കനലണയാതെ മനാമ സൂഖ്

മ​നാ​മ: ച​രി​ത്ര​മു​റ​ങ്ങു​ന്ന വ്യാ​പാ​ര​കേ​ന്ദ്ര​ത്തി​ന്റെ ഹൃ​ദ​യ​ഭാ​ഗ​ത്തെ ന​ക്കി​ത്തു​ട​ച്ച തീ​ജ്വാ​ല​ക​ൾ അ​ണ​ഞ്ഞി​ട്ട് പ​ത്തി​ല​ധി​കം ദി​വ​സ​ങ്ങ​ൾ പി​ന്നി​ടു​മ്പോ​ഴും ജീ​വി​തോ​പാ​ധി ന​ഷ്ട​മാ​യ​വ​രു​ടെ മ​ന​സ്സി​ലെ ക​ന​ൽ അ​ണ​യു​ന്നി​ല്ല. മൂ​ന്നു ജീ​വ​നു​ക​ളാ​ണ് തീ​പി​ടി​ത്ത​ത്തി​ൽ ന​ഷ്ട​മാ​യ​ത്. വ​ർ​ഷ​ങ്ങ​ളു​ടെ അ​ധ്വാ​ന​ത്തി​ലൂ​ടെ സ്വ​രു​ക്കൂ​ട്ടി​യ സ​മ്പാ​ദ്യ​വും ഏ​റെ​പ്പേ​ർ​ക്കും ന​ഷ്ട​മാ​യി. ക​ട​ക​ളി​ലെ സാ​ധ​ന​ങ്ങ​ൾ പൂ​ർ​ണ​മാ​യും ന​ശി​ച്ച​വ​രു​ണ്ട്. ക​ട​ക​ളി​ൽ സൂ​ക്ഷി​ച്ചു​വെ​ച്ചി​രു​ന്ന പ​ണം, വ​സ്ത്ര​ങ്ങ​ൾ, രേ​ഖ​ക​ൾ എ​ന്നു​വേ​ണ്ട അ​ത്യാ​വ​ശ്യ​മു​ള്ള എ​ല്ലാ സം​ഗ​തി​ക​ളും ന​ശി​ച്ചു. ഉ​ടു​തു​ണി​യ​ല്ലാ​തെ മ​റ്റൊ​ന്നും ശേ​ഷി​ക്കാ​ത്ത​വ​ർ. ക​ട ന​ട​ത്തു​ന്ന​വ​ർ മാ​ത്ര​മ​ല്ല, ഈ ​ക​ട​ക​ളി​ലെ നൂ​റു​ക​ണ​ക്കി​നു​വ​രു​ന്ന തൊ​ഴി​ലാ​ളി​ക​ളും ഇ​ര​ക​ളാ​ണ്. പ​ക​ല​ന്തി​യി​ല്ലാ​ത്ത ജോ​ലി​യി​ലൂ​ടെ സ്വ​രു​ക്കൂ​ട്ടി​യ സ​മ്പാ​ദ്യം അ​ഗ്നി വി​ഴു​ങ്ങു​മ്പോ​ൾ ദൂ​രെ​നി​ന്ന് കാ​ണാ​ൻ മാ​ത്ര​മേ ഇ​വ​ർ​ക്ക് സാ​ധി​ച്ചി​രു​ന്നു​ള്ളൂ. പെ​രു​ന്നാ​ൾ ക​ച്ച​വ​ടം പ്ര​മാ​ണി​ച്ച് കൂ​ടു​ത​ൽ സ്റ്റോ​ക്ക് പ​ല​രും ക​രു​തി​യി​രു​ന്നു. അ​തെ​ല്ലാം പോ​യി. ന​ഷ്ടം ക​ന​ത്ത​താ​യി. ചി​ല്ല​റ വ്യാ​പാ​രി​ക​ൾ​ക്ക് സാ​ധ​ന​ങ്ങ​ൾ ഇ​റ​ക്കി​ക്കൊ​ടു​ത്ത മൊ​ത്ത വ്യാ​പാ​രി​ക​ളും ആ​ശ​ങ്ക​യി​ലാ​ണ്. ഭാ​ഗി​ക​മാ​യി ചാ​മ്പ​ലാ​യ ക​ട​ക​ളി​ലെ സാ​ധ​ന​ങ്ങ​ളൊ​ന്നും ഉ​പ​യോ​ഗ​യോ​ഗ്യ​മ​ല്ല. പു​ക​യേ​റ്റു ന​ശി​ച്ച​വ​യും അ​ഗ്നി​ശ​മ​ന പ്ര​വ​ർ​ത്ത​ന​ങ്ങ​ൾ ന​ട​ന്ന​പ്പോ​ൾ വെ​ള്ളം​കൊ​ണ്ട് ന​ശി​ച്ചു​പോ​യ​തു​മാ​യ സാ​ധ​ന സാ​മ​ഗ്രി​ക​ൾ ഉ​ള്ള​വ​രും പി​ട​യു​ക​യാ​ണ്.

