സിംസ് ഓണമഹോത്സവത്തിന് തുടക്കമായി

മനാമ: സിറോ മലബാർ സൊസൈറ്റിയുടെ 14 ദിവസം നീണ്ട ഓണാഘോഷ പരിപാടികൾക്ക് കഴിഞ്ഞ ദിവസം അൽ അഹ്‍ലി ഇൻഡോർ സ്റ്റേഡിയത്തിൽ നടന്ന മാർച്ച് പാസ്റ്റോടുകൂടി തുടക്കംകുറിച്ചതായി ഭാരവാഹികൾ വാർത്താസമ്മേളനത്തിൽ അറിയിച്ചു. സിംസ്​ അംഗങ്ങളെ മ ന്ദാരം, പൂവിളി, ആവണി, ഓണത്തുമ്പി എന്നീ ഗ്രൂപുകളായി തിരിച്ചാണ് മത്സരങ്ങൾ സംഘടിപ്പിക്കുന്നത്. സെപ്റ്റംബർ 10 മുതൽ 27 വരെ അംഗങ്ങൾക്കായി വിവിധ കലാമത്സരങ്ങൾ മത്സരങ്ങൾ നടക്കും. 28 ന് വൈകിട്ട്​ ഏഴിന്​ ഇന്ത്യൻ ക്ലബ്ബിൽ ഈ വർഷത്തെ ഓണാഘോഷങ്ങൾക്ക് സമാപനമാകും. ഗ്രാൻഡ്​ ഫിനാലെയിൽ സിനിമ നടൻ ശിവജി ഗുരുവായൂർ പങ്കെടുക്കുന്ന ‘അച്ഛൻ’ എന്ന നാടകവും അവതരിപ്പിക്കും.

സിംസി​​െൻറ 2000 പേർക്കുള്ള ഓണമഹാസദ്യ സെപ്റ്റംബർ 20 ന്​ രാവിലെ 11 മുതൽ 3.30 ഇന്ത്യൻ ക്ലബ്ബ് ഓഡിറ്റോറിയത്തിൽ നടക്കും. ഓണസദ്യയോടനുബന്ധിച്ചു സിംസ് ചാരിറ്റി വിഭാഗത്തി​​െൻറ നേതൃത്വത്തിൽ കേരളത്തിലെ വിവിധ ജില്ലകളിലെ വൃദ്ധസദനങ്ങളിൽ ഒറ്റപെട്ടുകഴിയുന്ന 1500 പേർക്ക് ഓണസദ്യ നൽകും. ബഹ്​റൈനിലെ ഒാണസദ്യയുടെ പ്രവേശന പാസ്സിന് വേണ്ടി ജോയ് എലുവത്തിങ്കൽ 36676602, സാനി പോൾ 39855197 എന്നിവരെ ബന്ധപ്പെടണമെന്നും സംഘാടകർ അറിയിച്ചു. സെപ്​തംബർ 10 ന്​ ഉപന്യാസ മത്സരം ഇംഗ്ലീഷിലും മലയാളത്തിലും നടക്കും. 13 ന്​ അത്തപ്പൂക്കള മത്സരവും പായസ മത്സരവും പരമ്പരാഗത വസ്​ത്രധാരണ മത്​സരവും നടക്കും.

14ന്​ ഫാൻസി ഡ്രസ്സ്, നാടോടി നൃത്തം, 15 ന്​ ക്വിസ് മത്​സരം, 16 ന്​ പ്രസംഗ മത്സരം(മലയാളം),നിമിഷ പ്രസംഗം എന്നിവ ഉണ്ടായിരിക്കും. 17ന്​ പ്രസംഗ മത്സരം(ഇംഗ്ലീഷ്), ടേബിൾ ടോക്ക്, 18ന്​ കവിതാപാരായണം. 21ന്​ ഓണപ്പാട്ട് മത്സരവും തിരുവാതിരയും 22ന് നാടോടിനൃത്തവും ഉണ്ടായിരിക്കുന്നതാണ്. വാർത്താസമ്മേളനത്തിൽ സിംസ്​ പ്രസിഡൻറ്​ ചാൾസ് ആലുക്ക, ജനറൽ സെക്രട്ടറി പോൾ ഉറുവത്, ഓണം മഹോത്സവം ജനറൽ കൺവീനർ സാനി പോൾ,ടിക്കറ്റ് കൺവീനർ ജോയ് എലുവത്തിങ്കൽ എന്നിവർ പ​െങ്കടുത്തു.