ഇ​ന്ത്യ​ൻ സ്കൂ​ൾ റാ​ഫി​ൾ ന​റു​ക്കെ​ടു​പ്പ് മാ​റ്റാ​നി​ട​യാ​ക്കി​യ സാ​ഹ​ച​ര്യം വെ​ളി​പ്പെ​ടു​ത്ത​ണം -യു.​പി.​പി

മ​നാ​മ: ഇ​ന്ത്യ​ൻ സ്കൂ​ൾ മെ​ഗാ ഫെ​യ​റി​നോ​ട​നു​ബ​ന്ധി​ച്ച് പ്ര​ഖ്യാ​പി​ച്ചി​രു​ന്ന റാ​ഫി​ൾ ന​റു​ക്കെ​ടു​പ്പ് മാ​റ്റി വെ​ക്കാ​നി​ട​യാ​ക്കി​യ സാ​ഹ​ച​ര്യം സ്കൂ​ൾ അ​ധി​കൃ​ത​ർ പൊ​തു​ജ​ന​ങ്ങ​ളോ​ട് വെ​ളി​പ്പെ​ടു​ത്ത​ണ​മെ​ന്ന് യു​നൈ​റ്റ​ഡ് പാ​ര​ന്റ്സ് പാ​ന​ൽ (യു.​പി.​പി) ഭാ​ര​വാ​ഹി​ക​ൾ വാ​ർ​ത്ത​സ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു. ന​റു​ക്കെ​ടു​പ്പ് മാ​റ്റി​വെ​ക്കു​ന്ന കാ​ര്യം പ്ര​ഖ്യാ​പി​ക്കാ​ൻ രാ​ത്രി വൈ​കും​വ​രെ കാ​ത്തി​രു​ന്ന​ത് എ​ന്തു​കൊ​ണ്ടെ​ന്നും സ്കൂ​ൾ അ​ധി​കൃ​ത​ർ വ്യ​ക്ത​മാ​ക്ക​ണം.

ന​റു​ക്കെ​ടു​പ്പ് ന​ട​ക്കു​മെ​ന്ന് ക​രു​തി അ​ർ​ധ​രാ​ത്രി വ​രെ കാ​ത്തു​നി​ന്ന ര​ക്ഷി​താ​ക്ക​ൾ നി​രാ​ശ​രാ​യാ​ണ് മ​ട​ങ്ങി​യ​ത്. ബ​ഹ്റൈ​ൻ പൊ​തു​സ​മൂ​ഹ​ത്തെ മു​ഴു​വ​ൻ വി​ഡ്ഢി​ക​ളാ​ക്കി​യ​തി​ന് സ്കൂ​ൾ അ​ധി​കൃ​ത​ർ മാ​പ്പു​പ​റ​യ​ണം. ന​റു​ക്കെ​ടു​പ്പി​നു​ള്ള റാ​ഫി​ള്‍ ടി​ക്ക​റ്റു​ക​ളി​ല്‍ ബ​ന്ധ​പ്പെ​ട്ട മ​ന്ത്രാ​ല​യ​ങ്ങ​ളു​ടെ അ​നു​മ​തി ന​മ്പ​ർ ഇ​ല്ലെ​ന്നും ഇ​ത് ക്ര​മ​ക്കേ​ടി​ന് വ​ഴി​യൊ​രു​ക്കു​മെ​ന്നും യു.​പി.​പി നേ​ര​​ത്തേ വ്യ​ക്ത​മാ​ക്കി​യ​താ​ണ്.

ഇ​തു​സം​ബ​ന്ധി​ച്ച് മ​ന്ത്രാ​ല​യ​ങ്ങ​ള്‍ക്ക് പ​രാ​തി ന​ല്‍കു​ക​യും പ​ത്ര​മാ​ധ്യ​മ​ങ്ങ​ളി​ലൂ​ടെ വെ​ളി​പ്പെ​ടു​ത്തു​ക​യും ചെ​യ്തി​രു​ന്നു. എ​ന്നാ​ല്‍, യു.​പി.​പി​യു​ടെ വാ​ദം ശ​രി​യ​ല്ലെ​ന്ന ത​ര​ത്തി​ലു​ള്ള മ​റു​പ​ടി​ക​ള്‍ പ​റ​ഞ്ഞൊ​ഴി​ഞ്ഞ് പൊ​തു​സ​മൂ​ഹ​ത്തെ തെ​റ്റി​ദ്ധ​രി​പ്പി​ക്കു​ക​യാ​ണ് ഭ​ര​ണ​സ​മി​തി ചെ​യ്ത​ത്.