ന​ഷ്ടം സം​ഭ​വി​ച്ച​വ​രി​ലേ​റെ​യും മ​ല​യാ​ളി​ക​ൾ

അ​മ്പ​തി​ല​ധി​കം ക​ട​ക​ളാ​ണ് തീ​പി​ടി​ത്ത​ത്തി​ൽ ന​ശി​ച്ച​ത്. ഇ​തി​ൽ പ​തി​നാ​ല് ക​ട​ക​ൾ ഇ​ന്ത്യ​ൻ വ്യാ​പാ​രി​ക​ൾ ന​ട​ത്തു​ന്ന​താ​ണ്. ഈ ​ക​ട​ക​ളെ​ല്ലാം പൂ​ർ​ണ​മാ​യും ക​ത്തി​ന​ശി​ച്ചു. ഇ​വ​രി​ൽ പ​തി​നൊ​ന്നു​പേ​രും മ​ല​യാ​ളി​ക​ളാ​ണ്. അ​തി​ൽ​ത​ന്നെ അ​ധി​കം പേ​രും കോ​ഴി​ക്കോ​ട് ജി​ല്ല​ക്കാ​ർ. വ​ട​ക​ര സ്വ​ദേ​ശി ഇ​സ്‌​ഹാ​ഖ് അ​ലി ന​ട​ത്തു​ന്ന പാ​ദ​ര​ക്ഷ​ഷോ​പ്പാ​ണ് അ​ഗ്നി​ക്കി​ര​യാ​യ ക​ട​ക​ളി​ലൊ​ന്ന്. 25 വ​ർ​ഷ​മാ​യി പ്ര​വ​ർ​ത്തി​ക്കു​ന്ന ഈ ​ക​ട​യി​ൽ പെ​രു​ന്നാ​ൾ പ്ര​മാ​ണി​ച്ച് കൂ​ടു​ത​ൽ സ്റ്റോ​ക്ക് ക​രു​തി​വെ​ച്ചി​രു​ന്നു. മാ​ത്ര​മ​ല്ല ക്ലോ​സ് ചെ​യ്ത മ​റ്റൊ​രു ഷോ​പ്പി​ലെ സാ​ധ​ന​ങ്ങ​ളും ഇ​വി​ടെ ഇ​റ​ക്കി​വെ​ച്ചി​രു​ന്നു. ക​ട​യു​ടെ മു​ക​ളി​ല​ത്തെ നി​ല സ്റ്റോ​റാ​യി​രു​ന്നു. ഇ​തെ​ല്ലാം ക​ത്തി​ന​ശി​ച്ചു. 40000 ദി​നാ​റി​ന്റെ സാ​ധ​ന​ങ്ങ​ളി​ലൊ​ന്നും ബാ​ക്കി​യാ​ക്കാ​തെ അ​ഗ്നി വി​ഴു​ങ്ങി. ക​ട​യി​ൽ സൂ​ക്ഷി​ച്ചി​രു​ന്ന 4500 ദി​നാ​റും ന​ഷ്ട​മാ​യ​താ​യി അ​ദ്ദേ​ഹം പ​റ​ഞ്ഞു. ഇ​സ്‌​ഹാ​ഖ് അ​ലി​യു​ടെ ക​ട​യു​ടെ തൊ​ട്ട​ടു​ത്തു​ണ്ടാ​യി​രു​ന്ന​ത് വ​ട​ക​ര സ്വ​ദേ​ശി ബാ​ബു​വി​ന്റെ റെ​ഡി​മെ​യ്ഡ് ഷോ​പ്പാ​യി​രു​ന്നു. മ​ക​ളു​ടെ വി​വാ​ഹം ക​ഴി​ഞ്ഞ് തി​രി​കെ​വ​ന്ന​തി​ന്റെ അ​ടു​ത്ത ദി​വ​സ​മാ​ണ് അ​ഗ്നി​ബാ​ധ​യു​ണ്ടാ​യ​ത്. ആ ​ക​ട​ബാ​ധ്യ​ത നി​ക​ത്താ​മെ​ന്ന പ്ര​തീ​ക്ഷ​യും ക​ത്തി​യ​മ​ർ​ന്നു.

