വേ​ശ്യാ​വൃ​ത്തി​ക്ക് നി​ർ​ബ​ന്ധി​ച്ച സം​ഭ​വം; നാ​ല് സ്ത്രീ​ക​ൾ​ക്ക് അ​ഞ്ചു​വ​ർ​ഷം ത​ട​വും ക​ന​ത്ത പി​ഴ​യും

മ​നാ​മ: ജോ​ലി തേ​ടി​യെ​ത്തി​യ​വ​രെ വേ​ശ്യാ​വൃ​ത്തി​ക്ക് നി​ർ​ബ​ന്ധി​ച്ച കേ​സി​ൽ നാ​ല് സ്ത്രീ​ക​ൾ​ക്ക് അ​ഞ്ച് വ​ർ​ഷം ത​ട​വും ക​ന​ത്ത പി​ഴ​യും വി​ധി​ച്ച് ഹൈ ​ക്രി​മി​ന​ൽ കോ​ട​തി. ഇ​ര​ക​ളെ നാ​ട്ടി​ലെ​ത്തി​ക്കു​ന്ന​തി​നു​ള്ള ചെ​ല​വ് പ്ര​തി​ക​ൾ വ​ഹി​ക്ക​ണം. ശി​ക്ഷ അ​നു​ഭ​വി​ച്ച ശേ​ഷം സ്ഥി​ര​മാ​യി പ്ര​തി​ക​ളെ നാ​ടു​ക​ട​ത്താ​നും കോ​ട​തി ഉ​ത്ത​ര​വി​ട്ടു.

ഇ​ര​ക​ളു​ടെ പ​രാ​തി​യ​നു​സ​രി​ച്ചാ​ണ് കേ​സെ​ടു​ത്ത​തെ​ന്ന് പ​ബ്ലി​ക് പ്രോ​സി​ക്യൂ​ട്ട​ർ പ​റ​ഞ്ഞു. ത​ങ്ങ​ൾ നി​യ​മാ​നു​സൃ​ത ജോ​ലി തേ​ടി​യാ​ണ് ബ​ഹ്‌​റൈ​നി​ലെ​ത്തി​യ​തെ​ന്നും എ​ന്നാ​ൽ പ്ര​തി​ക​ൾ വേ​ശ്യാ​വൃ​ത്തി​ക്ക് നി​ർ​ബ​ന്ധി​ക്കു​ക​യാ​യി​രു​ന്നു​വെ​ന്നും ഇ​ര​ക​ൾ മൊ​ഴി ന​ൽ​കി. പ​രാ​തി ല​ഭി​ച്ച ഉ​ട​ൻ ത​ന്നെ പ​ബ്ലി​ക് പ്രോ​സി​ക്യൂ​ഷ​ൻ സ​മ​ഗ്ര​മാ​യ അ​ന്വേ​ഷ​ണം ആ​രം​ഭി​ച്ചു.

മ​നു​ഷ്യ​ക്ക​ട​ത്തി​നെ​തി​രാ​യ ദേ​ശീ​യ സ​മി​തി ഇ​ര​ക​ൾ​ക്ക് താ​മ​സം ഒ​രു​ക്കു​ക​യും അ​ഭ​യ​വും പി​ന്തു​ണ​യും ന​ൽ​കു​ക​യും ചെ​യ്തു. പ്ര​തി​ക​ളെ ചോ​ദ്യം ചെ​യ്യു​ക​യും തെ​ളി​വു​ക​ൾ ശേ​ഖ​രി​ക്കു​ക​യും ചെ​യ്തു. അ​തി​ന്റെ അ​ടി​സ്ഥാ​ന​ത്തി​ൽ, പ​ബ്ലി​ക് പ്രോ​സി​ക്യൂ​ഷ​ൻ കേ​സ് ക്രി​മി​ന​ൽ കോ​ട​തി​യി​ലേ​ക്ക് റ​ഫ​ർ ചെ​യ്യു​ക​യാ​യി​രു​ന്നു.