തലശ്ശേരി സ്വദേശി ഹൃദയാഘാതം മൂലം മരിച്ചു 

മനാമ:  കണ്ണൂര്‍ തലശ്ശേരി സ്വദേശി ഓര്‍ക്കാട്ടേരി വീട്ടില്‍ മനോജ് കുമാര്‍ (45) ബഹ്​റൈനിൽ ഹൃദയാഘാതം മൂലം മരിച്ചു. ഗുദൈബിയ ഹാംഗിങ് സിഗ്‌നലിനടുത്തുള്ള താമസ സ്ഥലത്ത്​ ഇന്നലെ പുലര്‍ച്ചെ നാലുമണിക്കാണ് മരണം. നേരത്തെ അല്‍ റാഷിദ് ഗ്രൂപ്പില്‍ ജോലി ചെയ്തിരുന്ന മനോജ്​ നിലവിൽ ‘ബോണഫൈഡ്​ മാനേജ്​മ​െൻറ്​ കണ്‍സള്‍ട്ടന്‍സി’ എന്ന സ്ഥാപനം നടത്തിവരികയായിരുന്നു. കുടുംബം ബഹ്​റൈനിലുണ്ട്​. ഭാര്യ:  ലിംന, മകൻ: അശ്വിന്‍ കൃഷ്ണന്‍ (പ്ലസ് വണ്‍ വിദ്യാർഥി,  ഇന്ത്യന്‍ സ്‌കൂള്‍). മൃതദേഹം ഇന്ന് നാട്ടിലേക്കയക്കും.