ടി​ക്ക​റ്റി​ൽ ന​മ്പ​റി​ല്ലാ​ത്ത​കാ​ര്യം സൂ​ചി​പ്പി​ച്ച് യു.​പി.​പി പ്രി​ൻ​സി​പ്പ​ലി​ന് ഇ-​മെ​യി​ൽ അ​യ​ച്ചി​രു​ന്നു. എ​ന്നാ​ൽ, അ​തി​ന് മ​റു​പ​ടി ല​ഭി​ച്ചി​ല്ല. ടി​ക്ക​റ്റ് തി​രി​ച്ചു​വി​ളി​ക്കാ​ൻ ആ​വ​ശ്യ​പ്പെ​ട്ടെ​ങ്കി​ലും അ​തി​നും ത​യാ​റാ​യി​ല്ല. ഭ​ര​ണ​സ​മി​തി​യു​ടെ നി​രു​ത്ത​ര​വാ​ദ​പ​ര​മാ​യ നി​ല​പാ​ടി​നെ​തി​രെ​യാ​ണ് യു.​പി.​പി നി​ല​കൊ​ള്ളു​ന്ന​ത്. റാ​ഫി​ള്‍ ബോ​ക്സി​ല്‍ സൂ​ക്ഷി​ക്കേ​ണ്ട കൂ​പ്പ​ണു​ക​ള്‍ മെ​ഗാ​ഫെ​യ​റി​​ന്റെ അ​വ​സാ​ന ദി​വ​സം അ​ർ​ധ​രാ​ത്രി​യി​ൽ പു​റ​ത്തെ​ടു​ത്ത് അ​ധ്യാ​പ​ക​രെ​യും മ​റ്റു ജീ​വ​ന​ക്കാ​രെ​യും കൊ​ണ്ട് മ​ന്ത്രാ​ല​യ​ത്തി​ന്‍റെ അം​ഗീ​കാ​ര​വും ന​മ്പ​റു​മ​ട​ങ്ങു​ന്ന സീ​ൽ പ​തി​ക്കു​ക​യാ​ണ് ചെ​യ്ത​തെ​ന്ന് ഭാ​ര​വാ​ഹി​ക​ൾ ആ​രോ​പി​ച്ചു.

ഇ​തി​​ന്റെ ചി​ത്ര​ങ്ങ​ള്‍ പു​റ​ത്താ​യ​തോ​ടെ ഭ​ര​ണ​സ​മി​തി​യു​ടെ തെ​റ്റാ​യ ന​ട​പ​ടി​ക​ൾ ജ​ന​ങ്ങ​ൾ​ക്ക് ബോ​ധ്യ​പ്പെ​ട്ടു. മു​ന്‍കാ​ല​ങ്ങ​ളി​ല്‍ മെ​ഗാ ഫെ​യ​റു​ക​ള്‍ ന​ട​ക്കു​മ്പോ​ൾ റാ​ഫി​ള്‍ കൂ​പ്പ​ണു​ക​ള്‍ നി​ക്ഷേ​പി​ക്കാ​നു​ള്ള ബോ​ക്സു​ക​ള്‍ പ്ര​വേ​ശ​ന​ക​വാ​ട​ത്തി​ന​ടു​ത്തും പ്ര​ധാ​ന വേ​ദി​ക്ക് തൊ​ട്ടു മു​ന്നി​ലും സ്ഥാ​പി​ക്കാ​റു​ണ്ടാ​യി​രു​ന്നു. ഇ​ത്ത​വ​ണ ഇ​ത് സ്ഥാ​പി​ക്കാ​തി​രു​ന്ന​ത് സം​ശ​യാ​സ്പ​ദ​മാ​ണ്. വി​ൽ​പ​ന ന​ട​ത്തി​യ ടി​ക്ക​റ്റു​ക​ൾ എ​ല്ലാം റാ​ഫി​ളി​ൽ ഉ​ൾ​പ്പെ​ടു​ത്തു​മെ​ന്ന് എ​ന്താ​ണ് ഉ​റ​പ്പെ​ന്നും ഭാ​ര​വാ​ഹി​ക​ൾ ചോ​ദി​ച്ചു.

