ന​ജീ​ബ് വീ​ണ്ടും പ​വി​ഴ​ദ്വീ​പി​ലെ​ത്തി; തൊ​ഴി​ലാ​ളി​യാ​യ​ല്ല, ഉ​ദ്ഘാ​ട​ക​നാ​യി

മ​നാ​മ: യാ​ത​ന​ക​ൾ നി​റ​ഞ്ഞ ആ​ടു​ജീ​വി​ത​ത്തി​നു​ശേ​ഷം, ഉ​പ​ജീ​വ​നം തേ​ടി താ​ൻ വ​ർ​ഷ​ങ്ങ​ളോ​ളം ജോ​ലി ചെ​യ്ത പ​വി​ഴ​ദ്വീ​പി​ന്റെ മ​ണ്ണി​ൽ വീ​ണ്ടും ന​ജീ​ബെ​ത്തി. ഇ​ക്കു​റി അ​ന്ന​ത്തെ കു​പ്പി​യും പാ​ട്ട​യും പെ​റു​ക്കു​ന്ന തൊ​ഴി​ലാ​ളി​യാ​യ​ല്ല, സ്വ​ന്തം നാ​ട്ടു​കാ​രു​ടെ കൂ​ട്ടാ​യ്മ​യാ​യ ഹ​രി​ഗീ​ത​പു​രം ബ​ഹ്‌​റൈ​ൻ സം​ഘ​ടി​പ്പി​ച്ച പ​രി​പാ​ടി​യു​ടെ ഉ​ദ്ഘാ​ട​ക​നാ​യാ​ണ് ന​ജീ​ബ് എ​ത്തി​യ​ത്. ഭാ​ര്യ​യെ​യും ആ​ദ്യ​മാ​യി ബ​ഹ്റൈ​ൻ കാ​ണി​ക്കാ​നാ​യെ​ന്ന സ​ന്തോ​ഷ​വു​മു​ണ്ട്. ഭാ​ര്യാ​സ​ഹോ​ദ​ര​നാ​യ ഹു​സൈ​ൻ ന​ൽ​കി​യ സ്റ്റു​ഡി​യോ​യു​ടെ വി​സ​യി​ലാ​ണ് ദു​രി​തം നി​റ​ഞ്ഞ ആ​ടു​ജീ​വി​ത​ത്തി​ൽ​നി​ന്നും ര​ക്ഷ​പ്പെ​ട്ടെ​ത്തി​യ ന​ജീ​ബ് വ​ർ​ഷ​ങ്ങ​ൾ​ക്കു​മു​മ്പ് ബ​ഹ്റൈ​നി​ലെ​ത്തി​യ​ത്. ഉ​പ​ജീ​വ​നം തേ​ടി​യി​രു​ന്ന ന​ജീ​ബി​ന് അ​മേ​രി​ക്ക​ൻ നേ​വി ആ​സ്ഥാ​ന​ത്ത് പാ​ട്ട​യും ടി​ന്നും പെ​റു​ക്കു​ന്ന ജോ​ലി​യാ​ണ് അ​ന്ന് ല​ഭി​ച്ച​ത്.