വ​ട​ക​ര അ​ഴി​യൂ​ർ സ്വ​ദേ​ശി കെ.​കെ. അ​ഷ്റ​ഫ് 12 വ​ർ​ഷ​മാ​യി സൂ​ഖി​ൽ അ​ബാ​യ ഷോ​പ്പ് ന​ട​ത്തു​ക​യാ​ണ്. ക​ട​യി​ലു​ണ്ടാ​യി​രു​ന്ന 8000 ദി​നാ​റി​ന്റെ സാ​ധ​ന​ങ്ങ​ൾ ന​ശി​ച്ചു. ഈ​ദ് ക​ച്ച​വ​ടം പ്ര​മാ​ണി​ച്ച് ഇ​റ​ക്കി​യി​രു​ന്ന സ്റ്റോ​ക്കും മു​ഴു​വ​നാ​യി ക​ത്തി. മ​ക്ക​ൾ ര​ണ്ടു​പേ​രും പ​ഠി​ക്കു​ക​യാ​ണ്. അ​വ​രു​ടെ പ​ഠ​ന​​ച്ചെ​ല​വി​നു​ള്ള മാ​ർ​ഗം ഇ​നി​യെ​ങ്ങ​നെ ക​ണ്ടെ​ത്തു​മെ​ന്ന ആ​ശ​ങ്ക​യി​ലാ​ണെ​ന്ന് അ​ഷ്റ​ഫ് പ​റ​യു​ന്നു.അ​ഴി​യൂ​ർ സ്വ​ദേ​ശി ഷം​സീ​ർ​ന​ട​ത്തു​ന്ന റെ​ഡി​മെ​യ്‌​ഡ്‌ സ്ഥാ​പ​ന​ത്തെ​യും അ​ഗ്നി പൂ​ർ​ണ​മാ​യും വി​ഴു​ങ്ങി. 40000 ദി​നാ​റി​ന്റെ ന​ഷ്ട​മാ​ണ് ക​ണ​ക്കാ​ക്കു​ന്ന​ത്. 34 വ​ർ​ഷ​മാ​യി ബ​ഹ്‌​റൈ​നി​ലു​ള്ള മാ​ഹി അ​ഴി​യൂ​ർ സ്വ​ദേ​ശി ഗ​ഫൂ​ർ ന​ട​ത്തു​ന്ന റെ​ഡി​മെ​യ്‌​ഡ്‌ ക​ട​ക​ളും ക​ത്തി​ന​ശി​ച്ചു. സാ​ദി​ഖ്, സ​മീ​ർ, സ​ഫ് വാ​ൻ, അ​ബ്ദു​ല്ല കെ.​പി, അ​സ്ക​ർ, ഖ​ലീ​ൽ ഇ​വ​രെ​ല്ലാം ക​ട​ക​ൾ പൂ​ർ​ണ​മാ​യും ക​ത്തി ജീ​വി​തോ​പാ​ധി​ക​ൾ ന​ഷ്ട​മാ​യ​വ​രാ​ണ്. ഇ​നി പൂ​ജ്യ​ത്തി​ൽ​നി​ന്ന് തു​ട​ങ്ങേ​ണ്ട അ​വ​സ്ഥ​യാ​ണു​ള്ള​തെ​ന്ന് എ​ല്ലാ​വ​രും പ​റ​യു​ന്നു. ക​ട​യി​ലെ സാ​ധ​ന​ങ്ങ​ൾ മാ​ത്ര​മ​ല്ല സ്ഥി​ര ആ​സ്തി​ക​ളും ന​ശി​ച്ചു. ഇ​ന്റീ​രി​യ​ർ സാ​ധ​ന​ങ്ങ​ൾ, എ.​സി, സി.​സി.​ടി.​വി, ഡി​സ് പ്ലേ ​മെ​റ്റീ​രി​യ​ൽ​സ് അ​ട​ക്ക​മു​ള്ള സം​ഗ​തി​ക​ളെ​ല്ലാം ന​ശി​ച്ചു. ഇ​വ​കൂ​ടാ​തെ​യാ​ണ് ബാ​ധ്യ​ത​ക​ൾ. അ​തി​ൽ മൊ​ത്ത​വ്യാ​പാ​രി​ക​ൾ​ക്കു​ള്ള കു​ടി​ശ്ശി​ക​യു​ണ്ട്. ക​ട​യു​ടെ വാ​ട​ക മു​ൻ കു​ടി​ശ്ശി​ക, സ്റ്റാ​ഫി​നു​ള്ള കു​ടി​ശ്ശി​ക, ക​ട​യു​ടെ വൈ​ദ്യു​തി ബി​ൽ, ടെ​ലി​ഫോ​ൺ ബി​ൽ, തൊ​ഴി​ലാ​ളി​ക​ളു​ടെ ഗോ​സി, എ​ൽ.​എം.​ആ​ർ.​എ ബി​ല്ലു​ക​ൾ എ​ന്നി​വ​യൊ​ക്കെ​യു​ണ്ട്. ഇ​തി​നു​പു​റ​മെ വാ​റ്റ് ഇ​ന​ത്തി​ൽ അ​ട​​ക്കേ​ണ്ട തു​ക അ​ട​ക്കം പ​ല​ർ​ക്കും കു​ടി​ശ്ശി​ക​യു​ണ്ട്. ഇ​വ​യി​ലൊ​ക്കെ ഇ​ള​വു ല​ഭി​ക്കാ​നാ​യി സാ​മൂ​ഹി​ക പ്ര​വ​ർ​ത്ത​ക​രു​ടെ സ​ഹാ​യ​ത്തോ​ടെ ശ്ര​മം ന​ട​ക്കു​ന്നു​ണ്ട്. അ​വ എ​ത്ര മാ​ത്രം ഫ​ല​പ്രാ​പ്തി​യി​ലെ​ത്തു​മെ​ന്ന​റി​യി​ല്ലെ​ങ്കി​ലും പ്ര​തീ​ക്ഷ​യോ​ടെ കാ​ത്തി​രി​ക്കു​ക​യാ​ണ് ഈ ​വ്യാ​പാ​രി​ക​ൾ.

