മ​നാ​മ ഡ​യ​ലോ​ഗ് 2024ന് ​തു​ട​ക്കം

മ​നാ​മ: ഇ​ന്‍റ​ർ​നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട് ഫോ​ർ സ്ട്രാ​റ്റ​ജി​ക് സ്റ്റ​ഡീ​സ് (ഐ.​ഐ.​എ​സ്.​എ​സ്) റീ​ജ​ന​ൽ സെ​ക്യൂ​രി​റ്റി ഉ​ച്ച​കോ​ടി 20ാം പ​തി​പ്പ് മ​നാ​മ ഡ​യ​ലോ​ഗ് 2024ന് ​തു​ട​ക്ക​മാ​യി. ബ​ഹ്‌​റൈ​നി​ലെ റി​റ്റ്‌​സ് -കാ​ൾ​ട്ട​ണി​ൽ തു​ട​ങ്ങി​യ സ​മ്മേ​ള​ന​ത്തി​ൽ വി​ദേ​ശ​കാ​ര്യ മ​ന്ത്രി ഡോ. ​അ​ബ്ദു​ല്ല​ത്തീ​ഫ് അ​ൽ സ​യാ​നി മു​ഖ്യ പ്ര​ഭാ​ഷ​ക​നാ​യി​രു​ന്നു. 50ല​ധി​കം രാ​ജ്യ​ങ്ങ​ളി​ൽ​നി​ന്നു​ള്ള ന​യ​ത​ന്ത്ര​ജ്ഞ​ർ, സു​ര​ക്ഷ വി​ദ​ഗ്ധ​ർ, ജി​യോ​പൊ​ളി​റ്റി​ക്ക​ൽ വി​ദ​ഗ്ധ​ർ എ​ന്നി​വ​രു​ൾ​പ്പെ​ടെ 500ല​ധി​കം പ്ര​തി​നി​ധി​ക​ളാ​ണ് സ​മ്മേ​ള​ന​ത്തി​ൽ പ​​ങ്കെ​ടു​ക്കു​ന്ന​ത്.

മി​ഡി​ൽ ഈ​സ്റ്റേ​ൺ രാ​ജ്യ​ങ്ങ​ളു​ടെ അ​ഭി​വൃ​ദ്ധി​യും സു​ര​ക്ഷ​യു​മു​ൾ​പ്പെ​ടെ​യു​ള്ള വി​ഷ​യ​ങ്ങ​ൾ സ​മ്മേ​ള​നം ച​ർ​ച്ച ചെ​യ്യും. ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി ഡോ. ​എ​സ്. ജ​യ​ശ​ങ്ക​ർ, യു.​എ.​ഇ ന​യ​ത​ന്ത്ര ഉ​പ​ദേ​ഷ്ടാ​വ് ഡോ. ​അ​ൻ​വ​ർ ഗ​ർ​ഗാ​ഷ് അ​ട​ക്കം പ്ര​മു​ഖ​ർ സ​മ്മേ​ള​ന​ത്തി​ൽ പ​​ങ്കെ​ടു​ക്കു​ന്നു​ണ്ട്. ആ​ണ​വ വ്യാ​പ​ന​മു​ണ്ടാ​ക്കു​ന്ന വെ​ല്ലു​വി​ളി അ​ട​ക്കം ഉ​ച്ച​കോ​ടി​യി​ൽ ഏ​ഴ് പ്ലീ​ന​റി സെ​ഷ​നു​ക​ൾ സ്ഥി​രീ​ക​രി​ച്ച​താ​യി സം​ഘാ​ട​ക​ർ പ​റ​ഞ്ഞു. ആ​ദ്യ നാ​ലെ​ണ്ണം ശ​നി​യാ​ഴ്ച​യും ബാ​ക്കി മൂ​ന്നെ​ണ്ണം ഞാ​യ​റാ​ഴ്ച​യും ന​ട​ക്കും. ശ​നി​യാ​ഴ്ച ന​ട​ക്കു​ന്ന ആ​ദ്യ പ്ലീ​ന​റി സെ​ഷ​ൻ ‘20 ഇ​യ​ർ ഓ​ഫ് ഡ​യ​ലോ​ഗ്’ ആ​യി​രി​ക്കും.

‘സം​ഘ​ർ​ഷ​ത്തോ​ടു​ള്ള രാ​ഷ്ട്രീ​യ​വും സൈ​നി​ക​വു​മാ​യ പ്ര​തി​ക​ര​ണ​ങ്ങ​ൾ’, ‘പ്രാ​ദേ​ശി​ക സ​മാ​ധാ​ന​ത്തി​നാ​യു​ള്ള അ​റ​ബ് സം​രം​ഭ​ങ്ങ​ൾ’, ‘മി​ഡി​ൽ ഈ​സ്റ്റ് സെ​ക്യൂ​രി​റ്റി​യി​ലേ​ക്കു​ള്ള അ​ന്താ​രാ​ഷ്ട്ര സ​മീ​പ​ന​ങ്ങ​ൾ’ എ​ന്നി​വ​യി​ൽ ച​ർ​ച്ച ന​ട​ക്കും.

ആ​ദ്യ മ​നാ​മ ഡ​യ​ലോ​ഗ് ന​ട​ന്ന​തി​ന്റെ 20ാം വാ​ർ​ഷി​ക​മാ​ണി​ത്. ക​ഴി​ഞ്ഞ വ​ർ​ഷ​ത്തെ മ​നാ​മ ഡ​യ​ലോ​ഗ് 75 ദ​ശ​ല​ക്ഷ​ത്തി​ല​ധി​കം ആ​ളു​ക​ൾ ​ക​ണ്ട​താ​യാ​ണ് ക​ണ​ക്കു​ക​ൾ. ക​ഴി​ഞ്ഞ​വ​ർ​ഷം മു​ഖ്യ പ്ര​ഭാ​ഷ​ണം കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ് സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ​യാ​ണ് നി​ർ​വ​ഹി​ച്ച​ത്. 56 രാ​ജ്യ​ങ്ങ​ളി​ൽ​നി​ന്നു​ള്ള 568 പ്ര​തി​നി​ധി​ക​ളും പ​ങ്കെ​ടു​ത്തു.