ഐ.സി.എഫ് നേതാക്കൾ വയനാട് ദുരന്ത പ്രദേശങ്ങൾ സന്ദർശിച്ചു
text_fieldsഐ.സി.എഫ്. ഇന്റർനാഷനൽ സമിതി ഭാരവാഹികൾ വയനാട് ചൂരൽമല സന്ദർശിക്കുന്നു
മനാമ: വയനാട് ജില്ലയിൽ ഉരുൾപൊട്ടലുണ്ടായ ചൂരൽമല-മുണ്ടക്കൈ പ്രദേശങ്ങളിൽ ഐ.സി.എഫ് ഇന്റർനാഷനൽ കൗൺസിൽ ഭാരവാഹികൾ സന്ദർശനം നടത്തി. ഐ.സി.എഫ് ഇന്റർനാഷനൽ കൗൺസിൽ പ്രസിഡന്റ് സയ്യിദ് അബ്ദുറഹ്മാൻ ആറ്റക്കോയ, സെക്രട്ടറി ശരീഫ് കാരശ്ശേരി എന്നിവരാണ് എസ്.വൈ എസ് സംസ്ഥാന ജനറൽ സെക്രട്ടറി ഡോ. മുഹമ്മദ് അബ്ദുൽ ഹക്കീം അസ്ഹരിക്കൊപ്പം മലയിടിച്ചിൽ സംഭവിച്ച പ്രദേശങ്ങളിൽ സന്ദർശനം നടത്തിയത്.
പരിക്കു പറ്റിയവർക്ക് ചികിത്സ നൽകിക്കൊണ്ടിരിക്കുന്ന ഡോക്ടർ മൂപ്പൻസ് മെഡിക്കൽ കോളജ്, ദുരിതാശ്വാസ ക്യാമ്പുകൾ, വിവിധ സമാഹരണ കേന്ദ്രങ്ങൾ എന്നിവിടങ്ങളിലും സന്ദർശനം നടത്തി. മന്ത്രിമാരായ പി. രാജീവ്, കെ. രാജൻ, ടി. സിദ്ദീഖ് എം.എൽ.എ എന്നിവരുമായും ഉദ്യോഗസ്ഥരുമായും ചർച്ച നടത്തി.
വിവരണാതീതമാണ് ദുരന്തമുഖത്തെ അനുഭവങ്ങളെന്നും അവ അതിജയിക്കാൻ നമുക്ക് കഴിയണമെന്നും സയ്യിദ് അബ്ദുറഹ്മാൻ ആറ്റക്കോയ പറഞ്ഞു. കേരള സർക്കാറുമായും കേരള മുസ്ലിം ജമാഅത്തിന്റെ നേതൃത്വത്തിലും വരുന്ന സമഗ്ര പുനരധിവാസ പാക്കേജിൽ ഐ.സി.എഫ് പങ്കാളിത്തം വഹിക്കുമെന്നും അദ്ദേഹം വ്യക്തമാക്കി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.