എൽ.എം.ആർ.എ പരിശോധന: മുഹറഖിൽ ഏതാനും പേർ പിടിയിൽ

മനാമ: തൊഴിലിടങ്ങളിലും സ്ഥാപനങ്ങളിലും എൽ.എം.ആർ.എ നടത്തിയ പരിശോധനയിൽ താമസ വിസ, തൊഴിൽ നിയമങ്ങൾ ലംഘിച്ച ഏതാനും ​പേർ പിടിയിലായതായി അധികൃതർ അറിയിച്ചു. നാഷനാലിറ്റി, പാസ്​പോർട്ട്​ ആൻഡ്​ റസിഡന്‍റ്​സ്​ അഫയേഴ്​സ്​ (എൻ.പി.ആർ.എ), മുഹറഖ്​ പൊലീസ്​ ഡയറക്​ട​റേറ്റ്​ എന്നിവയുമായി സഹകരിച്ചായിരുന്നു പരിശോധന.

നിയമവിരുദ്ധ തൊഴിലാളികളുയർത്തുന്ന ഭീഷണി ചെറുക്കുന്നതിന്‍റെ ഭാഗമായാണ്​ പരിശോധന കർശനമാക്കിയിരിക്കുന്നതെന്ന്​ എൽ.എം.ആർ.എ അധികൃതർ വ്യക്​തമാക്കി. പിടികൂടിയവർക്കെതിരെ നിയമനടപടി സ്വീകരിക്കുമെന്നും ബന്ധപ്പെട്ടവർ അറിയിച്ചു.