മുഹറഖ് ഐനുൽ ഹുദാ മദ്റസ വാർഷിക-നബിദിന പരിപാടി ശനിയാഴ്ച
text_fieldsഅറക്കൽ അബ്ദുറഹ്മാൻ മൗലവി
മനാമ: മുഹറഖ് കെ.എം.സി.സി ഐനുൽ ഹുദാ മദ്റസ വാർഷിക നബിദിന പരിപാടി ഒക്ടോബർ 14ന് മൂന്ന് മുതൽ മുഹറഖ് സയാനി മജ്ലിസിൽ നടക്കും. സൗദി എസ്.ഐ.സി ജനറൽ സെക്രട്ടറി അറക്കൽ അബ്ദുൽ റഹ്മാൻ മൗലവി മുഖ്യപ്രഭാഷണം നടത്തും. ബഹ്റൈൻ കെ.എം.സി.സി പ്രസിഡന്റ് ഹബീബ് റഹ്മാൻ, സമസ്ത ബഹ്റൈൻ വൈസ് പ്രസിഡന്റ് മുഹമ്മദ് യാസിർ ജിഫ്രി തങ്ങൾ പ്രഭാഷണം നടത്തും.
വിദ്യാർഥികളുടെ മദ്ഹ് ഗാനം, മൗലീദ് പാരായണം, പ്രസംഗം, ഖിറാഅത്ത്, ബാങ്ക് വിളി തുടങ്ങിയ കലാപരിപാടികളും ദഫ്, ഫ്ലവർ ഷോ, സ്കൗട്ട് തുടങ്ങിയ പരിപാടികളും ഉണ്ടായിരിക്കും. സ്വാഗതസംഘം ഭാരവാഹികളായി എൻ.കെ. അബ്ദുൽ കരീം മാസ്റ്റർ, റിയോ അബ്ദുൽ കരീം, മുസ്തഫ കരുവാണ്ടി (രക്ഷാധികാരികൾ), എസ്.കെ. അബ്ദുൽ നാസർ (ചെയർമാൻ), കെ.ടി. അബു യൂസഫ് (ജന. കൺ.), തുളിപ്പ് അബ്ദുൽ റഷീദ് (ട്രഷ.), ജംഷീദ് അലി (കോഓഡിനേറ്റർ), ബഷീർ മുസ്ലിയാർ, ഇസ്മായിൽ എലത്തൂർ, യൂസഫ് തോടന്നൂർ (വൈസ് ചെയർ.), ഷൗക്കത്ത് കെ.കെ, എൻ. ഷൈജൽ, നിസാമുദ്ദീൻ, ഷഹീം, അബ്ദുറഹ്മാൻ (കൺ.), അബ്ദുൽ റസാഖ് നദ്വി (പ്രോഗ്രാം കമ്മിറ്റി കൺ.), എന്നിവരെ തിരഞ്ഞെടുത്തു. യോഗത്തിൽ എസ്.കെ. നാസർ അധ്യക്ഷത വഹിച്ചു. എൻ.കെ. അബ്ദുൽ കരീം മാസ്റ്റർ ഉദ്ഘാടനം ചെയ്തു. ഷൗക്കത്ത് കെ.കെ, കെ.ടി. അബു യൂസഫ് എന്നിവർ സംസാരിച്ചു. കെ.ടി. ഷഫീഖ് സ്വാഗതവും ഇബ്രാഹിം തിക്കോടി നന്ദിയും പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.