ഹൂറയിൽ അപകടാവസ്​ഥയിലുള്ള കെട്ടിടം പൊളിക്കും

മനാമ: ഹൂറയിൽ അപകടാവസ്​ഥയിലുള്ള കെട്ടിടം പൊളിക്കാൻ തീരുമാനമായി. കഴിഞ്ഞ ആഴ്​ച ഇവി​ടുത്തെ താമസക്കാരെ ഒഴിപ്പിച്ചിരുന്നു. 
കെട്ടിടം ചെരിയുന്നതായി പരാതി ലഭിച്ചതിനെ തുടർന്ന്​ പബ്ലിക്​ പ്രൊസിക്യൂഷനാണ്​ താമസക്കാരെ ഒഴിപ്പിക്കാൻ ഉത്തരവിട്ടത്​. കെട്ടിടം പൊളിക്കാൻ കോടതി ഉത്തരവിട്ടതായി അധികൃതർ വ്യക്​തമാക്കി. കെട്ടിടത്തിനുള്ളിൽ വിള്ളലുകൾ കണ്ടെത്തിയിട്ടുണ്ട്​. മാത്രമല്ല, അത്​ ഒരു വശത്തേക്ക്​ ചെരിയുന്നതായും കണ്ടെത്തി. ചുമരിലെ വിള്ളലുകൾ പ്ലൈവുഡ്​ പാനലുകൾ ഉപയോഗിച്ച്​ മറച്ച നിലയിലാണ്​. 
അപകടാവസ്​ഥയിലുള്ള കെട്ടിടം വാടകക്ക്​ നൽകിയ ഉടമക്കെതിരെ നടപടിയുണ്ടാകും. കുറഞ്ഞ വാടക പരിഗണിച്ച്​ ഇത്തരം കെട്ടിടങ്ങളിൽ താമസിക്കുന്നത്​ അപകടകരമാണെന്ന്​ അധികൃതർ പറഞ്ഞു. ഇക്കാര്യത്തിൽ വാടക നൽകി താമസിക്കുന്നവർ തന്നെയാണ്​ ജാഗ്രത പാലിക്കേണ്ടതെന്നും അവർ വ്യക്​തമാക്കി. ഹൂറയിലെ 1831നമ്പർ റോഡിലെ 318ാം ബ്ലോക്കിലെ ബിൽഡിങ്ങാണ്​ പൊളിക്കുന്നത്​.