തമിഴ്​നാട്​ സ്വദേശി  ബഹ്​റൈനിൽ  നിര്യാതനായി

മനാമ: ബഹ്​റൈനിൽ ജോലിചെയ്യുകയായിരുന്ന പ്രവാസി നിര്യാതനായി. യുനൈറ്റഡ് പ്രിൻറിങ്​ പ്രസ്​ അസി. ജനറൽ മാനേജർ ചെന്നൈ വടപളനി സ്വദേശി ശ്രീരാമുലു സതീഷ് കുമാർ (44) ആണ് കഴിഞ്ഞ ദിവസം കാലത്ത്​ ഗുദൈബിയയിലെ ഫ്ലാറ്റിൽ മരിച്ചത്. കഴിഞ്ഞ ബുധനാഴ്ച ഹൃദയാഘാതം ഉണ്ടായതിനെ തുടർന്ന് ബി.ഡി.എഫ് ആശുപത്രിയിൽ നിന്ന്​ ചികിത്സ തേടി വീട്ടിൽ വിശ്രമിക്കുകയായിരുന്നു.  കഴിഞ്ഞ ദിവസം രാവിലെ വീണ്ടും നെഞ്ചുവേദന അനുഭവപ്പെടുകയും ഉടൻ തന്നെ ബോധം നഷ്​ടപ്പെടുകയുമായിരുന്നു. ആംബുലൻസിൽ ഡോക്ടറെത്തി പ്രഥമ ശുശ്രൂഷ നൽകിയെങ്കിലും രക്ഷിക്കാനായില്ല. ഭാര്യ: സംഗീത.മകൾ: ജീവശ്രീ (ഇന്ത്യൻ സ്‌കൂൾ  അഞ്ചാം ക്ലാസ് വിദ്യാർഥിനി). സഹോദരൻ പ്രകാശ്​  ബഹ്റൈനിലുണ്ട്​. മൃതദേഹം നാട്ടിലേക്ക്​ കൊണ്ടുപോകും.