ജോ​ലി പ്ര​യാ​സ​മേ​റി​യ​താ​ണെ​ന്ന് ജോ​ലി ത​ര​പ്പെ​ടു​ത്തി​ക്കൊ​ടു​ത്ത അ​മേ​രി​ക്ക​ൻ നേ​വി​യി​ൽ ഉ​ദ്യോ​ഗ​സ്ഥ​നാ​യി​രു​ന്ന സു​നി​ൽ മാ​വേ​ലി​ക്ക​ര പ​റ​ഞ്ഞ​പ്പോ​ൾ താ​ൻ ഇ​തി​നു​മു​മ്പു ചെ​യ്ത ജോ​ലി​യോ​ളം പ്ര​യാ​സ​മു​ള്ള വേ​റെ​യൊ​ന്നു​മു​ണ്ടാ​കി​ല്ല എ​ന്നാ​യി​രു​ന്നു ന​ജീ​ബ് പ​റ​ഞ്ഞ​ത്. പി​ന്നീ​ട് പ​ല​പ്പോ​ഴാ​യി ന​ജീ​ബ് സു​നി​ൽ മാ​വേ​ലി​ക്ക​ര​യോ​ട് ത​ന്റെ അ​നു​ഭ​വ​ങ്ങ​ൾ പ​റ​ഞ്ഞ​താ​ണ് വ​ഴി​ത്തി​രി​വാ​യ​ത്. സു​നി​ൽ അ​ത് സ​ഹ​പ്ര​വ​ർ​ത്ത​ക​നാ​യി​രു​ന്ന ബെ​ന്യാ​മി​നോ​ട് പ​റ​യു​ക​യും ന​ജീ​ബി​ൽ​നി​ന്ന് വി​വ​ര​ങ്ങ​ൾ ശേ​ഖ​രി​ച്ച ബെ​ന്യാ​മി​ൻ അ​ത് പ്ര​മേ​യ​മാ​ക്കി നോ​വ​ൽ പൂ​ർ​ത്തി​യാ​ക്കു​ക​യു​മാ​യി​രു​ന്നു.​നോ​വ​ൽ പു​റ​ത്തു​വ​ന്ന​തോ​ടെ നോ​വ​ലി​ലെ കേ​ന്ദ്ര​ക​ഥാ​പാ​ത്ര​മാ​യ ന​ജീ​ബി​നെ​യും നാ​ട​റി​ഞ്ഞു.​നോ​വ​ലി​ന് സാ​ഹി​ത്യ അ​ക്കാ​ദ​മി അ​വാ​ർ​ഡ് കി​ട്ടി​യ​തോ​ടെ ന​ജീ​ബി​നും സ്വീ​ക​ര​ണ​ങ്ങ​ൾ ല​ഭി​ച്ചു. പൃ​ഥ്വി​രാ​ജി​നെ നാ​യ​ക​നാ​ക്കി നോ​വ​ൽ ​െബ്ല​സി സി​നി​മ​യാ​ക്കി​യ​തോ​ടെ ന​ജീ​ബ് വീ​ണ്ടും പ്ര​ശ​സ്തി​യി​ലേ​ക്കു​യ​ർ​ന്നു.

ഗ​ൾ​ഫി​ലും നാ​ട്ടി​ലു​മാ​യി നി​ര​വ​ധി ഉ​ദ്ഘാ​ട​ന​ങ്ങ​ളി​ലും പ​രി​പാ​ടി​ക​ളി​ലും മെ​ഗാ ഷോ​ക​ളി​ൽ അ​തി​ഥി​യാ​യി പ​​ങ്കെ​ടു​ത്തു. ഓ​ൺ​ലൈ​ൻ മാ​ധ്യ​മ​ങ്ങ​ളും ചാ​ന​ലു​ക​ളും ന​ജീ​ബി​നാ​യി കാ​ത്തി​രു​ന്നു. പൃ​ഥ്വി​രാ​ജും, എ.​ആ​ർ. റ​ഹ്‌​മാ​നും സ​മ്പ​ത്തി​ക സ​ഹാ​യ​ങ്ങ​ൾ ഉ​ൾ​പ്പെ​ടെ ന​ൽ​കി. ബ​ഹ്‌​റൈ​നി​ൽ എ​ത്തി​യ​തു മു​ത​ൽ പഴയ സുഹൃത്തുക്കളും നാ​ട്ടു​കാ​രാ​യ പ്ര​വാ​സി​ക​ളും ‘ആ​ടു​ജീ​വി​തം’ സി​നി​മ ക​ണ്ട​വ​രു​മ​ട​ക്കം വി​ളി​ക്കു​ന്നു​ണ്ട്.​ഹ​രി​ഗീ​ത​പു​രം ബ​ഹ്‌​റൈ​ന്റെ പ​രി​പാ​ടി​ക്കു​പു​റ​മെ പ​ട​വ് കു​ടും​ബ​വേ​ദി​യു​ടെ സ്വീ​ക​ര​ണ ച​ട​ങ്ങി​ലും ന​ജീ​ബ് പ​ങ്കെ​ടു​ത്തു.