ഇ​തി​നൊ​ക്കെ പു​റ​മെ​യാ​ണ് വ്യ​ക്തി​പ​ര​മാ​യി​ട്ടു​ണ്ടാ​യ ന​ഷ്ട​ങ്ങ​ൾ. റൂ​മി​ന്റെ​യും ഫ്ലാ​റ്റി​ന്റെ​യും വാ​ട​ക കൊ​ടു​ക്കാ​ൻ പ​ല​ർ​ക്കും ക​ഴി​ഞ്ഞി​ട്ടി​ല്ല. മെ​സ് ബി​ൽ ഇ​ന​ത്തി​ൽ കു​ടി​ശ്ശി​ക​യു​ണ്ട്. വി​സ പു​തു​ക്കേ​ണ്ട​വ​രു​ണ്ട്. ഈ ​പ്ര​ശ്ന​ങ്ങ​ള​ട​ക്കം പ​രി​ഹ​രി​ക്കേ​ണ്ട​വ​യാ​ണെ​ന്ന് സാ​മൂ​ഹി​ക പ്ര​വ​ർ​ത്ത​ക​ർ ചൂ​ണ്ടി​ക്കാ​ണി​ക്കു​ന്നു.

സാ​മൂ​ഹി​ക പ്ര​വ​ർ​ത്ത​ക​രു​ടെ ഇ​ട​പെ​ട​ൽ

ദു​ര​ന്ത​മു​ണ്ടാ​യ അ​ന്നു​മു​ത​ൽ ഇ​ന്നു​വ​രെ വി​വി​ധ സാ​മൂ​ഹി​ക, സാം​സ്കാ​രി​ക സം​ഘ​ട​ന​ക​ളും നേ​താ​ക്ക​ളും പ്ര​വ​ർ​ത്ത​ക​രു​മെ​ല്ലാം ഏ​ക മ​ന​സ്സോ​ടെ കൂ​ട​പ്പി​റ​പ്പു​ക​ളെ സ​ഹാ​യി​ക്കാ​ൻ മു​ൻ​പ​ന്തി​യി​ലു​ണ്ടാ​യി​രു​ന്നു. തീ​യ​ണ​ക്കാ​ൻ ക​ർ​മ​നി​ര​ത​രാ​യി​രു​ന്ന സി​വി​ൽ ഡി​ഫ​ൻ​സ് അം​ഗ​ങ്ങ​ള​ക്ക​ട​ക്കം ഭ​ക്ഷ​ണ​വും വെ​ള്ള​വും എ​ത്തി​ച്ചു ന​ൽ​കി​യും തു​ട​ങ്ങി​യ സ​ന്ന​ദ്ധ പ്ര​വ​ർ​ത്ത​നം ഇ​പ്പോ​ഴും തു​ട​രു​ക​യാ​ണ്.തീ​യി​ൽ​പെ​ട്ട് സ​ർ​വ​തും ന​ശി​ച്ച വ്യാ​പാ​രി​ക​ൾ​ക്കും തൊ​ഴി​ലാ​ളി​ക​ൾ​ക്കും കി​ട​ക്കാ​ൻ ഇ​ട​വും ഭ​ക്ഷ​ണ​വും എ​ത്തി​ക്കാ​ൻ സം​ഘ​ട​നാ​ഭേ​ദ​മി​ല്ലാ​തെ എ​ല്ലാ​വ​രും ഒ​ന്നി​ച്ചു.

