കസ്റ്റംസ് വിഭാഗത്തി​െൻറ പ്രവര്‍ത്തനം ശ്ലാഘനീയം  –ആഭ്യന്തര മന്ത്രി 

മനാമ: കസ്​റ്റംസ് വിഭാഗത്തി​​​െൻറ  പ്രവര്‍ത്തനം ശ്ലാഘനീയമാണെന്ന് ആഭ്യന്തര മന്ത്രി ലഫ്.ജനറല്‍ ശൈഖ് റാശിദ് ബിന്‍ അബ്​ദുല്ല ആല്‍ഖലീഫ വ്യക്തമാക്കി. ലോക കസ്​റ്റംസ് ദിനാചരണത്തി​​​െൻറ ഭാഗമായി സംഘടിപ്പിച്ച പ്രത്യേക ചടങ്ങില്‍ സംബന്ധിച്ച് സംസാരിക്കുകയായിരുന്നു അദ്ദേഹം. എല്ലാ വര്‍ഷവൂം ജനുവരി 26 നാണ് ലോക കസ്​റ്റംസ് ദിനമായി ആചരിക്കുന്നത്. യാത്രക്കാരുടെ വരവ് പോക്ക് എളുപ്പമാക്കുന്നതിനും വ്യാപാരം വര്‍ധിപ്പിക്കുന്നതിനും സാമ്പത്തിക വളര്‍ച്ചക്ക് പ്രോല്‍സാഹനം നല്‍കുന്നതിനും കസ്​റ്റംസ് സേവനങ്ങളുടെ പങ്ക് വലുതാണ്. കാര്യക്ഷമതയോടെയും കൃത്യതയോടെയും പ്രവര്‍ത്തിക്കുന്നതില്‍ ഖ്യാതി നേടാന്‍ ബഹ്‌റൈന്‍ കസ്​റ്റംസ് വിഭാഗത്തിന് സാധിച്ചതായും അദ്ദേഹം വിലയിരുത്തി.

സേവനങ്ങള്‍ മെച്ചപ്പെടുത്തുന്നതിനും കാര്യക്ഷമതയും ഗുണനിലവാരവും വര്‍ധിപ്പിക്കുന്നതിനുമാവശ്യമായ പരിഷ്‌കരണ നടപടികള്‍ തുടരുമെന്ന് കസ്​റ്റംസ് വിഭാഗം മേധാവി ശൈഖ് അഹ്മദ് ബിന്‍ ഹമദ് ആല്‍ഖലീഫ വ്യക്തമാക്കി. കഴിഞ്ഞ കാല നേട്ടങ്ങളും കോട്ടങ്ങളും വിലയിരുത്തുകയും പോരായ്മകള്‍ പരിഹരിച്ച് മുന്നോട്ട് പോകാന്‍ ശ്രമിക്കുകയും ചെയ്യും. 2017-2020 കാലയളവിലേക്കുള്ള കസ്​റ്റംസ് പോളിസിക്കനുസരിച്ച് പരിഷ്‌കരണം തുടരുന്നതിന് ആഭ്യന്തര മന്ത്രി പിന്തുണ വാഗ്ദാനം ചെയ്തു. നേരത്തെ നടപ്പാക്കിയ പദ്ധതികള്‍ വിജയത്തി​​​െൻറപാതയിലാണുള്ളത്. 2017ല്‍ കസ്​റ്റംസ് വരുമാനം മുന്‍ വര്‍ഷത്തെ അപേക്ഷിച്ച് ആറ് ശതമാനം വര്‍ധിച്ചതായി ശൈഖ് അഹ്മദ് ചൂണ്ടിക്കാട്ടി. കിങ് ഫഹദ് കോസ്‌വെ വഴിയുള്ള ചരക്ക് ക്ലിയറന്‍സ് വേഗത്തിലാക്കാനും സാധിച്ചതായും അദ്ദേഹം കൂട്ടിച്ചേര്‍ത്തു.