ബഹ്​റൈനിൽ വടകര സ്വദേശി ഹൃദയാഘാതംമൂലം മരിച്ചു

മനാമ: ബഹ്​റൈനിൽ വടകര സ്വദേശി ഹൃദയാഘാതം മൂലം നിര്യതനായി. വടകര മന്തരത്തൂർ പരേതനായ പടവഞ്ചേരി മീത്തൽ നാരായണൻ നമ്പ്യാരുടെ മകൻ ഗോപിനാഥ (58)നാണ്​ മരിച്ചത്​. കഴിഞ്ഞ ദിവസം ഉച്ചക്ക്​ ജോലിക്കിടെ നെഞ്ചുവേദന ഉണ്ടായതിനെ തുടർന്ന്​ സൽമാനിയ മെഡിക്കൽ കോംപ്ലക്​സിൽ എത്തിച്ചിരുന്നു. അവിടെ ചികിത്​സ നടക്കവെ മണിക്കൂറുകൾക്കുള്ളിൽ മരിക്കുകയായിരുന്നു. കഴിഞ്ഞ 34 വർഷമായി ഇദ്ദേഹം ബഹ്​റൈനിൽ പ്രവാസിയാണ്. മനാമ അൽ ജിഷി കോർപ്പറേഷനിൽ ലോജിസ്​റ്റിക്​ ഡിവിഷൻ മേധാവിയായിരുന്നു. 10 ദിവസം മുമ്പ്​ നാട്ടിൽ പോയി വന്നതായിരുന്നു.
മൃതദേഹം നാട്ടിലേക്ക്​ അയക്കാനുള്ള ശ്രമങ്ങൾ പു​രോഗമിക്കുന്നു.