ഹമദ്​ രാജാവിനെ പ്രധാനമന്ത്രിയും  കിരീടാവകാശിയും സന്ദർശിച്ചു

മനാമ: രാജാവ്​ ഹമദ്​ ബിൻ ഇൗസ ആൽ ഖലീഫയെ പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫ, കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ എന്നിവർ സാക്കിർ പാലസിൽ സന്ദർശിച്ചു.  കൂടികാഴ്​ചയിൽ ഹമദ്​ രാജാവ്​ വിവിധ വിഷയങ്ങൾ വിലയിരുത്തുകയും ചർച്ച ചെയ്യുകയും ചെയ്​തു.  ദേശീയ കർമ്മപരിപാടിയുടെ ഭാഗമായുള്ള ദേശീയ വിഷയങ്ങൾ രാജാവ് അവലോകനം ചെയ്​തു.

രാഷ്​ട്രത്തി​​​​െൻറയും പൗരൻമാരുടെയും താൽപര്യങ്ങൾക്കും വികസനത്തിനും ആധുനികവത്ക്കരണത്തിനും വേണ്ടിയുള്ള കാര്യങ്ങളും​ അദ്ദേഹം വിശദീകരിച്ചു. ബഹ്റൈനെ സേവിക്കുന്നതിലും  രാജ്യത്തി​​​​െൻറ വിവിധ മേഖലകളിലുള്ള പുരോഗമനത്തിനായി പ്രയത്​നിക്കുകയും ചെയ്യുന്ന പ്രധാനമന്ത്രിയുടെയും കിരീടാവകാശിയുടെയും സമർപ്പണ പ്രവർത്തനങ്ങളെ രാജാവ്​ എടുത്തുപറഞ്ഞു.

സഹോദര രാജ്യമായ സൗദിയിൽ നടന്ന അറബ്​ ഉച്ചകോടി ദൃഡമായ നിലപാടുകൾ വാർത്തെടുക്കാനുള്ള വേദിയായതായും അറബ്​ രാജ്യങ്ങളുടെ കരുത്ത്​ വർധിപ്പിക്കുന്നതിൽ അറബ്​ ലീഗിന്​ നേതൃത്വം നൽകുന്ന സൗദി രാജാവ്​ സൽമാൻ ബിൻ അബ്​ദുല്ലസീസ്​ അൽ സൗദി​​​​െൻറ സംഭാവനകൾ പ്രശംസനീയമാണെന്നും ഹമദ്​ രാജാവ്​ പറഞ്ഞു. 

സൗദിയിൽ നടന്ന ജോയിൻറ്​ ഗൾഫ്​ ഷീൽഡ്​ ഒന്ന്​ സഹകരണ സൈനിക അഭ്യാസത്തിൽ ബഹ്​റൈൻ ഡിഫൻസ്​ ഫോഴ്​സ്​ പങ്കാളിയായതും പ്രശംസനീയമായ പ്രകടനം കാഴ്​ച വെച്ചതും രാജാവ്​ പരാമർശിച്ചു. മേഖലയിലെ സൗദിയുടെ നേതൃത്വം രാജ്യങ്ങൾക്ക്​ നൽകുന്ന സുരക്ഷിതത്വത്തിനെ കുറിച്ചും അദ്ദേഹം ചൂണ്ടിക്കാട്ടി.