ഇ​നി​യും ര​ക്ഷി​താ​ക്ക​ളെ​യും പൊ​തു സ​മൂ​ഹ​ത്തേ​യും വി​ഡ്ഢി​ക​ളാ​ക്കാ​തെ എ​ത്ര​യും പെ​ട്ടെ​ന്ന് തെ​ര​ഞ്ഞെ​ടു​പ്പ് പ്ര​ഖ്യാ​പി​ക്കാ​ൻ ഭ​ര​ണ​സ​മി​തി ത​യാ​റാ​ക​ണ​മെ​ന്നും യു.​പി.​പി ആ​വ​ശ്യ​പ്പെ​ട്ടു. വാ​ർ​ത്ത​സ​മ്മേ​ള​ന​ത്തി​ല്‍ യു.​പി.​പി ചെ​യ​ര്‍മാ​ന്‍ എ​ബ്ര​ഹാം ജോ​ണ്‍, ക​ണ്‍വീ​ന​ര്‍ യു.​കെ അ​നി​ല്‍, മ​റ്റു ഭാ​ര​വാ​ഹി​ക​ളാ​യ ബി​ജു ജോ​ർ​ജ്, ജ്യോ​തി​ഷ് പ​ണി​ക്ക​ര്‍, ജോ​ണ്‍ ബോ​സ്കോ, അ​ബ്ബാ​സ് സേ​ഠ്, ജോ​ൺ ത​ര​ക​ന്‍, അ​ന്‍വ​ര്‍ ശൂ​ര​നാ​ട് എ​ന്നി​വ​ര്‍ പ​ങ്കെ​ടു​ത്തു.

ന​റു​​ക്കെ​ടു​പ്പ് മാ​റ്റി​യ​ത് മ​ന്ത്രാ​ല​യ​ത്തി​​ന്റെ നി​ർ​ദേ​ശ പ്ര​കാ​രം -ചെ​യ​ർ​മാ​ൻ

ഇ​ന്ത്യ​ൻ സ്കൂ​ൾ മെ​ഗ ഫെ​യ​റി​നോ​ട​നു​ബ​ന്ധി​ച്ച് ന​ട​ത്താ​നി​രു​ന്ന റാ​ഫി​ൾ ന​റു​ക്കെ​ടു​പ്പ് ഞാ​യ​റാ​ഴ്ച​യി​ലേ​ക്ക് മാ​റ്റി​യ​ത് വ്യ​വ​സാ​യ, വാ​ണി​ജ്യ മ​ന്ത്രാ​ല​യ​ത്തി​​ന്റെ നി​ർ​ദേ​ശ​മ​നു​സ​രി​ച്ചാ​ണെ​ന്ന് സ്കൂ​ൾ ചെ​യ​ർ​മാ​ൻ പ്രി​ൻ​സ് എ​സ്. ന​ട​രാ​ജ​ൻ ഗ​ൾ​ഫ് മാ​ധ്യ​മ​ത്തോ​ട് പ​റ​ഞ്ഞു.

റാ​ഫി​ൾ സം​ബ​ന്ധി​ച്ച് ഒ​രു വി​ഭാ​ഗം നി​ര​ന്ത​രം പ​രാ​തി​ക​ൾ അ​യ​ച്ച​താ​ണ് ഇ​ത്ത​ര​മൊ​രു സാ​ഹ​ച​ര്യ​ത്തി​ലേ​ക്ക് ന​യി​ച്ച​ത്. കൂ​പ്പ​ണു​ക​ൾ എ​ല്ലാം രാ​ത്രി​യോ​ടെ​ത​ന്നെ ബോ​ക്സു​ക​ളി​ലാ​ക്കി സീ​ൽ ചെ​യ്ത് സൂ​ക്ഷി​ച്ചി​രി​ക്കു​ക​യാ​ണ്. ബോ​ക്സു​ക​ൾ സൂ​ക്ഷി​ക്കു​ന്ന മു​റി​യും സീ​ൽ ചെ​യ്തി​ട്ടു​ണ്ട്. വി​ൽ​പ​ന ന​ട​ത്തി​യ ഓ​രോ ടി​ക്ക​റ്റും സൂ​ക്ഷ്മ​പ​രി​ശോ​ധ​ന ന​ട​ത്തി, മ​ന്ത്രാ​ല​യ​ത്തി​​ന്റെ നി​ർ​ദേ​ശ​പ്ര​കാ​രം അ​നു​മ​തി ന​മ്പ​ർ സീ​ൽ ചെ​യ്താ​ണ് ബോ​ക്സി​ൽ നി​ക്ഷേ​പി​ച്ച​ത്. നേ​ര​​ത്തേ ബോ​ക്സി​ൽ നി​​ക്ഷേ​പി​ച്ച കൂ​പ്പ​ണു​ക​ൾ പു​റ​ത്തെ​ടു​ത്ത് വീ​ണ്ടും സീ​ൽ പ​തി​ച്ചെ​ന്ന ആ​ക്ഷേ​പം അ​ടി​സ്ഥാ​ന ര​ഹി​ത​മാ​ണ്.

