ജിഫ്രി മുത്തുക്കോയ തങ്ങളുടെ ബഹ്റൈൻ സന്ദർശനം; സ്വാഗതസംഘം രൂപവത്കരിച്ചു
text_fieldsജിഫ്രി മുത്തുക്കോയ തങ്ങളുടെ ബഹ്റൈൻ സന്ദർശനത്തിനുള്ള സ്വാഗതസംഘം രൂപവത്കരണ യോഗം സമസ്ത ബഹ്റൈൻ പ്രസിഡൻറ് ഫക്രുദ്ദീൻ കോയ തങ്ങൾ ഉദ്ഘാടനം ചെയ്യുന്നു
മനാമ: സമസ്ത കേരള ജംഇയ്യതുൽ ഉലമ പ്രസിഡന്റ് മുഹമ്മദ് ജിഫ്രി മുത്തുക്കോയ തങ്ങൾ ബഹ്റൈൻ സന്ദർശിക്കുന്നു. സമസ്ത ബഹ്റൈൻ ആചരിച്ചുവരുന്ന മീലാദ് കാമ്പയിനിന്റെ സമാപന ചടങ്ങിൽ സംബന്ധിക്കാൻ എത്തുന്ന ജിഫ്രി തങ്ങളെ സ്വീകരിക്കുന്നതിന്റെ ഭാഗമായി 101 അംഗ സ്വാഗതസംഘം രൂപവത്കരിച്ചു. രക്ഷാധികാരികളായി ഹബീബ് റഹ്മാൻ, കെ.ടി. സലീം, കെ.പി. മുസ്തഫ, നജീബ് കടലായി, കുട്ടൂസ മുണ്ടേരി, ചെമ്പൻ ജലാൽ, നാസർ മഞ്ചേരി, എം.എം.എസ്. ഇബ്രാഹിം എന്നിവരെ തെരഞ്ഞെടുത്തു. ഫക്റുദ്ദീൻ തങ്ങൾ (ചെയർ), യാസർ ജിഫ്രി തങ്ങൾ, മുഹമ്മദ് മുസ്ലിയാർ എടവണ്ണപ്പാറ, റഷീദ് ഫൈസി, മൊയ്തു ഹാജി കുരുട്ടി (വൈസ് ചെയർ), എസ്.എം. അബ്ദുൽ വാഹിദ് (ജന. കൺ), അഷ്റഫ് കാട്ടിൽ പീടിക (കൺ), ശഹീർ കാട്ടാമ്പള്ളി, അഷ്റഫ് അൻവരി, ഇസ്ഹാഖ് വില്യാപ്പള്ളി, ജാഫർ കൊയ്യോട്, റിയാസ് പുതുപ്പണം (ജോ. കൺ), ശാഫി പാറക്കട്ട, വി.കെ. കുഞ്ഞുമുഹമ്മദ് ഹാജി, സലീം തളങ്കര, മഹമൂദ് പെരിങ്ങത്തൂർ, റിയാസ് മന്നത്ത്, വി.എച്ച്. അബ്ദുല്ല, സുബൈർ പൊളിയാവ് (ഫിനാൻസ്) തുടങ്ങിയവരാണ് മറ്റു ഭാരവാഹികൾ.
എസ്.എം. അബ്ദുൽ വാഹിദ് അധ്യക്ഷത വഹിച്ച സ്വാഗതസംഘം രൂപവത്കരണ ചടങ്ങ് സമസ്ത ബഹ്റൈൻ പ്രസിഡൻറ് ഫക്രുദ്ദീൻ കോയ തങ്ങൾ ഉദ്ഘാടനം ചെയ്തു. അഷ്റഫ് കാട്ടിൽ പീടിക പരിപാടിയുടെ വിശദീകരണം നടത്തി. ഷഹീർ കാട്ടാമ്പള്ളി സ്വാഗതവും കാസിം റഹ്മാനി നന്ദിയും പറഞ്ഞു. സമസ്ത ബഹ്റൈൻ ഭാരവാഹികളായ യാസർ ജിഫ്രി തങ്ങൾ, മുഹമ്മദ് മുസ്ലിയാർ എടവണ്ണപ്പാറ, മുസ്തഫ കളത്തിൽ, ഷറഫുദ്ദീൻ മാരായമംഗലം, നൗഷാദ് ഹമദ് ടൗൺ, മുഹമ്മദ് ഷാഫി വേളം, ബഹ്റൈൻ റേഞ്ച് ജംഇയ്യതുൽ മുഅല്ലിമീൻ ഭാരവാഹികളായ റഷീദ് ഫൈസി, ഇസ്മയിൽ പയ്യന്നൂർ, അഷ്റഫ് അൻവരി, ഹാഫിസ് ശറഫുദ്ദീൻ മൗലവി, ജനൂബ് ഹസനി, എസ്.കെ.എസ്.എസ്.എഫ് ഭാരവാഹികളായ മജീദ് ചേലക്കോട്, നവാസ് കുണ്ടറ, സജീർ പന്തക്കൽ, ഉമൈർ തുടങ്ങിയവർ പങ്കെടുത്തു.
സ്വാഗതസംഘം ഓഫിസ് ഉദ്ഘാടനം ബുധനാഴ്ച രാത്രി എട്ടിന് സമസ്ത ബഹ്റൈൻ പ്രസിഡന്റ് ഫക്രുദ്ദീൻ തങ്ങൾ നിർവഹിക്കുമെന്ന് ഭാരവാഹികൾ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.