കാവാലം സ്​മൃതിയിൽ ‘അവനവൻ കടമ്പ’ നാടകം അവതരിപ്പിച്ചു

മനാമ: ബഹ്​റൈൻ കേരളീയ സമാജം സ്​കൂൾ ഒാഫ്​ ഡ്രാമയുടെ ആഭിമുഖ്യത്തിൽ കാവാലം നാരായണപണിക്കർ അനുസ്​മരണവും ‘അവനവൻ കടമ്പ’ നാടകവും അവതരിപ്പിച്ചു. സമാജം ഹാളിൽ നടന്ന നാടകം കാവാലത്തി​​​െൻറ ശിഷ്യനും നടനുമായ ബിജു സോപാനം ദീപം കൊളുത്തി ഉദ്​ഘാടനം ചെയ്​തു. സമാജം സെക്രട്ടറി എൻ.കെ. വീരമണി, കലാവിഭാഗം സെക്രട്ടറി ശിവകുമാർ കൊല്ലറോത്ത്​, ഡ്രാമ സ്​കൂൾ കൺവീനർ അനിൽ സോപാനം എന്നിവർ സംസാരിച്ചു.

കണ്ടുശീലിച്ച നാടകാസ്വാദനത്തിന്​ പുതിയ കാഴ്​ച വി​രുന്നൊരുക്കിയ വ്യക്​തിയാണ്​ കാവാലമെന്ന്​ ബിജു സോപാനം പറഞ്ഞു. തനത്​ നാടകപ്രസ്​ഥാനം അന്നുവരെ കണ്ടിരുന്ന എല്ലാ നാടക സ​േങ്കതങ്ങളെയും മാറ്റിയെഴുതിയെന്നും ബിജു അഭിപ്രായപ്പെട്ടു.‘കറുകറെ’ എന്ന കവിതയുടെ ദൃശ്യാവിഷ്​കാരത്തോടെയാണ്​ പരിപാടികൾ തുടങ്ങിയത്​. ‘അവനവൻ കടമ്പ’ നാടകം ആസ്വാദകർക്ക്​ പുത്തൻ അനുഭവമായി.  ആട്ടവും പാട്ടുമായി നടക്കുന്ന ഒരു വിഭാഗം ഗ്രാമീണരുടെ കഥയാണ്​ നാടകം.

‘പാട്ട്​ പരിഷ’യായി ശിവകുമാർ കുളത്തൂപ്പുഴയും ‘ആട്ട പണ്ടാര’മായി ശ്രീജിത്​ ഫാറൂഖും, ‘ഇരട്ടകണ്ണൻ പക്കി’യായി സജി കുടശ്ശനാടും, ‘ചിത്തിര പെണ്ണായി’ രാഖി രാകേഷും,  ‘കാര്യസ്​ഥനായി’ വിനോദ്​ നാരായണനും മികച്ച നിലവാരം പുലർത്തി.സംഭാഷണങ്ങൾക്കൊപ്പം പാട്ടുപാടി അഭിനയിക്കുകയും നൃത്തം ചെയ്യുകയും ചെയ്യുന്ന രീതിയിലാണ്​ നാടകം ആവിഷ്​കരിച്ചത്​. ഷിജിത്​, അനീഷ്​ ഗൗരി, പ്രേംജി, നിസാൻ ആൻറണി, ബിനോജ്​, മനോജ്​ സദ്​ഗമയ, അനു കോഴിഞ്ചേരി, സജീഷ്​ തീക്കുനി, അശോകൻ, ജിബിൻ ആൻറണി എന്നിവരാണ്​ മറ്റ്​ അഭിനേതാക്കൾ. 
അണിയറയിൽ ഹരീഷ്​ മേനോൻ, സന്തോഷ്​ കൈലാസ്, ശ്രീഹരി ചെറുതാഴം, മനു മോഹൻ,  കണ്ണൻ മുഹറഖ്​, ജിതേഷ്​ വേളം, രാജീവ്​ വെള്ളിക്കോത്ത്​, സജീവൻ കണ്ണപുരം, അനഘ രാജീവ്, രാധാകൃഷ്​ണൻ, സ്​മിത, ദിനേശ്​ മാവൂർ, രാഗേഷ്​, ടോണി പെരുമാനൂർ, അനീഷ്​ റോൺ എന്നിവർ പ്രവർത്തിച്ചു.