വാ​ഹ​ന​ങ്ങ​ളു​ടെ വി​ൽ​പ​ന​ക്കാ​യി പ്ര​ത്യേ​ക ഭൂ​മി; നി​ർ​ദേ​ശ​ത്തി​ന് മു​നി​സി​പ്പ​ൽ കൗ​ൺ​സി​ല​ർ​മാ​രു​ടെ പി​ന്തു​ണ

മ​നാ​മ: ബ​ഹ്റൈ​നി​ൽ പു​തി​യ​തും ഉ​പ​യോ​ഗി​ച്ച​തു​മാ​യ വാ​ഹ​ന​ങ്ങ​ൾ വി​ൽ​പ​ന​ക്കും വാ​ങ്ങാ​നും സ​ർ​ക്കാ​ർ പ്ലോ​ട്ടു​ക​ൾ അ​നു​വ​ദി​ക്കു​ന്ന​തി​നു​ള്ള നി​ർ​ദേ​ശ​ത്തി​ന് മു​നി​സി​പ്പ​ൽ കൗ​ൺ​സി​ല​ർ​മാ​രു​ടെ പി​ന്തു​ണ. ഗ​താ​ഗ​ത​ക്കു​രു​ക്കും അ​നി​യ​ന്ത്രി​ത​മാ​യ വാ​ഹ​ന വ്യാ​പാ​ര​വും പ​രി​ഹ​രി​ക്കു​ന്ന​തി​നു​ള്ള നി​ർ​ണാ​യ​ക ചു​വ​ടു​വെ​പ്പാ​യാ​ണ് ഈ ​നി​ർ​ദേ​ശ​ത്തെ ക​ണ​ക്കാ​ക്കു​ന്ന​ത്.

സ്ട്രാ​റ്റ​ജി​ക് തി​ങ്കി​ങ് ബ്ലോ​ക്ക് അം​ഗം ബ​സെ​മ മു​ബാ​റ​ക്കി​ന്‍റെ നേ​തൃ​ത്വ​ത്തി​ൽ അ​ഞ്ച് എം.​പി​മാ​രാ​ണ് ഈ ​സം​രം​ഭ​ത്തി​ന് നേ​തൃ​ത്വം ന​ൽ​കു​ന്ന​ത്. റോ​ഡ​രി​കു​ക​ളി​ലും പാ​ർ​പ്പി​ട ഏ​രി​യ​ക​ളി​ലും നി​ല​വി​ൽ തു​ട​ർ​ന്നു​പോ​രു​ന്ന ഈ ​സം​വി​ധാ​നം ഗ​താ​ഗ​ത​ക്കു​രു​ക്കി​ന് കാ​ര​ണ​മാ​കാ​റു​ണ്ട്. മാ​ത്ര​മ​ല്ല, പു​തി​യ പ്ലോ​ട്ടു​ക​ൾ അ​നു​വ​ദി​ക്കു​ന്ന​തി​ലൂ​ടെ ന​ഗ​ര​ങ്ങ​ളു​ടെ സൗ​ന്ദ​ര്യം വ​ർ​ധി​പ്പി​ക്കാ​നാ​കു​മെ​ന്നും വാ​ഹ​ന​വു​മാ​യി ബ​ന്ധ​പ്പെ​ട്ട എ​ല്ലാ പ്ര​വ​ർ​ത്ത​ന​ങ്ങ​ളും നി​യ​മ​പ​ര​മാ​യും പ്ര​ഫ​ഷ​ന​ലാ​യും ന​ട​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​നാ​വു​മെ​ന്നും സ​ർ​വി​സ​സ് ആ​ൻ​ഡ് പ​ബ്ലി​ക് യൂ​ട്ടി​ലി​റ്റീ​സ് ക​മ്മി​റ്റി ചെ​യ​ർ​മാ​ൻ അ​ബ്ദു​ൽ ഖാ​ദ​ർ അ​ൽ സ​യീ​ദ് പ​റ​ഞ്ഞു.

മു​ഹ​റ​ഖ് മു​നി​സി​പ്പ​ൽ കൗ​ൺ​സി​ലി​ൽ ഇ​ന്ന​​ലെ ന​ട​ന്ന പ്ര​തി​വാ​ര യോ​ഗ​ത്തി​ൽ കൗ​ൺ​സി​ല​ർ​മാ​ർ ഈ ​നീ​ക്ക​ത്തി​ന് വോ​ട്ട് ചെ​യ്തു. എ​ന്നാ​ൽ, അ​നു​വ​ദി​ച്ച പ്ലോ​ട്ടു​ക​ളി​ലെ പ​രി​മി​ത​മാ​യ സ്ഥ​ല​ങ്ങ​ളി​ലു​ണ്ടാ​യേ​ക്കാ​വു​ന്ന തി​ര​ക്കി​ലും അ​വി​ടെ​യു​ണ്ടാ​കാ​നാ​നി​ട​യു​ള്ള അ​ടി​സ്ഥാ​ന സൗ​ക​ര്യ​ങ്ങ​ളു​ടെ കാ​ര്യ​ത്തി​ലും ചി​ല ആ​ശ​ങ്ക​ക​ൾ എം.​പി​മാ​ർ ഉ​യ​ർ​ത്തി​യി​ട്ടു​ണ്ട്.