ക​ൾ​ക്ക്​ സ​ഞ്ച​രി​ക്കാ​ൻ ക​ഴ​യാ​ത്ത​വി​ധം പ്ര​ധാ​ന റോ​ഡു​ക​ളെ​ല്ലാം വെ​ള്ള​ത്തി​ൽ മു​ങ്ങി. പ​ല വീ​ടു​ക​ളി​ലും വൈ​ദ്യു​തി മു​ട​ങ്ങി.

റോ​ഡു​ക​ളി​ൽ കെ​ട്ടി​നി​ൽ​ക്കു​ന്ന വെ​ള്ളം പ​മ്പ്​ ചെ​യ്ത്​ നീ​ക്കു​ന്ന പ്ര​വൃ​ത്തി ഞാ​യ​റാ​ഴ്​​ച​യും തു​ട​ർ​ന്നു. വി​വി​ധ ഭാ​ഗ​ങ്ങ​ളി​ൽ​നി​ന്ന്​ പ​രാ​തി എ​ത്തു​ന്ന മു​റ​ക്ക്​ ന​ട​പ​ടി സ്വീ​ക​രി​ക്കാ​നു​ള്ള ഒ​രു​ക്ക​ങ്ങ​ൾ അ​ധി​കൃ​ത​ർ പൂ​ർ​ത്തി​യാ​ക്കി​യ​ത്​ ഏ​റെ ഗു​ണ​ക​ര​മാ​യി. ശ​നി​യാ​ഴ്​​ച ഏ​റ്റ​വും കൂ​ടു​ത​ൽ മ​ഴ ല​ഭി​ച്ച​ത്​ ബ​ഹ്​​റൈ​ൻ യൂ​നി​വേ​ഴ്​​സി​റ്റി പ്ര​ദേ​ശ​ത്താ​ണെ​ന്ന്​ കാ​ലാ​വ​സ്ഥ നി​രീ​ക്ഷ​ണ വ​കു​പ്പ്​ അ​റി​യി​ച്ചു. 45.4 മി​ല്ലി​മീ​റ്റ​ർ മ​ഴ​യാ​ണ്​ ഇ​വി​ടെ ല​ഭി​ച്ച​ത്. ബ​ഹ്​​റൈ​ൻ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ 35 മി​ല്ലി​മീ​റ്റ​ർ, കി​ങ്​ ഫ​ഹ​ദ്​ കോ​സ്​​വേ​യി​ൽ 21.8 മി​ല്ലി​മീ​റ്റ​ർ, സി​ത്ര ഐ​ല​ൻ​ഡി​ൽ 34 മി​ല്ലി​മീ​റ്റ​ർ, ദു​റാ​ത്​ അ​ൽ ബ​ഹ്​​റൈ​നി​ൽ 33.4 മി​ല്ലി​മീ​റ്റ​ർ എ​ന്നി​ങ്ങ​നെ​യാ​ണ്​ മ​ഴ ല​ഭി​ച്ച​ത്. ഏ​റ്റ​വും കു​റ​വ്​ മ​ഴ ല​ഭി​ച്ച​ത്​ ബ​ഹ്​​റൈ​ൻ ഇ​ന്‍റ​ർ​നാ​ഷ​ന​ൽ സ​ർ​ക്യൂ​ട്ടി​ലാ​ണ്. 12.8 മി​ല്ലി​മീ​റ്റ​ർ മ​ഴ​യാ​ണ്​ ഇ​വി​ടെ രേ​ഖ​പ്പെ​ടു​ത്തി​യ​ത്.