വർക്ക് പെർമിറ്റ് ക്യാൻസൽ ആവുമ്പോൾ ഫാമിലി വിസയിലേക്ക് മാറാൻ കഴിയുമോ

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.

?ഫാ​മി​ലി വി​സ​യി​ലാ​യി​രു​ന്ന ഞാ​ൻ ജോ​ലി​യി​ൽ പ്ര​വേ​ശി​ച്ചി​ട്ട് ര​ണ്ടു മാ​സം ആ​കു​ന്നു. ക​മ്പ​നി എ​നി​ക്ക് വ​ർ​ക്ക് പെ​ർ​മി​റ്റാ​ണ് ത​ന്നി​ട്ടു​ള്ള​ത്. വ​ർ​ക്ക് വി​സ​യും വ​ർ​ക്ക് പെ​ർ​മി​റ്റും ത​മ്മി​ൽ വ്യ​ത്യാ​സം എ​ന്താ​ണ്? ജോ​ലി നി​ർ​ത്തേ​ണ്ട സാ​ഹ​ച​ര്യം വ​രു​മ്പോ​ൾ വീ​ണ്ടും ഫാ​മി​ലി വി​സ എ​ടു​ക്കേ​ണ്ടി വ​രു​മോ? അ​തോ വ​ർ​ക്ക് പെ​ർ​മി​റ്റ് കാ​ൻ​സ​ലാ​വു​മ്പോ​ൾ മു​മ്പ് ഉ​ണ്ടാ​യി​രു​ന്ന ഫാ​മി​ലി വി​സ​യി​ലേ​ക്ക് പേ​മെ​ന്റ് ചെ​യ്യാ​തെ മാ​റു​മോ?

ഷ​മീ​ന

• വ​ർ​ക്ക് പെ​ർ​മി​റ്റും വ​ർ​ക്ക് വി​സ​യും ത​മ്മി​ൽ വ്യ​ത്യാ​സ​മൊ​ന്നു​മി​ല്ല. ഒ​രു വ്യ​ത്യാ​സ​മു​ള്ള​ത് ഫാ​മി​ലി വി​സ​യി​ൽ നി​ന്നു​കൊ​ണ്ടു​ത​ന്നെ ജോ​ലി ചെ​യ്യാ​നു​ള്ള വ​ർ​ക്ക് പെ​ർ​മി​റ്റ് എ​ൽ.​എം.​ആ​ർ.​എ ന​ൽ​കാ​റു​ണ്ട് എ​ന്ന​താ​ണ്. അ​പ്പോ​ൾ താ​മ​സ​വി​സ ഭ​ർ​ത്താ​വി​ന്റെ സ്​​പോ​ൺ​സ​ർ​ഷി​പ്പി​ലാ​യി​രി​ക്കും. തൊ​ഴി​ൽ ചെ​യ്യാ​നു​ള്ള പെ​ർ​മി​റ്റ് മാ​ത്രം ജോ​ലി ചെ​യ്യു​ന്ന സ്ഥാ​പ​ന​ത്തി​ന്റെ പേ​രി​ലാ​യി​രി​ക്കും. ഇ​തു​പോ​ലെ​യു​ള്ള വ​ർ​ക്ക് പെ​ർ​മി​റ്റ് സാ​ധാ​ര​ണ ന​ൽ​കു​ന്ന​ത് പ്ര​ഫ​ഷ​ന​ൽ​സി​നാ​ണ്, ഡോ​ക്ട​ർ, ടീ​ച്ച​ർ, ലോ​യ​ർ എ​ന്നി​ങ്ങ​നെ​യു​ള്ള ജോ​ലി​ക​ൾ​ക്ക്. ഈ ​വ​ർ​ക്ക് പെ​ർ​മി​റ്റാ​ണെ​ങ്കി​ൽ, ജോ​ലി ക​ഴി​ഞ്ഞാ​ലും ഫാ​മി​ലി വി​സ തു​ട​രും. ഫാ​മി​ലി വി​സ​യി​ലു​ള്ള​യാ​ൾ​ക്ക്, തൊ​ഴി​ൽ പെ​ർ​മി​റ്റും താ​മ​സ​വി​സ​യും തൊ​ഴി​ലു​ട​മ​യു​ടെ പേ​രി​ലേ​ക്ക് മാ​റ്റാ​ൻ സാ​ധി​ക്കും. ഇ​ങ്ങ​നെ​യു​ള്ള​വ​ർ​ക്കും ജോ​ലി ക​ഴി​യു​മ്പോ​ൾ ഫാ​മി​ലി വി​സ​യി​ലേ​ക്ക് മാ​റാം. പ​ക്ഷെ ഹ​സ്ബ​ന്റി​ന്റെ ക​മ്പ​നി അ​തി​നു​ള്ള അ​പേ​ക്ഷ ന​ൽ​കി എ​ൽ.​എം.​ആ​ർ.​എ​യി​ൽ​നി​ന്നും ഡി​പ്പ​ൻ​ഡ​ന്റി​ന്റെ താ​മ​സ​വി​സ എ​ടു​ക്ക​ണ​മെ​ന്നു മാ​ത്രം. ഓ​ട്ടോ​മാ​റ്റി​ക്കാ​യി താ​മ​സ​വി​സ ഭ​ർ​ത്താ​വി​ന്റെ സ്​​പോ​ൺ​സ​ർ​ഷി​പ്പി​ലേ​ക്ക് മാ​റു​ക​യി​ല്ല.

തൊ​ഴി​ലാ​ളി​യു​ടെ ക​ട​മ​ക​ൾ

1. കൃ​ത്യ​സ​മ​യ​ത്ത് തൊ​ഴി​ൽ​വി​സ പു​തു​ക്കു​ന്നു​ണ്ടെ​ന്ന് ഉ​റ​പ്പു​വ​രു​ത്ത​ണം. ഇ​ത് തൊ​ഴി​ലു​ട​മ​യു​ടെ ക​ട​മ​യാ​ണെ​ങ്കി​ലും തൊ​ഴി​ലാ​ളി​യും ഇ​ക്കാ​ര്യ​ത്തി​ൽ ശ്ര​ദ്ധ പു​ല​ർ​ത്ത​ണം. ഇ​ത് സ​മ​യ​ത്ത് ചെ​യ്യാ​തി​രു​ന്നാ​ൽ പ്ര​യാ​സം അ​നു​ഭ​വി​ക്കു​ക തൊ​ഴി​ലാ​ളി​യാ​ണ്.

2. തൊ​ഴി​ലാ​ളി​ക്ക് തൊ​ഴി​ലു​ട​മ കൊ​ടു​ക്കേ​ണ്ട ഗ​വ. ഫീ​സ്, സോ​ഷ്യ​ൽ ഇ​ൻ​ഷു​റ​ൻ​സ് എ​ന്നി​വ കൊ​ടു​ക്കു​ന്നു​ണ്ടെ​ന്ന് ഉ​റ​പ്പു​വ​രു​ത്ത​ണം.

3. തൊ​ഴി​ൽ ക​രാ​റി​ൽ പ​റ​ഞ്ഞി​രി​ക്കു​ന്ന ആ​നു​കൂ​ല്യ​ങ്ങ​ൾ ന​ൽ​കു​ന്നു​ണ്ടെ​ന്ന് ഉ​റ​പ്പാ​ക്കു​ക.

(തുടരും)