ആരോഗ്യപരിചരണത്തിൽ മികവി​ന്റെ കേന്ദ്രമായി കിംസ്​ഹെൽത്ത്​ ഹോസ്പിറ്റൽ

മ​നാ​മ: ബ​ഹ്​​റൈ​നി​ലെ ആ​രോ​ഗ്യ പ​രി​ച​ര​ണ​രം​ഗ​ത്ത്​ മി​ക​വി​​ന്റെ കേ​ന്ദ്ര​മാ​യി ഉ​മ്മു​ൽ​ഹ​സം കിം​സ്​ ഹെ​ൽ​ത്ത്​ ഹോ​സ്പി​റ്റ​ൽ. മി​ത​മാ​യ ചെ​ല​വി​ൽ മി​ക​വു​റ്റ ആ​രോ​ഗ്യ സം​ര​ക്ഷ​ണ​വും ആ​ധു​നി​ക ചി​കി​ത്സാ​സം​വി​ധാ​ന​ങ്ങ​ളും രോ​ഗീ​സൗ​ഹൃ​ദ അ​ന്ത​രീ​ക്ഷ​വു​മാ​ണ്​ ഹോ​സ്പി​റ്റ​ലി​​ന്റെ പ്ര​ത്യേ​ക​ത​യെ​ന്ന്​ ഗ്രൂ​പ്​ ചീ​ഫ്​ എ​ക്സി​ക്യൂ​ട്ടി​വ്​ ഓ​ഫി​സ​ർ ഡോ. ​ഷെ​രീ​ഫ്​ എം. ​സ​ഹ​ദു​ല്ല വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

ക​ഴി​ഞ്ഞ വ​ർ​ഷം ജ​നു​വ​രി​യി​ലാ​ണ്​ ഹോ​സ്പി​റ്റ​ൽ ഔ​ദ്യോ​ഗി​ക​മാ​യി പ്ര​വ​ർ​ത്ത​ന​മാ​രം​ഭി​ച്ച​ത്. അ​തി​ന്​ മു​മ്പ്, 2020 ജൂ​ൺ മു​ത​ൽ കോ​വി​ഡ്​ പ​രി​ച​ര​ണ​കേ​ന്ദ്ര​മാ​യി പ്ര​വ​ർ​ത്ത​നം തു​ട​ങ്ങി​യി​രു​ന്നു. രാ​ജ്യ​ത്തെ കോ​വി​ഡ്​ പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ പ​ങ്കു​ചേ​ർ​ന്നാ​ണ്​ കിം​സ്​ ഹെ​ൽ​ത്ത്​ ഹോ​സ്പി​റ്റ​ലി​ൽ കോ​വി​ഡ്​ ചി​കി​ത്സാ​കേ​ന്ദ്രം ഒ​രു​ക്കി​യ​ത്. ഗു​രു​ത​രാ​വ​സ്ഥി​യി​ൽ അ​ല്ലാ​ത്ത ആ​യി​ര​ത്തോ​ളം കോ​വി​ഡ്​ രോ​ഗി​ക​ൾ​ക്ക്​ ഇ​വി​ടെ പ​രി​ഹ​ര​ണം ന​ൽ​കി. ചി​കി​ത്സാ​കാ​ല​ത്ത്​ ഒ​രു മ​ര​ണം​പോ​ലും റി​പ്പോ​ർ​ട്ട്​ ചെ​യ്തി​ല്ല എ​ന്ന നേ​ട്ട​വും ​കൈ​വ​രി​ച്ചു. ബ​ഹ്​​റൈ​ൻ ആ​രോ​ഗ്യ​മ​ന്ത്രാ​ല​യ​വു​മാ​യി സ​ഹ​ക​രി​ച്ച്​ ന​ട​ത്തി​യ ​കോ​വി​ഡ്​ പ​രി​ച​ര​ണം ഹോ​സ്പി​റ്റ​ലി​​ന്റെ സാ​മൂ​ഹി​ക പ്ര​തി​ബ​ദ്ധ​ത​യു​ടെ ഭാ​ഗം കൂ​ടി​യാ​ണ്.

