മെമ്മറി ട്രെയിനർ ബക്കർ കൊയിലാണ്ടി ബഹ്‌റൈനിൽ

മനാമ: കേരളത്തിൽ നിരവധി വേദികളിൽ മെമ്മറി ട്രെയിനർ, മൈൻഡ് ട്യൂണിങ് എക്സ്പെർട്ട്, പേരന്‍റിങ് കോച്ചുമായ ബക്കർ കൊയിലാണ്ടി ബഹ്‌റൈനിൽ എത്തുന്നു. നവംബർ 29ന് ബഹ്‌റൈനിലെത്തുന്ന ബെക്കർ മുസ്‍ലിം എജുക്കേഷനൽ ആൻഡ് വെൽഫെയർ അസോസിയേഷൻ കൊയിലാണ്ടിയുടെ ആഭിമുഖ്യത്തിൽ നടക്കുന്ന കുടുംബസംഗമ പരിപാടിയിൽ പങ്കെടുക്കും.

വിവിധ സംഘടനകളുടെയും നേതൃത്വത്തിൽ നടക്കുന്ന വിദ്യാഭ്യാസ ട്രെയിനിങ് അടക്കം പല പരിപാടികളിലും പങ്കെടുക്കും. നൂറിലധികം സ്റ്റേജ് ഷോകൾ മെന്റലിസം, മെമ്മറി ആൻഡ് മൈൻഡ് ട്യൂണിങ് പരിപാടികൾ തുടങ്ങി ധാരാളം വിദ്യാഭ്യാസ ട്രെയിനിങ്ങുകളും ബെക്കർ നടത്തിയിട്ടുണ്ട്. നിരവധി പുസ്തകങ്ങളും അദ്ദേഹം രചിച്ചിട്ടുണ്ട്. മുസ്‍ലിം എജുക്കേഷനൽ ആൻഡ് വെൽഫെയർ അസോസിയേഷൻ സംഘടിപ്പിക്കുന്ന പരിപാടി സംബന്ധിച്ച കൂടുതൽ വിവരങ്ങൾക്ക്: 39853118 ,350 21 426 എന്നീ നമ്പറിൽ വിളിക്കാം.