സ്വ​ദേ​ശി​വ​ത്ക​ര​ണം; നി​ർ​ദേ​ശ​ത്തി​ന് പാ​ർ​ല​മെ​ന്‍റി​ന്‍റെ അം​ഗീ​കാ​രം

മ​നാ​മ: പൊ​തു​മേ​ഖ​ല​യി​ലും സ്വ​കാ​ര്യ​മേ​ഖ​ല​യി​ലും സ്വ​ദേ​ശി​വ​ത്ക​ര​ണ​ത്തി​നു​ള്ള നി​ർ​ദേ​ശം പാ​ർ​ല​മെ​ന്‍റി​ൽ അം​ഗീ​രി​ച്ച് എം.​പി​മാ​ർ. രാ​ജ്യം പ്ര​വാ​സി​തൊ​ഴി​ലാ​ളി​ക​ളെ ആ​ശ്ര​യി​ക്കു​ന്ന​ത് ക്ര​മാ​നു​ഗ​ത​മാ​യി കു​റ​ക്കാ​നും ബ​ഹ്റൈ​നി പൗ​ര​ന്മാ​ർ​ക്ക് മി​ക​ച്ച തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കാ​നും അ​തു​വ​ഴി തൊ​ഴി​ലി​ല്ലാ​യ്മ കു​റ​ക്കേ​ണ്ട​തി​ന്‍റെ​യും ആ​വ​ശ്യ​ക​ത​ക​ളെ ഉ​ന്ന‍യി​ച്ചാ​യി​രു​ന്നു എം.​പി​മാ​ർ നി​ർ​ദേ​ശം മു​ന്നോ​ട്ടു​വെ​ച്ച​ത്.

അ​വി​ദ​ഗ്ധ പ്ര​വാ​സി തൊ​ഴി​ലാ​ളി​ക​ൾ​ക്ക് പ​ക​രം സെ​ക്ക​ൻ​ഡ​റി സ്കൂ​ൾ യോ​ഗ്യ​ത​യു​ള്ള ബ​ഹ്റൈ​നി തൊ​ഴി​ല​ന്വേ​ഷ​ക​രെ നി​യ​മി​ക്ക​ണ​മെ​ന്ന ആ​വ​ശ്യ​വു​മാ​യി​രു​ന്നു എം.​പി​മാ​രു​ടേ​ത്. സ്വ​കാ​ര്യ​വ​ത്ക​ര​ണ​ത്തി​ന്‍റെ പ്രാ​ധാ​ന്യ​ത്തെ ചൂ​ണ്ടി​ക്കാ​ട്ടി​യ എം.​പി മു​നീ​ർ സു​റൂ​ർ, 6000ത്തി​ല​ധി​കം പൗ​ര​ന്മാ​ർ നി​ല​വി​ൽ രാ​ജ്യ​ത്ത് തൊ​ഴി​ൽ അ​ന്വേ​ഷി​ക്കു​ന്നു​ണ്ടെ​ന്നും എ​ന്നാ​ൽ, കു​റ​ഞ്ഞ വൈ​ദ​ഗ്ധ്യം ആ​വ​ശ്യ​മു​ള്ള പ​ല മേ​ഖ​ല​ക​ളി​ലും വി​ദേ​ശി തൊ​ഴി​ലാ​ളി​ക​ളാ​ണ് ജോ​ലി ചെ​യ്യു​ന്ന​തെ​ന്നും ചൂ​ണ്ടി​ക്കാ​ട്ടി. ഈ ​അ​വ​സ്ഥ​ക്ക് സ​ർ​ക്കാ​ർ ന​ട​പ​ടി​ക​ളി​ലൂ​ടെ​ത്ത​ന്നെ മാ​റ്റം കാ​ണ​ണ​മെ​ന്നും മു​നീ​ർ സു​റൂ​ർ പ​റ​ഞ്ഞു.

വൈ​ദ​ഗ്ധ്യ​മി​ല്ലാ​ത്ത​തും അ​ർ​ധ വൈ​ദ​ഗ്ധ്യ​മു​ള്ള​തു​മാ​യ ജോ​ലി​ക​ളി​ൽ വി​ദേ​ശ തൊ​ഴി​ലാ​ളി​ക​ളെ മാ​റ്റി സ്വ​ദേ​ശി​ക​ളെ നി​യ​മി​ക്ക​ണ​മെ​ന്നാ​ണ് നി​ർ​ദേ​ശം പ്ര​ധാ​ന​മാ​യും ല‍ക്ഷ്യം​വെ​ച്ച​ത്. സ​ർ​ക്കാ​ർ ഏ​ജ​ൻ​സി​ക​ൾ​ത​ന്നെ സ്വ​കാ​ര്യ മേ​ഖ​ല​ക​ളു​മാ​യി സ​ഹ​ക​രി​ച്ച് തൊ​ഴി​ൽ അ​ന്വേ​ഷ​ക​ർ​ക്ക് ല​ഭ്യ​മാ​യ ത​സ്തി​ക​ക​ളി​ലേ​ക്കു​ള്ള പ​രി​ശീ​ല​നം ന​ൽ​ക​ണ​മെ​ന്നും നി​ർ​ദേ​ശം മു​ന്നോ​ട്ടു​വെ​ക്കു​ന്നു. ഒ​രു ജോ​ലി​യി​ൽ വി​ദേ​ശി​ക​ളെ പ​രി​ഗ​ണി​ക്കു​ന്ന​തി​നു മു​മ്പ് സ്വ​ദേ​ശി​ക​ൾ​ക്ക് യോ​ഗ്യ​ത​യു​ണ്ടോ​യെ​ന്ന് പ​രി​ശോ​ധി​ക്ക​ണ​മെ​ന്നും വി​ദ​ഗ്ധ​ര​ല്ലാ​ത്ത പ്ര​വാ​സി​ക​ളു​ടെ തൊ​ഴി​ൽ വി​സ പു​തു​ക്കു​ന്ന​ത് സം​ബ​ന്ധി​ച്ച കാ​ര്യ​ങ്ങ​ളി​ൽ ക​ർ​ശ​ന നി​ബ​ന്ധ​ന​ക​ൾ ന​ട​പ്പാ​ക്ക​ണ​മെ​ന്നും എം.​പി​മാ​ർ ആ​വ​ശ്യ​പ്പെ​ട്ടു.

