കണക്​ഷൻ ഒഴിവാക്കാനും എളുപ്പം

വിവിധ കാരണങ്ങളാൽ നിലവിലുള്ള വൈദ്യുതി, വെള്ളം കണക്​ഷനുകൾ വിച്​ഛേദിക്കേണ്ട സാഹചര്യമുണ്ടാകാം. അൽപം ശ്രദ്ധിച്ചാൽ വളരെ എളുപ്പത്തിൽ പൂർത്തീകരിക്കാവുന്നതാണ്​ ഇതിനുള്ള നടപടികൾ.

bahrain.bh എന്ന വെബ്​സൈറ്റിൽ സർവീസ്​ ഡിസ്കണക്​ഷൻ റിക്വസ്റ്റ്​ എന്ന വിഭാഗത്തിലാണ്​ ഇതിനുള്ള അപേക്ഷ നൽകേണ്ടത്​. കണക്​ഷൻ വിച്​ഛേദിക്കുന്നതിന്​ എട്ട്​ ദിവസത്തിനുള്ളിലെ ഒരു തീയതിയാണ്​ തെരഞ്ഞെടുക്കേണ്ടത്​. അപേക്ഷയിൽ ഐബാൻ, അക്കൗണ്ട്​ വിവരങ്ങൾ, മൊബൈൽ നമ്പർ, ഫാക്സ്​ (ഇവിടെ മൊബൈൽ നമ്പറും കൊടുക്കാം) എന്നിവ നൽകി സബ്​​മിറ്റ്​ ചെയ്യാം.

അപേക്ഷ സമർപ്പിച്ച്​ രണ്ട്​ ദിവസത്തിനുള്ളിൽ ഫൈനൽ വൈദ്യുതി ബിൽ ലഭിക്കും. തുടർന്ന്​ ഇലക്​ട്രിസിറ്റി ആന്‍റ്​ വാട്ടർ അതോറിറ്റി കസ്റ്റമർ കെയറിൽ വിളിച്ച്​ അറബി, ഇംഗ്ലീഷ്​, ഹിന്ദി ഭാഷകളിലൊന്ന്​ തെരഞ്ഞെടുത്ത്​ ആവശ്യം അറിയിച്ചാൽ കസ്റ്റമർ കെയർ ഏജന്‍റ്​ ഇലക്​ട്രിസിറ്റി ഓഫീസിലെ ബന്ധപ്പെട്ട സെക്​ഷനിലേക്ക്​ കൈമാറും. തുടർന്ന്​ ഓഫീസിൽനിന്ന്​ ഡെപ്പോസിറ്റ്​​ റീഫണ്ടിനുള്ള ഫോറം അയച്ചുതരും. ഇത്​ പൂരിപ്പിച്ച്​ ഒപ്പ്​, ഐബാൻ, സി.പി.ആർ തുടങ്ങിയ രേഖകൾ സഹിതം അപ്​ലോഡ്​ ചെയ്യണം. തുടർന്ന്​ 15 ദിവസത്തിനുള്ളിൽ അക്കൗണ്ടിലേക്ക്​ റീഫണ്ട്​ ലഭിക്കും.

ഫൈനൽ ബിൽ കഴിച്ചുള്ള റീഫണ്ട്​ അല്ലെങ്കിൽ ഫൈനൽ ബിൽ അടച്ച്​ പൂർണ്ണ റീഫണ്ട്​ എന്നീ രീതിയിൽ അപേക്ഷ നൽകാവുന്നതാണ്​.

വൈദ്യുതി കണക്​ഷൻ എടുക്കുന്നതും വിച്​ഛേദിക്കുന്നതും സംബന്ധിച്ച വിവരങ്ങൾ ewabahrain എന്ന യൂടൂബ്​ ചാനലിലും ewa.bahrain എന്ന ഇൻസ്റ്റാഗ്രാം അക്കൗണ്ടിലും ലഭ്യമാണ്​. 17515555 എന്ന കസ്റ്റ​മർ കെയർ നമ്പറിലും വിവരങ്ങൾ ലഭിക്കുന്നതാണ്​. മറ്റിടങ്ങളിൽനിന്ന്​ അഭിപ്രായം തേടാതെ വ്യക്​തമായ സംശയ ദുരീകരണത്തിന്​ കസ്റ്റമർ കെയറുമായി തന്നെ ബന്ധപ്പെടാൻ ശ്രദ്ധിക്കണം.

(തു​ട​രും)

bahrain.bh വെബ്​സൈറ്റിൽ ഇ-കീ ഇല്ലാതെ ലഭിക്കുന്ന സേവനങ്ങൾ

1. ഇലക്​ട്രിസിറ്റി, വെള്ളം ബില്ലുകൾ അടക്കൽ

2. മീറ്റർ റീഡിങ്​ സമർപ്പിക്കൽ

3. ഡെപ്പോസിറ്റ്​ പെയ്​മെന്‍റ്​

4. ഇലക്​ട്രോണിക്​ ബിൽ

ഇ-കീ ഉപയോഗിച്ച്​ ലഭിക്കുന്ന സേവനങ്ങൾ

1. ബിൽ എൻക്വയറി, പേയ്​മെന്‍റ്​

2. പെയ്​മെന്‍റ്​ ഹിസ്റ്ററി

3. സർവീസ്​ ഡിസ്കണക്​ഷൻ അപേക്ഷ

4. മൂവ്​ ഇൻ റിക്വസ്റ്റ്​

5. പ്രൊഫൈൽ അപ്​ഡേറ്റ്​ ചെയ്യൽ

6. ബിൽ ഹിസ്റ്ററി

7. മീറ്റർ റീഡിങ്​ സമർപ്പിക്കൽ

8. സർവീസ്​ റീകണക്​ഷൻ റിക്വസ്റ്റ്​

9. റിക്വസ്റ്റ്​ സ്റ്റാറ്റസ്​ എൻക്വയറി