കാൻസർ രോഗികൾക്ക് മുടി ദാനം നൽകി ഉമ്മയും മകളും
text_fieldsസജ്ന ഷിബുവും മകൾ ഹിബ ഫാത്തിമയും ബഹ്റൈൻ കാൻസർ സൊസൈറ്റിക്ക് മുടി ദാനം നൽകുന്നു
മനാമ: പത്തനംതിട്ട അടൂർ സ്വദേശിയായ ഷിബു ബഷീറിന്റെ ഭാര്യ സജ്ന ഷിബുവും മകൾ ഹിബ ഫാത്തിമയും ബഹ്റൈൻ കാൻസർ സൊസൈറ്റിക്ക് മുടി ദാനം നൽകി. കീമോ തെറപ്പി ചികിത്സയുടെ ഭാഗമായി മുടി കൊഴിയുന്നവർക്ക് ഉപയോഗിക്കാനായി വിഗ്ഗ് നിർമിക്കാനാണിത് ഉപയോഗിക്കുന്നത്.
ബഹ്റൈൻ കാൻസർ സൊസൈറ്റി എക്സിക്യൂട്ടിവ് മാനേജർ അഹ്മദ് അലി, ട്രഷറർ യൂസഫ് ഫക്രൂ എന്നിവർ മുടി ഏറ്റുവാങ്ങി. കാൻസർ കെയർ ഗ്രൂപ് ജനറൽ സെക്രട്ടറി കെ.ടി. സലീമും സന്നിഹിതനായിരുന്നു. ഒ.ഐ.സി.സി ബഹ്റൈൻ പത്തനംതിട്ട ജില്ല ജനറൽ സെക്രട്ടറിയും മൈത്രി ബഹ്റൈൻ ചാരിറ്റി വിങ് കൺവീനറുമാണ് ഷിബു ബഷീർ. മകൾ ഹിബ ഫാത്തിമ ന്യൂ ഇന്ത്യൻ സ്കൂളിലെ ഏഴാം ക്ലാസ് വിദ്യാർഥിനിയാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.