യു.എസ് മറൈൻ ഫിഫ്ത്ത് ഫ്ലീറ്റ് കമാൻഡറെ ഹമദ് രാജാവ് സ്വീകരിച്ചു
text_fieldsയു.എസ് മറൈൻ ഫിഫ്ത്ത് ഫ്ലീറ്റ് കമാൻഡർ അഡ്മിറൽ ചാൾസ് പ്രാഡ്ഫോർഡ് കൂപ്പറിനെ രാജാവ് ഹമദ് ബിൻ ഈസ ആൽ ഖലീഫ സ്വീകരിച്ചപ്പോൾ
മനാമ: യു.എസ് മറൈൻ ഫിഫ്ത്ത് ഫ്ലീറ്റ് കമാൻഡർ അഡ്മിറൽ ചാൾസ് പ്രാഡ്ഫോർഡ് കൂപ്പറിനെ രാജാവ് ഹമദ് ബിൻ ഈസ ആൽ ഖലീഫ സ്വീകരിച്ചു. ഔദ്യോഗിക ചുമതലയിൽ നിന്നും വിരമിക്കുന്ന പശ്ചാത്തലത്തിലായിരുന്നു കൂടിക്കാഴ്ച.
യു.എസും ബഹ്റൈനും തമ്മിലുള്ള ബന്ധവും വിവിധ മേഖലകളിലുള്ള സഹകരണവും വരും നാളുകളിൽ കൂടുതൽ മെച്ചപ്പെടുമെന്ന് പ്രതീക്ഷിക്കുന്നതായി ചാൾസ് വ്യക്തമാക്കി. അമേരിക്കയുമായുള്ള സൈനിക, പ്രതിരോധ മേഖലകളിലുള്ള സഹകരണം ബഹ്റൈന് ഏറെ കരുത്തുപകർന്നതായി ഹമദ് രാജാവ് വ്യക്തമാക്കി.
സൈനിക മേഖലകളിൽ സഹകരണം ശക്തമാക്കുന്നതിന് ചാൾസ് നടത്തിയ ശ്രമങ്ങളെ ഹമദ് രാജാവ് പ്രശംസിച്ചു.
അദ്ദേഹത്തിന്റെ ഇനിയുള്ള ജീവിതം ഏറെ സന്തോഷവും സമാധാനവും കൈവരുന്നതാകട്ടെയെന്നും ആശംസിച്ചു.
സാഫിരിയ്യ പാലസിലായിരുന്നു കൂടിക്കാഴ്ച.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.