ഇ​ന്ത്യ​ൻ സ്‌​കൂ​ൾ ക​മ്യൂ​ണി​റ്റി സ്പോ​ർ​ട്സ് ഫെ​സ്റ്റ് 2023: ക്രി​ക്ക​റ്റ് ഗ്രാ​ൻ​ഡ് ഫി​നാ​ലെ ഇ​ന്ന്

മ​നാ​മ: ഇ​ന്ത്യ​ൻ സ്‌​കൂ​ൾ ക​മ്യൂ​ണി​റ്റി സ്പോ​ർ​ട്സ് ഫെ​സ്റ്റി​ന്റെ ഭാ​ഗ​മാ​യി ശ​നി​യാ​ഴ്ച ന​ട​ക്കു​ന്ന ക്രി​ക്ക​റ്റ് ഫൈ​ന​ലി​ൽ ഇ​ന്റ​ർ സ്റ്റേ​റ്റ് വി​ഭാ​ഗ​ത്തി​ൽ മ​ഹാ​രാ​ഷ്ട്ര എ​യും ക​ർ​ണാ​ട​ക എ​യും കി​രീ​ട​ത്തി​നാ​യി മ​ത്സ​രി​ക്കും.

ഓ​പ​ൺ ടീം ​വി​ഭാ​ഗ​ത്തി​ൽ ഷ​ഹീ​ൻ ഗ്രൂ​പ് എ, ​റി​ഫ ഇ​ന്ത്യ​ൻ സ്റ്റാ​റി​നെ നേ​രി​ടും. കാ​യി​ക​പ്രേ​മി​ക​ളെ ആ​വേ​ശ​ഭ​രി​ത​രാ​ക്കു​ന്ന തു​ല്യ​ശ​ക്തി​ക​ൾ ത​മ്മി​ലു​ള്ള പോ​രാ​ട്ട​മാ​ണ് ഈ ​ര​ണ്ട് ഫൈ​ന​ൽ മ​ത്സ​ര​ങ്ങ​ളി​ലും അ​ര​ങ്ങേ​റു​ക. ഇ​ന്ത്യ​ൻ എം​ബ​സി​യു​ടെ ര​ക്ഷാ​ധി​കാ​ര​ത്തി​ലാ​ണ് ഇ​ന്ത്യ​ൻ ക​മ്യൂ​ണി​റ്റി ഫെ​സ്റ്റ് 2023 ന​ട​ക്കു​ന്ന​ത്. ഇ​ന്ത്യ​ൻ സ്‌​കൂ​ൾ ഇ​സ ടൗ​ൺ കാ​മ്പ​സി​ലെ ഫ്ല​ഡ്‌​ലി​റ്റ് ഗ്രൗ​ണ്ടി​ൽ വൈ​കീ​ട്ട് 5.30ന് ​ഇ​ന്റ​ർ സ്റ്റേ​റ്റ് വി​ഭാ​ഗം ഫൈ​ന​ൽ മ​ത്സ​രം ന​ട​ക്കും.

തു​ട​ർ​ന്ന് ഓ​പ​ൺ വി​ഭാ​ഗം ഫൈ​ന​ൽ മ​ത്സ​രം രാ​ത്രി ഏ​ഴി​ന് ആ​രം​ഭി​ക്കും. മ​ത്സ​ര​ങ്ങ​ൾ​ക്കു​ശേ​ഷം സ​മ്മാ​ന​ദാ​ന ച​ട​ങ്ങ് 8.30ന് ​കാ​മ്പ​സി​ലെ ജ​ഷ​ൻ​മ​ൽ ഓ​ഡി​റ്റോ​റി​യ​ത്തി​ൽ ന​ട​ക്കും. ക്രി​ക്ക​റ്റ്, ചെ​സ് ജേ​താ​ക്ക​ളെ ഗ്രാ​ൻ​ഡ് ഫി​നാ​ലെ​യി​ൽ അ​നു​മോ​ദി​ക്കും. നാ​ലു മാ​സ​മാ​യി ന​ട​ക്കു​ന്ന ടൂ​ർ​ണ​മെ​ന്റ് വി​ജ​യ​ക​ര​മാ​ക്കു​ന്ന​തി​ൽ പ​ങ്കു​വ​ഹി​ച്ച എ​ല്ലാ ടീ​മു​ക​ൾ​ക്കും മെ​മ​ന്റോ​ക​ൾ സ​മ​ർ​പ്പി​ക്കും.

ആ​വേ​ശ​ക​ര​മാ​യ മ​ത്സ​ര​ങ്ങ​ൾ​ക്ക് സാ​ക്ഷ്യം വ​ഹി​ക്കാ​ൻ ഏ​വ​രെ​യും ക്ഷ​ണി​ക്കു​ന്ന​താ​യി ഇ​ന്ത്യ​ൻ സ്‌​കൂ​ൾ ചെ​യ​ർ​മാ​ൻ പ്രി​ൻ​സ് എ​സ്. ന​ട​രാ​ജ​ൻ, സെ​ക്ര​ട്ട​റി സ​ജി ആ​ന്റ​ണി, സ്പോ​ർ​ട്സ് ചു​മ​ത​ല വ​ഹി​ക്കു​ന്ന സ്‌​കൂ​ൾ ഭ​ര​ണ​സ​മി​തി അം​ഗം രാ​ജേ​ഷ് ന​മ്പ്യാ​ർ എ​ന്നി​വ​ർ പ​റ​ഞ്ഞു.