ആ ​കൂ​ട്ടാ​യ്മ​യു​ടെ പ്ര​വ​ർ​ത്ത​നം തു​ട​രു​ക​യാ​ണ്. നി​യ​മ​പ​ര​മാ​യ എ​ല്ലാ സ​ഹാ​യ​ങ്ങ​ളും ന​ൽ​കി​ക്കൊ​ണ്ട് സാ​മൂ​ഹി​ക പ്ര​വ​ർ​ത്ത​ക​ർ സ​ദാ രം​ഗ​ത്തു​ണ്ട്. ന​ഷ്ട​ത്തി​ന്റെ വ്യാ​പ്തി അ​ധി​കാ​രി​ക​ളെ അ​റി​യി​ക്കാ​നും അ​ർ​ഹ​ത​പ്പെ​ട്ട സ​ഹാ​യം നേ​ടി​യെ​ടു​ക്കാ​നു​മു​ള്ള പ്ര​വ​ർ​ത്ത​ന​ങ്ങ​ളി​ലാ​ണ് ഇ​വ​രൊ​ക്കെ. ഇ​ന്ത്യ​ൻ എം​ബ​സി​യു​ടെ ശ്ര​ദ്ധ​യി​ൽ വി​ഷ​യം കൊ​ണ്ടു​വ​രാ​നും സാ​മൂ​ഹി​ക പ്ര​വ​ർ​ത്ത​ക​ർ മു​ൻ​കൈ​യെ​ടു​ത്തു. എം​ബ​സി​യു​ടെ ഐ.​സി.​ഡ​ബ്ല്യൂ.​എ​ഫ് ഫ​ണ്ടി​ൽ​നി​ന്ന് വി​മാ​ന ടി​ക്ക​റ്റി​നു​ള്ള പ​ണം അ​നു​വ​ദി​പ്പി​ച്ച് നാ​ട്ടി​ൽ പോ​കാ​ൻ ആ​ഗ്ര​ഹി​ക്കു​ന്ന ദു​ര​ന്ത​ത്തി​ൽ​പ്പെ​ട്ട​വ​രെ നാ​ട്ടി​ലേ​ക്ക​യ​ക്കാ​നും ശ്ര​മി​ക്കു​ന്നു. ഇ​ന്ത്യ​ൻ എം​ബ​സി​യു​ടെ മേ​ൽ​നോ​ട്ട​ത്തി​ൽ പ്ര​വ​ർ​ത്തി​ക്കു​ന്ന ഐ.​സി.​ആ​ർ.​എ​ഫി​ന്റെ കു​ട​ക്കീ​ഴി​ലാ​ണ് എ​ല്ലാ സാ​മൂ​ഹി​ക സം​ഘ​ട​ന​ക​ളും ചേ​ർ​ന്നു സ​ഹാ​യ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​ത്. ഐ.​സി.​ആ​ർ.​എ​ഫ് ടീം ​സം​ഭ​വ​സ്ഥ​ലം സ​ന്ദ​ർ​ശി​ച്ചി​രു​ന്നു.

