എം.ജി. ശ്രീകുമാറിന് ബഹ്റൈനിൽ ഉജ്ജ്വല സ്വീകരണം

മനാമ: ബഹ്റൈനിന്റെ സംഗീതവഴികളിൽ പുതിയ അധ്യായം രചിച്ചുകൊണ്ട് ‘ഗൾഫ് മാധ്യമം’ ഒരുക്കുന്ന ‘മ​ധു​മ​യ​മാ​യ് പാ​ടാം’ സംഗീത പരിപാടിയിൽ പ​ങ്കെടുക്കാനെത്തിയ എം.ജി. ശ്രീകുമാറിന് ബഹ്റൈൻ എയർപോർട്ടിൽ ​ഉജ്ജ്വല സ്വീകരണം. 18ന് വൈകുന്നേരം ഏഴിന് ടൂബ്ലി ഏഷ്യൻ സ്കൂളിലാണ് പരിപാടി. ആയിരക്കണക്കിന് ജനപ്രിയ ഗാനങ്ങളിലൂടെ മലയാളിയുടെ ഹൃദയത്തിൽ കുടിയേറിയ അനുഗ്രഹീത ഗായകൻ എം.ജി ശ്രീകുമാറിന്റെ സിനിമ സംഗീതജീവിതത്തിന് നാൽപതുവർഷങ്ങൾ പൂർത്തിയാകുന്ന വേളയിലാണ് ‘മ​ധു​മ​യ​മാ​യ് പാ​ടാം’ മെഗാസംഗീത പരിപാടിക്ക് ബഹ്റൈൻ വേദിയാകുന്നത്.

വിമാനത്താവളത്തിൽ എം.ജി ശ്രീകുമാറിനെയും പത്നിയെയും ഗൾഫ് മാധ്യമം എക്സിക്യൂട്ടീവ് കമ്മിറ്റി ചെയർമാൻ ജമാൽ ഇരിങ്ങൽ, റീജണൽ മാനേജർ ജലീൽ അബ്ദുല്ല എന്നിവരുടെ നേതൃത്വത്തിൽ സ്വീകരിച്ചു. വി​ധു പ്ര​താ​പ്, നിത്യ മാമ്മൻ, ലിബിൻ സക്കറിയ, അസ്‍ലം അബ്ദുൽ മജീദ്, ശിഖ പ്രഭാകരൻ, റഹ്മാൻ പത്തനാപുരം തു​ട​ങ്ങി നി​ര​വ​ധി​ പ്രഗൽഭ ഗായകരാണ് മ​ധു​മ​യ​മാ​യ് പാടാനെത്തുന്നത്. ഒപ്പം അ​വ​ത​ര​ണ മി​ക​വി​ൽ പ​ക​രം​വെ​ക്കാ​നി​ല്ലാ​ത്ത താ​രം മി​ഥു​ൻ ര​മേ​ഷും.

ഇനിയും ടിക്കറ്റെടുക്കാത്തവർക്ക് www.madhyamam.com/mgshow എ​ന്ന വെ​ബ്സൈ​റ്റി​ലൂ​ടെ​യും വനേസ വ​ഴി​യും ടി​ക്ക​റ്റു​ക​ൾ ബു​ക്ക് ചെ​യ്യാം. വിവരങ്ങൾക്ക് 34619565 എന്ന നമ്പരിൽ വിളിക്കാം.