ഒളിമ്പിക്സ് പ്രതീക്ഷകൾക്ക് ശരവേഗം: ബഹ്റൈൻ സ്പ്രിന്റർ കെമി അദെക്കോയക്ക് അന്താരാഷ്ട്ര മീറ്റിൽ സ്വർണം

മ​നാ​മ: പാ​രീ​സ് 2024 ഒ​ളി​മ്പി​ക്സ് മെ​ഡ​ൽ പ്ര​തീ​ക്ഷ​ക​ൾ​ക്ക് ചി​റ​ക് മു​ള​പ്പി​ച്ചു​കൊ​ണ്ട് ബ​ഹ്റൈ​ൻ സ്പ്രി​ന്റ​ർ കെ​മി അ​ദെ​ക്കോ​യ​ക്ക് അ​ന്താ​രാ​ഷ്ട്ര മീ​റ്റി​ൽ സ്വ​ർ​ണം.

ഹം​ഗ​റി​യി​ലെ സെ​ക്‌​സ്‌​ഫെ​ഹെ​ർ​വാ​റി​ൽ ന​ട​ന്ന ഗ്യൂ​ലാ​യ് ഇ​സ്‌​ത്‌​വാ​ൻ മെ​മ്മോ​റി​യ​ൽ മീ​റ്റി​ലാ​ണ് വ​നി​ത​ക​ളു​ടെ 400 മീ​റ്റ​ർ ഹ​ർ​ഡി​ൽ​സി​ൽ അ​ദെ​ക്കോ​യ ഒ​ന്നാം സ്ഥാ​നം ക​ര​സ്ഥ​മാ​ക്കി​യ​ത്. 54.13 സെ​ക്ക​ൻ​ഡി​ൽ അ​ദെ​ക്കോ​യ വി​ജ​യം ക​ണ്ട​പ്പോ​ൾ 54.86 സെ​ക്ക​ൻ​ഡി​ൽ ഫി​നി​ഷ് ചെ​യ്ത ദ​ക്ഷി​ണാ​ഫ്രി​ക്ക​യു​ടെ സെ​നി ഗെ​ൽ​ഡ​ൻ​ഹ്യൂ​സ് ര​ണ്ടാ​മ​മെ​ത്തി. യു.​എ​സി​ന്റെ ക​സാ​ന്ദ്ര ടേ​റ്റ് 55.59 സെ​ക്ക​ൻ​ഡി​ൽ മൂ​ന്നാം സ്ഥാ​ന​ത്തു​മെ​ത്തി. അ​ദെ​ക്കോ​യ​യു​ടെ ഈ ​വ​ർ​ഷ​ത്തെ മി​ക​ച്ച ര​ണ്ടാ​മ​ത്തെ സ​മ​യ​മാ​ണി​ത്.

അ​ദെ​ക്കോ​യ​യു​ടെ സീ​സ​ണി​ലെ ഇ​തു​വ​രെ​യു​ള്ള ഏ​റ്റ​വും മി​ക​ച്ച സ​മ​യം 53.90 സെ​ക്ക​ൻ​ഡാ​ണ്. 2016ലെ ​ഇ​ൻ​ഡോ​ർ ലോ​ക ചാ​മ്പ്യ​നും ഏ​ഷ്യ​ൻ, അ​റ​ബ് ചാ​മ്പ്യ​ൻ​ഷി​പ്പു​ക​ളി​ലും ഏ​ഷ്യ​ൻ ഗെ​യിം​സി​ലും സ്വ​ർ​ണ​മെ​ഡ​ൽ ജേ​താ​വു​മാ​ണ് കെ​മി. ഫി​ൻ​ല​ൻ​ഡി​ലും സ്പെ​യി​നി​ലും ഹ​ർ​ഡി​ൽ​സ് വി​ജ​യ​ങ്ങ​ളും കെ​നി​യ​യി​ൽ ന​ട​ന്ന 400 മീ​റ്റ​ർ ഓ​ട്ട​ത്തി​ൽ ഒ​ന്നാം സ്ഥാ​ന​വും നേ​ടി​യി​ട്ടു​ണ്ട്. ഒ​ളി​മ്പി​ക്സി​നു​ള്ള അ​വ​സാ​ന ത​യാ​റെ​ടു​പ്പു​ക​ൾ തു​ട​രു​ന്ന 31കാ​രി മി​ക​ച്ച ഫോ​മി​ലാ​ണ്.

400 മീ​റ്റ​റി​ലും 400 മീ​റ്റ​ർ ഹ​ർ​ഡി​ൽ​സി​ലും അ​ദെ​ക്കോ​യ ബ​ഹ്റൈ​നെ പ്ര​തി​നി​ധാ​നം ചെ​യ്യും. ബ​ഹ്റൈ​നി​ൽ​നി​ന്ന് 14 കാ​യി​ക താ​ര​ങ്ങ​ളാ​ണ് പ​​​ങ്കെ​ടു​ക്കു​ന്ന​ത്. അ​ത്‌​ല​റ്റി​ക്‌​സി​ൽ എ​ട്ട് കാ​യി​ക​താ​ര​ങ്ങ​ളും നീ​ന്ത​ൽ, ഭാ​രോ​ദ്വ​ഹ​നം, ജൂ​ഡോ, ഗു​സ്തി എ​ന്നി​വ​യി​ൽ ഓ​രോ​രു​ത്ത​രു​മാ​ണ് മാ​റ്റു​ര​ക്കു​ന്ന​ത്.

കെ​മി അ​ദെ​ക്കോ​യ​ക്ക് പു​റ​മെ ലോ​ക​ചാ​മ്പ്യ​നാ​യ വി​ൻ​ഫ്രെ​ഡ് യാ​വി (വ​നി​ത​ക​ളു​ടെ 3000 മീ​റ്റ​ർ സ്റ്റീ​പ്പ്ൾ ചേ​സ്), സ​ൽ​വ ഈ​ദ് നാ​സ​ർ (വ​നി​ത​ക​ളു​ടെ 400 മീ​റ്റ​ർ), റോ​സ് ചെ​ലി​മോ (വ​നി​ത​ക​ളു​ടെ മാ​ര​ത്ത​ൺ), ടി​ജി​സ്റ്റ് ഗാ​ഷോ (വ​നി​ത മാ​ര​ത്ത​ൺ), യൂ​നി​സ് ചും​ബ (വ​നി​ത​ക​ളു​ടെ മാ​ര​ത്ത​ൺ), നെ​ല്ലി ജെ​പ്‌​കോ​സ്‌​ഗെ (വ​നി​ത​ക​ളു​ടെ 800 മീ​റ്റ​ർ), ബി​ർ​ഹാ​നു ബ​ലേ​വ് (പു​രു​ഷ​ന്മാ​രു​ടെ 5000 മീ​റ്റ​ർ) എ​ന്നി​വ​രാ​ണ് അ​ത്‍ല​റ്റി​ക്സി​ലെ രാ​ജ്യ​ത്തി​ന്റെ മെ​ഡ​ൽ പ്ര​തീ​ക്ഷ​ക​ൾ.