സ​ർ​ക്കാ​ർ ന​ഷ്ട​പ​രി​ഹാ​ര​ത്തി​നാ​യി ബ​ഹ്റൈ​ൻ എം.​പി​മാ​ർ അ​ട​ക്ക​മു​ള​ള​വ​ർ ശ്ര​മി​ക്കു​ന്നു​ണ്ടെ​ന്ന​ത് വ​ള​രെ​യേ​റെ ആ​ശ്വാ​സ​ക​ര​മാ​ണ്. സി.​ആ​ർ ഉ​ട​മ​ക​ൾ​ക്ക് മാ​ത്ര​മ​ല്ല, ക​ട​ക​ൾ ന​ട​ത്തു​ന്ന​വ​ർ​ക്കു​കൂ​ടി സ​ഹാ​യം ല​ഭി​ക്കേ​ണ്ട​തു​ണ്ടെ​ന്ന് ജ​ന​പ്ര​തി​നി​ധി​ക​ൾ ആ​വ​​ശ്യ​പ്പെ​ട്ടി​രു​ന്നു. ഇ​ര​ക​ളാ​ക്ക​പ്പെ​ട്ട​വ​രു​ടെ ദു​രി​ത​ങ്ങ​ളും ന​ഷ്ട​ത്തി​ന്റെ വ്യാ​പ്തി​യും എം.​പി​മാ​രെ ധ​രി​പ്പി​ക്കാ​ൻ ക​ഴി​ഞ്ഞി​ട്ടു​ണ്ട്. സി.​ആ​ർ ഉ​ട​മ​ക​ൾ ക​ഴി​ഞ്ഞ​ദി​വ​സം സെക്കന്‍റ് ഡെ​പ്യൂ​ട്ടി സ്പീ​ക്ക​ർ അ​ഹ​മ്മ​ദ് ക​റാ​ത്തെ​​യെ സ​ന്ദ​ർ​ശി​ച്ചി​രു​ന്നു.

സ​ഹാ​യ​വു​മാ​യി സ്വ​ദേ​ശി​ക​ളും

സ്വ​ദേ​ശി​ക​ൾ പ​ല​രും ജീ​വി​തോ​പാ​ധി​ക​ൾ ന​ഷ്ട​മാ​യ ദു​ര​ന്ത​ത്തി​ൽ​പെ​ട്ട​വ​രെ സ​ഹാ​യി​ക്കാ​ൻ രം​ഗ​ത്തു​വ​ന്നു​യെ​ന്ന​ത് ആ​ശ്വാ​സ​ക​ര​മാ​ണെ​ന്ന് സാ​മൂ​ഹി​ക​പ്ര​വ​ർ​ത്ത​ക​ർ പ​റ​യു​ന്നു. വ​ർ​ഷ​ങ്ങ​ളാ​യി സൂ​ഖി​ൽ പ്ര​വ​ർ​ത്തി​ക്കു​ന്ന വ​സ്ത്ര​വ്യാ​പാ​ര സ്ഥാ​പ​ന​മാ​യ അ​സീ​ൽ ടെ​ക്സ് ജീ​വി​തോ​പാ​ധി ന​ഷ്ട​പ്പെ​ട്ട എ​ല്ലാ​വ​ർ​ക്കും 200 ദി​നാ​ർ വി​ല​യു​ള്ള തു​ണി​ത്ത​ര​ങ്ങ​ൾ ന​ൽ​കി​യി​രു​ന്നു. വി​വി​ധ സം​ഘ​ട​നാ നേ​താ​ക്ക​ൾ ക​ഴി​ഞ്ഞ​ദി​വ​സം അ​സീ​ൽ ടെ​ക്സ് ഉ​ട​മ യൂ​സ​ഫ് അ​ബ്ദു റ​സാ​ഖി​നെ സ​ന്ദ​ർ​ശി​ച്ച് ഇ​ന്ത്യ​ൻ ക​മ്യൂ​ണി​റ്റി​യു​ടെ ന​ന്ദി അ​റി​യി​ച്ചി​രു​ന്നു.