അ​ത്യാ​വ​ശ്യ സേ​വ​ന മേ​ഖ​ല​ക​ളി​ൽ ബ​ഹ്‌​റൈ​ൻ പൗ​ര​ന്മാ​ർ​ക്ക് തൊ​ഴി​ൽ ല​ഭി​ക്കു​ന്ന​തി​ന് മു​ൻ​ഗ​ണ​ന ഉ​റ​പ്പു​വ​രു​ത്തു​ന്ന​തി​ലൂ​ടെ യു​വ​ജ​ന തൊ​ഴി​ലി​ല്ലാ​യ്മ കു​റ​ക്കു​ക, വ​ർ​ധി​ച്ചു​വ​രു​ന്ന വി​ദേ​ശ​തൊ​ഴി​ലാ​ളി​ക​ളു​ടെ എ​ണ്ണം ത​ട​യു​ന്ന​തോ​ടൊ​പ്പം തൊ​ഴി​ൽ മേ​ഖ​ല​യി​ലെ അ​വ​രു​ടെ വ്യാ​പ​ന​ത്തെ കു​റ​ക്കു​ക, സാ​മ്പ​ത്തി​ക ത​ക​ർ​ച്ച​യെ ത​ട​യു​ക എ​ന്നീ ല​ക്ഷ്യ​ങ്ങ​ളും നി​ർ​ദേ​ശ​ത്തി​ലൂ​ടെ എം.​പി​മാ​ർ മു​ന്നോ​ട്ടു​വെ​ക്കു​ന്നു. ബ​ഹ്‌​റൈ​നി​ക​ൾ​ക്ക് മു​ൻ​ഗ​ണ​ന ന​ൽ​കു​ന്ന ത​ര​ത്തി​ൽ സ​ർ​ക്കാ​ർ സ്ഥാ​പ​ന​ങ്ങ​ളി​ലെ നി​യ​മ​ന പ്ര​ക്രി​യ ഇ​തി​ന​കം​ത​ന്നെ രൂ​പ​പ്പെ​ടു​ത്തി​യി​ട്ടു​ണ്ടെ​ന്ന് സി​വി​ൽ സ​ർ​വി​സ് ക​മീ​ഷ​ൻ പ്ര​സി​ഡ​ന്‍റ് ശൈ​ഖ് ദൈ​ജ് ബി​ൻ സ​ൽ​മാ​ൻ അ​ൽ ഖ​ലീ​ഫ ക​ഴി​ഞ്ഞ ദി​വ​സം അ​റി​യി​ച്ചി​രു​ന്നു.

പൊ​തു​സ്ഥാ​പ​ന​ങ്ങ​ളി​ൽ വി​ദേ​ശ അ​പേ​ക്ഷ​ക​രെ പ​രി​ഗ​ണി​ക്കു​ന്ന​തി​ന് മു​മ്പ് യോ​ഗ്യ​രാ​യ ബ​ഹ്‌​റൈ​ൻ ഉ​ദ്യോ​ഗാ​ർ​ഥി​ക​ൾ​ക്ക് പ​രി​ഗ​ണ​ന ന​ൽ​കു​മെ​ന്നും യോ​ഗ്യ​ത​യു​ള്ള ബ​ഹ്‌​റൈ​ൻ ഉ​ദ്യോ​ഗാ​ർ​ഥി​ക​ൾ ല​ഭ്യ​മ​ല്ലാ​ത്ത​പ്പോ​ൾ മാ​ത്ര​മേ വി​ദേ​ശ തൊ​ഴി​ലാ​ളി​ക​ളെ നി​യ​മി​ക്കാ​ൻ അ​നു​വാ​ദ​മു​ള്ളൂ​വെ​ന്നും ദൈ​ജ് ബി​ൻ സ​ൽ​മാ​ൻ അ​റി​യി​ച്ചു. നി​ർ​ദേ​ശം അ​വ​ലോ​ക​ന​ത്തി​നും തു​ട​ർ അ​നു​മ​തി​ക​ൾ​ക്കു​മാ​യി മ​ന്ത്രി​സ​ഭ​യി​ലേ​ക്ക് അ​യ​ച്ചി​ട്ടു​ണ്ട്.