75 കി​ട​ക്ക​ക​ളു​ള്ള ആ​ശു​പ​ത്രി​യി​ൽ നി​ല​വി​ൽ 40ഓ​ളം ഡോ​ക്ട​ർ​മാ​രു​ടെ സേ​വ​ന​മു​ണ്ട്. ബ​ഹ്​​റൈ​നി​ലെ ജ​ന​ങ്ങ​ൾ​ക്ക്​ ഏ​റ്റ​വും എ​ളു​പ്പ​ത്തി​ൽ ആ​രോ​ഗ്യ​സേ​വ​നം ഉ​റ​പ്പു​വ​രു​ത്തു​ക​യാ​ണ്​ ല​ക്ഷ്യ​മെ​ന്ന്​ ഡോ. ​ഷ​രീ​ഫ്​ എം. ​സ​ഹ​ദു​ല്ല പ​റ​ഞ്ഞു. കാ​ർ​ഡി​യോ​ള​ജി, അ​ന​സ്​​തേ​ഷ്യോ​ള​ജി, എ​മ​ർ​ജ​ൻ​സി മെ​ഡി​സി​ൻ, ഫാ​മി​ലി മെ​ഡി​സി​ൻ, ഗാ​സ്​​ട്രോ​എ​ന്‍റ​റോ​ള​ജി, ജ​ന​റ​ൽ മെ​ഡി​സി​ൻ, ജ​ന​റ​ൽ സ​ർ​ജ​റി, ഇ​ന്റേ​ണ​ൽ മെ​ഡി​സി​ൻ, ഒ​ബ്​​സ്​​റ്റെ​ട്രി​ക്സ്​ ആ​ൻ​ഡ്​ ഗൈ​ന​ക്കോ​ള​ജി, ഓ​ഫ്താ​ൽ​മോ​ള​ജി, ഓ​ർ​ത്തോ​പീ​ഡി​ക്സ്, പീ​ഡി​യാ​ട്രി​ക്സ്, ഫി​സി​യോ​തെ​റ​പ്പി, റേ​ഡി​യോ​ള​ജി, യൂ​റോ​ള​ജി തു​ട​ങ്ങി 20 സ്​​പെ​ഷാ​ലി​റ്റി​ക​ളി​ലെ സേ​വ​ന​മു​ണ്ട്. പ്രാ​ഥ​മി​ക പ​രി​ച​ര​ണ​ത്തി​ന്​ പു​റ​മേ ര​ണ്ടാം ഘ​ട്ട, മൂ​ന്നാം ഘ​ട്ട പ​രി​ച​ര​ണ​വും ഉ​റ​പ്പു​വ​രു​ത്തു​ന്നു. 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന എ​മ​ർ​ജ​ൻ​സി വി​ഭാ​ഗം, ആം​ബു​ല​ൻ​സ്​ സേ​വ​നം എ​ന്നി​വ​യു​മു​ണ്ട്​. അ​ഞ്ച്​ നി​ല​ക​ളി​ലാ​യി 225 കാ​റു​ക​ൾ​ക്കു​ള്ള പാ​ർ​ക്കി​ങ്​ സൗ​ക​ര്യ​വും ഒ​രു​ക്കി​യി​ട്ടു​ണ്ട്.

രോ​ഗി​ക​ളു​ടെ ക്ഷേ​മ​ത്തി​നാ​ണ്​ ഹോ​സ്​​പി​റ്റ​ൽ ഏ​റ്റ​വു​മ​ധി​കം ശ്ര​ദ്ധ​ന​ൽ​കു​ന്ന​തെ​ന്ന് അ​ദ്ദേ​ഹം പ​റ​ഞ്ഞു. 2002ൽ ​തി​രു​വ​ന​ന്ത​പു​ര​ത്ത്​ തു​ട​ക്കം​കു​റി​ച്ച കിം​സ്​​ഹെ​ൽ​ത്ത്​ ഇ​ന്ന്​ ഇ​ന്ത്യ​യി​ലും ജി.​സി.​സി​യി​ലു​മാ​യി ആ​യി​ര​ക്ക​ണ​ക്കി​ന്​ രോ​ഗി​ക​ളു​ടെ അ​ഭ​യ​കേ​ന്ദ്ര​മാ​ണ്. 2004ലാ​ണ്​ ബ​ഹ്​​റൈ​നി​ലെ ആ​ദ്യ മെ​ഡി​ക്ക​ൽ സെ​ന്‍റ​ർ ആ​രം​ഭി​ച്ച​ത്. നി​ല​വി​ൽ ഇ​ന്ത്യ​യി​ൽ അ​ഞ്ച്​ ​ഹോ​സ്പി​റ്റ​ലു​ക​ളും മൂ​ന്ന്​ മെ​ഡി​ക്ക​ൽ സെ​ന്‍റ​റു​ക​ളു​മു​ണ്ട്. മി​ഡി​ലീ​സ്​​റ്റി​ൽ മൂ​ന്ന്​ ഹോ​സ്പി​റ്റ​ലു​ക​ളും 13 മെ​ഡി​ക്ക​ൽ സെ​ന്‍റ​റു​ക​ളു​മു​ണ്ട്. നാ​ഗ​ർ​കോ​വി​ലി​ൽ ഉ​ട​ൻ​ത​ന്നെ 150 കി​ട​ക്ക​ക​ളു​ള്ള ആ​ശു​പ​ത്രി പ്ര​വ​ർ​ത്ത​ന​മാ​രം​ഭി​ക്കും. ഔ​ട്ട്​​പേ​ഷ്യ​ന്‍റ്​ വി​ഭാ​ഗ​ത്തി​ൽ ഒ​രു ദി​വ​സം 7000ഓ​ളം രോ​ഗി​ക​ളാ​ണ്​ കിം​സ്​​ഹെ​ൽ​ത്ത്​ ഹോ​സ്പി​റ്റ​ലു​ക​ളി​ൽ എ​ത്തു​ന്ന​ത്​.

വാർത്താസമ്മേളനത്തിൽ കിംസ്​ഹെൽത്ത്​ ഡയറക്ടർ അലി ജവാഹെരി, കിംസ്​ഹെൽത്ത്​ മെഡിക്കൽ സെന്‍റർ ചെയർമാൻ ചെയർമാൻ അഹ്​മദ്​ ജവാഹെരി, കിംസ്​ഹെൽത്ത്​ ഗ്രൂപ്പ്​ എക്സിക്യുട്ടീവ്​ ഡയറക്ടർ ജേക്കബ്​ തോമസ്​, ചീഫ്​ ഓപ​േററ്റിങ്​ ഓഫീസർ ഇ.എൻ താരീഖ്​ എന്നിവരും പ​ങ്കെടുത്തു.