ഐ.സി.എഫ് 45ാം വാർഷികം സംഘാടക സമിതിയായി
text_fieldsഅബ്ദുൽ ഹകീം സഖാഫി കിനാലൂർ, ഷാനവാസ് മദനി, നൗഷാദ് ഹാജി കണ്ണൂർ
മനാമ: ബഹ്റൈൻ പ്രവാസികൾക്കിടയിൽ സാമൂഹിക സേവന വിദ്യാഭ്യാസ സാംസ്മാരിക രംഗത്ത് നാലരപ്പതിറ്റാണ്ട് പിന്നിടുന്ന ഐ.സി.എഫ് 45ാം വാർഷികം വിപുലമായ പദ്ധതികളോടെ ആഘോഷിക്കുന്നു. ഒരു വർഷം നീണ്ടുനിൽക്കുന്ന വാർഷിക പരിപാടികളുടെ ഉദ്ഘാടനവും ഇന്റർനാഷനൽ മീലാദ് കോൺഫറൻസും സെപ്റ്റംബർ 22ന് നടക്കും.
പ്രവാസി സുരക്ഷ നിധി, ദാറുൽ ഖൈർ ഭവന പദ്ധതി, സാന്ത്വന കേന്ദ്രം, പ്രവാസി വായന, ഹാദിയ വിമൻസ് അക്കാദമി, സ്കൂൾ ഓഫ് ഖുർആൻ, മദ്റസകൾ തുടങ്ങി പ്രവാസ ലോകത്തും നാട്ടിലുമായി വ്യത്യസ്ത പ്രവർത്തന പദ്ധതികൾ ഐ.സി.എഫ് നേതൃത്വത്തിൽ ഇതിനകം സ്ഥിരപ്രതിഷ്ഠ നേടിയിട്ടുണ്ട്.
സമ്മേളനത്തിന്റെ വിജയകരമായ നടത്തിപ്പിന് ബാഫഖി കോയ തങ്ങൾ, ഹസ്സാൻ മുഹമ്മദ് ഹുസൈൻ മദനി, കെ.സി. സൈനുദ്ദീൻ സഖാഫി, അഡ്വ. എം.സി. അബ്ദുൽ കരീം, കെ.പി. മുസ്തഫ ഹാജി, സുലൈമാൻ ഹാജി, ഉസ്മാൻ സഖാഫി, അബ്ദുൽ ഖാദർ ഹാജി, അബ്ദുൽ റഹ്മാൻ മുസ്ലിയാർ, മമ്മൂട്ടി മുസ്ലിയാർ, പി.വി. അബ്ദുല്ല ഹാജി എന്നിവർ രക്ഷാധികാരികളായി 51 അംഗ സംഘാടക സമിതിക്ക് രൂപം നൽകി.
ഭാരവാഹികളായി അബ്ദുൽ ഹകീം സഖാഫി കിനാലൂർ (ചെയർമാൻ), ഇമ്പിച്ചിക്കോയ തങ്ങൾ, മുഹ്സിൻ മുഹമ്മദ് ഹുസ്സൈൻ മദനി, അബ്ദുസ്സലാം മുസ്ലിയാർ, അബ്ദുറസാഖ് ഹാജി ഇടിയങ്ങര, സി.എച്ച്. അഷ്റഫ് ഹാജി (വൈസ് ചെയർമാന്മാർ), ഷാനവാസ് മദനി (ജനറൽ കൺവീനർ), നൗഷാദ് ഹാജി കണ്ണൂർ (ഫിനാൻസ് കൺവീനർ) എന്നിവരെയും വിവിധ സബ് കമ്മിറ്റി ഭാരവാഹികളായി സിയാദ് വളപട്ടണം, ശമീർ പന്നൂർ (ഫിനാൻസ്), റഫീഖ് ലത്വീഫി വരവൂർ, നിസാർ എടപ്പാൾ (പബ്ലിസിറ്റി), അഹ്മദ് സഖാഫി, ഫൈസൽ ചെറുവണ്ണൂർ (മീഡിയ), നൗഫൽ മയ്യേരി, അസീസ് ചെറുമ്പ (വളന്റിയർ), സമദ് കാക്കടവ്, സലാം പെരുവയൽ (സ്റ്റേജ് ആൻഡ് സ്റ്റാൾ), അഷ്റഫ് രാമത്ത്, സുൽഫിക്കർ (ഫുഡ്), ഷംസു പൂക്കയിൽ, നൗഷാദ് കാസർകോട് (ഐ.ടി സപ്പോർട്ട്), ശിഹാബുദ്ദീൻ സിദ്ദീഖി, അബ്ദു റഹീം സഖാഫി വരവൂർ (സ്വീകരണം) എന്നിവരെയും തെരഞ്ഞെടുത്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.