‘മേയ് ക്വീൻ ബാൾ’ സൗന്ദര്യമത്സരം മേയ് 31ന്
text_fieldsമേയ് ക്വീൻ ബാൾ’ സംഘാടകർ വാർത്തസമ്മേളനത്തിൽ
മനാമ: 60 വർഷമായി ബഹ്റൈനിലെ സൗന്ദര്യാസ്വാദകർക്കായി ഇന്ത്യൻ ക്ലബിൽ സംഘടിപ്പിക്കുന്ന സൗന്ദര്യമത്സരമായ ‘മേയ് ക്വീൻ ബാൾ’ ഇത്തവണ മേയ് 31 വെള്ളിയാഴ്ച നടക്കുമെന്ന് സംഘാടകർ വാർത്തസമ്മേളനത്തിൽ പറഞ്ഞു.
വർഷങ്ങളായി ജനപ്രീതിയോടെ നടത്തപ്പെടുന്ന സൗന്ദര്യമത്സരം ഇത്തവണയും ജനപങ്കാളിത്തംകൊണ്ട് ശ്രദ്ധേയമാകും. ബഹ്റൈനിലുള്ള സൗന്ദര്യവതികളായ യുവതികൾ പ്രീമിയം വിഭാഗത്തിലാണ് ‘മേയ് ക്വീൻ ബാൾ’ സൗന്ദര്യമത്സരത്തെ വിലയിരുത്തുന്നത്.
പരിപാടിയുടെ ലോഗോയും സ്പോൺസർഷിപ് അപ്പീൽ ഫോമുകളും കഴിഞ്ഞ ഫെബ്രുവരി 22ന് മേയ് ക്വീൻ ലോഞ്ച് ചെയ്തിരുന്നു. ബഹ്റൈനിൽ താമസിക്കുന്ന 16 വയസ്സിനു മുകളിലുള്ള രാജ്യദേശഭേദമന്യേ എല്ലാ വനിതകൾക്കും മത്സരത്തിൽ പങ്കെടുക്കാം.
വിജയികൾക്ക് പണം, ആഭരണങ്ങൾ, വിമാന ടിക്കറ്റുകൾ, ഫാഷൻ ആക്സസറികൾ, ഗിഫ്റ്റ് ഹാംപറുകൾ എന്നിവയുൾപ്പെടെ ആകർഷകമായ സമ്മാനങ്ങൾ ലഭിക്കും. വിജയിയുടെ ആകെ സമ്മാനത്തുക 5000 യു.എസ് ഡോളറായിരിക്കും. എൻട്രി ഫോമുകൾക്കും കൂടുതൽ വിവരങ്ങൾക്കും, 39660475, 39279570, 35264335, 39952725, 33690011 നമ്പറുകളിൽ ബന്ധപ്പെടാം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.