​ബഹ്​റൈനിൽ മരിച്ച  രണ്ട്​ മലയാളികളുടെ മൃതദേഹം നാട്ടിലേക്ക് കൊണ്ടുപോയി 

മനാമ: കഴിഞ്ഞ ദിവസങ്ങളിൽ  സൽമാനിയ ആശുപത്രിയിൽ നിര്യതരായ രണ്ടു മലയാളികളുടെ മൃതദേഹങ്ങൾ   നാട്ടിലേക്ക് കൊണ്ട് പോയി. 
സെൻട്രൽ മാർക്കറ്റ് തൊഴിലാളിയും കൊല്ലം പത്തനാപുരം സ്വദേശിയുമായ ഷിഹാബുദീൻ (47 ),കോഴിക്കോട് വടകര സ്വദേശി ഹൈദരലി എന്ന അബ്​ദുല്ല (55)എന്നിവരുടെ മൃതദേഹങ്ങളാണ്  കൊച്ചിയിലേക്ക് കൊണ്ടുപോയത്. ഹൈദർ അലി ശനിയാഴ്ച നാട്ടിൽ നിന്നും എത്തിയപ്പോൾ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് സൽമാനിയ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

ബഹ്‌റൈനിലെ വിവിധ കച്ചവട സ്ഥാപനങ്ങളുടെ ഉടമകൂടിയാണ് ഇദ്ദേഹം.മൃതദേഹങ്ങൾ നാട്ടിലെത്തിക്കുന്നതിനുള്ള നടപടിക്രമങ്ങൾക്ക്​ വിവിധ സാമൂഹ്യ പ്രവർത്തകരും ബന്ധുക്കളും നേതൃത്വം നൽകി. ഗുദൈബിയ കുവൈത്​ മസ്‌ജിദിൽ നടന്ന മയ്യിത്ത് നമസ്​കാരത്തിന്  ഫഖ്‌റുദീൻ കോയാ തങ്ങൾ നേതൃത്വം നൽകി.