എ​ല്ലാ ന​ട​പ​ടി​ക​ളും വി​ഡി​യോ റെ​ക്കോ​ഡി​ങ് ന​ട​ത്തി​യി​ട്ടു​​ണ്ടെ​ന്നും അ​ങ്ങേ​യ​റ്റം സു​താ​ര്യ​മാ​യാ​ണ് ഓ​രോ കാ​ര്യ​വും ചെ​യ്ത​തെ​ന്നും അ​ദ്ദേ​ഹം പ​റ​ഞ്ഞു. സ്കൂ​ൾ ഭ​ര​ണ​സ​മി​തി തെ​ര​ഞ്ഞെ​ടു​പ്പ് അ​ടു​ത്തെ​ന്നു ക​രു​തി എ​ന്തും ചെ​യ്യാ​ൻ തു​നി​യ​രു​തെ​ന്നും അ​ദ്ദേ​ഹം പ്ര​തി​പ​ക്ഷ​ത്തെ ഓ​ർ​മി​പ്പി​ച്ചു.

ഇ​ത്ര​യും മി​ക​ച്ച മെ​ഗാ​ഫെ​യ​ർ ഇ​തി​ന് മു​മ്പ് ക​ണ്ടി​ട്ടി​ല്ലെ​ന്ന് പ്രി​ൻ​സ് ന​ട​രാ​ജ​ൻ പ​റ​ഞ്ഞു. മെ​ഗാ​ഫെ​യ​റി​ലേ​ക്ക് ഒ​ഴു​കി​യെ​ത്തി​യ ജ​ന​സ​ഞ്ച​യം ഇ​തി​ന് തെ​ളി​വാ​ണ്. ഇ​ന്ത്യ​ൻ സ്കൂ​ളി​​ന്റെ ച​രി​ത്ര​ത്തി​ലെ ഏ​റ്റ​വും മി​ക​ച്ച നേ​ട്ട​മാ​ണ് കൈ​വ​രി​ച്ച​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഇ​ന്ത്യ​ൻ സ്‌​കൂ​ൾ റാ​ഫി​ൾ ന​റു​ക്കെ​ടു​പ്പ് ഇന്ന്

ഇ​ന്ത്യ​ൻ സ്‌​കൂ​ൾ മെ​ഗാ ഫെ​യ​റി​നോ​ട​നു​ബ​ന്ധി​ച്ചു​ള്ള റാ​ഫി​ൾ ന​റു​ക്കെ​ടു​പ്പ് വ്യ​വ​സാ​യ വാ​ണി​ജ്യ മ​ന്ത്രാ​ല​യ ഉ​ദ്യോ​ഗ​സ്ഥ​രു​ടെ സാ​ന്നി​ധ്യ​ത്തി​ൽ, മ​ന്ത്രാ​ല​യ​ത്തി​ന്റെ മാ​ർ​ഗ​നി​ർ​ദേ​ശ​ങ്ങ​ൾ അ​നു​സ​രി​ച്ച് ഞാ​യ​റാ​ഴ്ച രാ​വി​ലെ ഇ​ന്ത്യ​ൻ സ്‌​കൂ​ൾ ജ​ഷ​ൻ​മാ​ൾ ഓ​ഡി​റ്റോ​റി​യ​ത്തി​ൽ ന​ട​ക്കും. എ​ൻ​ട്രി ടി​ക്ക​റ്റ് ഉ​ട​മ​ക​ളെ റാ​ഫി​ൾ ന​റു​ക്കെ​ടു​പ്പി​ൽ പ​ങ്കെ​ടു​ക്കാ​ൻ ക്ഷ​ണി​ക്കു​ന്ന​താ​യി സ്കൂ​ൾ അ​ധി​കൃ​ത​ർ അ​റി​യി​ച്ചു.