മുരളീധരൻ ആർ. കർത്തക്ക് സാമൂഹിക പ്രവർത്തകരുടെ യാത്രയയപ്പ്​

മനാമ: നാട്ടിലേക്ക്​ മടങ്ങുന്ന ബഹ്​റൈനിലെ ഇന്ത്യൻ എംബസി ഉദ്യോഗസ്​ഥൻ മുരളീധരൻ ആർ. കർത്തക്ക്​ പ്രവാസി സമൂഹത്തി​​​െൻറ ഉൗഷ്​മള യാത്രയയപ്പ്​. കേരള പ്രവാസി കമീഷൻ അംഗം സുബൈർ കണ്ണൂരി​െൻറ നേതൃത്വത്തിൽ ഒത്തുചേർന്നാണ്​ സാമൂഹിക പ്രവർത്തകർ​ യാത്രയയപ്പ്​ ഒരുക്കിയത്​.

24 വർഷത്തോളം ഇന്ത്യൻ എംബസിയിൽ ജോലിചെയ്​ത്​ പ്രവാസി ഇന്ത്യക്കാർക്ക് സഹായവും തണലുമായ മുരളീധരൻ കർത്ത സർവിസിൽനിന്ന്​ സ്വയം വിരമിച്ച് മുംബൈയിൽ ജീവിക്കാൻ ഒരുങ്ങുകയാണ്. ഒരിക്കൽ പരിചയപ്പെട്ടാൽ മറക്കാൻ കഴിയാത്ത ആ വ്യക്തിത്വം ഔദ്യോഗികമായ സേവനമുഖം എന്നതിനപ്പുറം സ്നേഹത്തി​െൻറയും കരുണയുടെയും പ്രതീകമായാണ് അനുഭവപ്പെടാറുള്ളതെന്ന്​ സാമൂഹിക പ്രവർത്തകർ അഭിപ്രായപ്പെട്ടു. അദ്ദേഹത്തി​െൻറ കൈകളിൽ പ്രതീക്ഷയോടെ ഏൽപിക്കപ്പെട്ട ഒരു കടലാസും പരിഹാരം കാണാതെ തിരിച്ച് ലഭിച്ചിട്ടില്ല എന്ന സന്തോഷമാകും ഓരോ പ്രവാസിക്കുമുണ്ടായിട്ടുള്ളത്​. അദ്ദേഹത്തി​െൻറ സേവനവും സ്നേഹവും കരുണയും എന്നെന്നും ഓർമിക്കപ്പെടുമെന്നും ചടങ്ങിൽ പ​െങ്കടുത്തവർ പറഞ്ഞു.

സാമൂഹിക പ്രവർത്തകരായ കെ.ടി. സലീം, നിസാർ കൊല്ലം, പി. ശ്രീജിത്ത്​, നജീബ് കടലായി, ലത്തീഫ് മരക്കാട്ട്, ഹാരിസ് പഴയങ്ങാടി, റാഷി കണ്ണങ്കോട് എന്നിവർ പ​െങ്കടുത്തു. സുബൈർ കണ്ണൂർ ഉപഹാരം നൽകി. അൻവർ കണ്ണൂർ, നൗഷാദ്​ പൂനൂർ, സൈനുൽ കൊയിലാണ്ടി, നുബിൻ ആലപ്പുഴ, മൻസൂർ കണ്ണൂർ, നജീബ് കണ്ണൂർ എന്നിവർ നേതൃത്വം നൽകി. കോവിഡ്​ പ്രോട്ടോകോൾ പാലിച്ചാണ്​ ചടങ്ങ് സംഘടിപ്പിച്ചത്.