തിരുവനന്തപുരം സ്വദേശി ബഹ്​റൈനിൽ  താമസസ്‌ഥലത്ത് മരിച്ച നിലയിൽ 

മനാമ: ബഹ്‌റൈനിൽ ഹെൽത്​ ക്ലബ്​ നടത്തിവന്ന  തിരുവനന്തപുരം  ഉദയൻകുളങ്ങര കൊറ്റാമം സ്വദേശി സജീഷ് കുമാറിനെ (44) ഗുദൈബിയയിലെ താമസ സ്‌ഥലത്ത്‌ മരിച്ച നിലയിൽ കണ്ടെത്തി. ഉറക്കത്തിൽ ഹൃദയാഘാതം സംഭവിച്ചതാണ്​ മരണകാരണമെന്നാണ്​ പ്രാഥമിക നിഗമനം. ഞായറാഴ്​ച രാത്രി 11 ഒാടെയായിരുന്നു താമസസ്‌ഥലത്തു മരിച്ചുകിടക്കുന്നനിലയിൽ ഇദ്ദേഹത്തെ സുഹൃത്തുക്കൾ കണ്ടെത്തിയത്.  ഭാര്യ നാട്ടിൽനിന്ന്​ മൊബൈലിൽ  വിളിച്ചിട്ട് കിട്ടാതായതോടെ സുഹൃത്തുക്കളെ വിവരമറിയിക്കുകയായിരുന്നു. ഇതേതുടർന്ന്   സുഹൃത്തുക്കൾ താമസസ്ഥലത്ത് എത്തു​േമ്പാൾ മുറി അകത്ത് നിന്നും പൂട്ടി ഫാനും എയർകണ്ടീഷനുമെല്ലാംപ്രവർത്തിക്കുന്ന അവസ്‌ഥയിലായിരുന്നു.

പോലീസ്​ എത്തി മുറിയുടെ വാതിൽ പൊളിച്ചാണ്​ അകത്തുകടന്നത്​. കഴിഞ്ഞ ജൂൺ 27 നാണ്​ കുടുംബം നാട്ടിലേക്ക്​ അവധിക്കാലം പ്രമാണിച്ചത്​ പോയത്​.  ഭാര്യ അല രാജ് ബഹ്​റൈനിൽ സ്​കൂൾ അധ്യാപികയായിരുന്നു.  മകൻ മാധവ് സജീവ്​. ഏറെ സൗഹൃദങ്ങളുള്ള പരേത​​​െൻറ  വിയോഗത്തിൽ ബഹ്‌റൈന്‍ കേരളീയ സമാജം ഭരണ സമിതി അഗാധമായ ദു:ഖം രേഖപ്പെടുത്തി.  കഴിഞ്ഞ കുറേ വർഷങ്ങളായി യാഹൂ ഹെൽത്ത് ക്ലബ് എന്ന സ്ഥാപനം നടത്തിവരികയായിരുന്നു സജീഷ്. ബഹ്റൈൻ കേരളീയ സമാജത്തിന്രെയും ഇന്ത്യൻ ക്ളബി​​​െൻറയും സജീവ പ്രവർത്തകനുമായിരുന്നു.  ഇന്ന്​ വൈകുന്നേരം മൂന്നിന്​ മൃതദേഹം സൽമാനിയ ആശുപത്രിയിൽ പൊതുദർശനത്തിന്​ വെക്കുമെന്നും രാത്രി 8.30 നുള്ള ഗൾഫ്​ എയർ വിമാനത്തിൽ നാട്ടിലേക്ക്​ കൊണ്ടുപോകുമെന്നും സുഹൃത്തുക്കൾ അറിയിച്ചു.