ഉറക്കത്തിനിടെ ഹൃദയാഘാതം: തൃശൂർ സ്വദേശി ബഹ്​റൈനിൽ മരിച്ചു

മനാമ: ഉറക്കത്തിനിടെ ഹൃദയാഘാതത്തെ തുടർന്ന്​ തൃശൂർ സ്വദേശിയായ പ്രവാസി ബഹ്​റൈനിൽ മരിച്ചു. തൃശൂർ പാവറട്ടി സ്വദ േശി എബി തോമസ്​ (32) ആണ്​ നിര്യാതനായത്​. ബഹ്​റൈൻ​ ടെക്​നിക്കൽ സർവീസ്​ ജീവനക്കാരനായിരുന്നു​. സുഖമില്ലാത്തതിനെ തുടർന്ന്​ എബി കഴിഞ്ഞ ദിവസം ഒരു സ്വകാര്യ ആശുപത്രിയിൽ ഡോക്​ടറെ കണ്ടിരുന്നു. ഇന്നലെ പുല​ർച്ചെയാണ്​ വീട്ടിലെ കിടക്കയിൽ മരിച്ച നിലയിൽ കണ്ടെത്തിയത്​.ഭാര്യ അന്ന മറിയ ഏഷ്യൻ സ്​കൂൾ അധ്യാപികയാണ്​. മൃതദേഹം സൽമാനിയ മെഡിക്കൽ കോംപ്ലക്​സ്​ മോർച്ചറിയിൽ സൂക്ഷിച്ചിരിക്കുകയാണ്​. മൃതദേഹം നാട്ടിൽ കൊണ്ടുപോകുന്നതിനുളള നടപടിക്രമങ്ങൾ നടന്നുവരുന്നതായി ബന്​ധപ്പെട്ടവർ അറിയിച്ചു. കഴിഞ്ഞ 10 വർഷമായി ഇദ്ദേഹം ബഹ്​റൈനിൽ എത്തിയിട്ട്​.