ആ​ലി​പ്പ​റ​മ്പി​ലെ ഓ​ണ​ക്കാ​ലം

മ​ല​പ്പു​റം പാ​ല​ക്കാ​ട് ജി​ല്ല അ​തി​ർ​ത്തി​യോ​ടു ചേ​ർ​ന്നു​കി​ട​ക്കു​ന്ന ആ​ലി​പ്പ​റ​മ്പ് എ​ന്ന വ​ള്ളു​വ​നാ​ട​ൻ ഗ്രാ​മ​ത്തി​ലെ ഓ​ണ​ക്കാ​ലം​ത​ന്നെ​യാ​ണ് എ​ന്നും എ​ന്റെ മ​ന​സ്സി​ൽ. വ​ർ​ണാ​ഭ​മാ​യ ഓ​ർ​മ​ക​ൾ ഒ​ന്നു​മി​ല്ലെ​ങ്കി​ലും ഉ​ള്ള​തു​കൊ​ണ്ട് ഓ​ണം​പോ​ലെ ഞ​ങ്ങ​ൾ ആ​ലി​പ്പ​റ​മ്പു​കാ​ർ ഓ​രോ ഓ​ണ​വും സ​ന്തോ​ഷ​ത്തോ​ടെ ആ​ഘോ​ഷി​ച്ചി​രു​ന്നു. ന​ഗ​ര​പ്ര​ദേ​ശ​ങ്ങ​ളി​ൽ​നി​ന്ന് വ​ള​രെ ദൂ​രെ​യാ​യ​തു​കൊ​ണ്ടു​ത​ന്നെ ഓ​ണ​ക്കാ​ല​ത്തു​ണ്ടാ​കു​ന്ന തി​ര​ക്കു​ക​ളോ പ​ച്ച​ക്ക​റി​ക​ളു​ടെ വി​ല വ്യ​ത്യാ​സ​ങ്ങ​ളോ ഒ​ന്നും​ത​ന്നെ ഞ​ങ്ങ​ളെ ഒ​രു​ത​ര​ത്തി​ലും ബാ​ധി​ച്ചി​രു​ന്നി​ല്ല.

പ​റ​മ്പി​ലും പാ​ട​ത്തും ന​ട്ടു​പി​ടി​പ്പി​ച്ച പ​ച്ച​ക്ക​റി​ക​ൾ ചി​ങ്ങ​മാ​സ​മാ​കു​മ്പോ​ഴേ​ക്കും വി​ള​വെ​ടു​പ്പി​നു ത​യാ​റാ​യി​ട്ടു​ണ്ടാ​വും. അ​ത്തം തു​ട​ങ്ങു​മ്പോ​ഴേ​ക്കും നേ​ന്ത്ര​ക്കാ​യ, ചേ​ന, കാ​ച്ചി​ൽ, മ​ത്ത​ൻ, വെ​ള്ള​രി തു​ട​ങ്ങി​യ​വ എ​ന്റെ ത​റ​വാ​ട്ടി​ലേ​ക്ക് എ​ത്തി​ച്ചി​ട്ടു​ണ്ടാ​കും. വ​ലി​യ കാ​യ​ക്കു​ല​ക​ൾ ചാ​ക്കി​ൽ പൊ​തി​ഞ്ഞ് പ​ടി​ഞ്ഞാ​റ്റി​യി​ൽ കെ​ട്ടി വെ​ക്കും. പ​ഴം​പു​ഴു​ങ്ങി​യ​തും പ​പ്പ​ട​വും ഓ​ണ​ത്തി​ന് ഒ​ഴി​ച്ചു​കൂ​ടാ​ൻ പ​റ്റാ​ത്ത ഒ​ന്നാ​ണ്.

വ​റു​ക്കാ​നു​ള്ള കാ​യ​യും ചേ​ന​യും പ്ര​ത്യേ​കം മാ​റ്റി​വെ​ക്കും. കാ​ള​ൻ, പു​ളി​യി​ഞ്ചി, മാ​ങ്ങാ​ക്ക​റി, നാ​ര​ങ്ങാ​ക​റി മു​ത​ലാ​യ​വ നേ​ര​ത്തേ​ത​ന്നെ ഉ​ണ്ടാ​ക്കി ഭ​ര​ണി​ക​ളി​ൽ സൂ​ക്ഷി​ച്ചു​വെ​ക്കും. പൂ​രാ​ടം മു​ത​ലേ ഇ​വ​യെ​ല്ലാം ഉ​പ​യോ​ഗി​ക്കാ​ൻ അ​മ്മ​മ്മ അ​നു​വാ​ദം ത​രു​ക​യു​ള്ളൂ.

അ​ത്തനാ​ളി​ൽ രാ​വി​ലെ വ​ട്ട​ത്തി​ൽ ചാ​ണ​കം മെ​ഴു​കി​യ മു​റ്റ​ത്ത് കി​ഴ​ക്കോ​ട്ടു തി​രി​ഞ്ഞി​രു​ന്ന് ന​ടു​ക്ക് മു​ക്കു​റ്റി​വെ​ച്ചാ​ണ് പൂ​വി​ടാ​ൻ തു​ട​ങ്ങു​ന്ന​ത്. ആ​ദ്യം ഒ​രു വ​ട്ട​ത്തി​ൽ ഒ​തു​ങ്ങു​ന്ന പൂ​ക്ക​ള​ത്തി​ന്റെ വ​ലു​പ്പം ക്ര​മേ​ണ കൂ​ട്ടി​യി​ടും.

മു​റ്റ​ത്തും തൊ​ടി​യി​ലും കാ​ണു​ന്ന സാ​ധാ​ര​ണ പൂ​ക്ക​ളാ​ണ് ഉ​പ​യോ​ഗി​ക്കു​ന്ന​ത്. പി​റ്റേ​ദി​വ​സ​ത്തെ പൂ​ക്ക​ള​ത്തി​ന് അ​ടു​ത്തു​ള്ള വീ​ട്ടി​ലെ കു​ട്ടി​ക​ളെ​ല്ലാ​വ​രും​കൂ​ടി വൈ​കു​ന്നേ​ര​ങ്ങ​ളി​ൽ പൂ​ക്ക​ൾ പ​റി​ക്കാ​ൻ പോ​കു​ന്ന​ത് പ​തി​വാ​യി​രു​ന്നു. ആ​ർ​ക്കാ​ണ് കൂ​ടു​ത​ൽ പൂ ​കി​ട്ടു​ന്ന​തെ​ന്നു മ​ത്സ​രം​വ​രെ വെ​ക്കും ഞ​ങ്ങ​ൾ.

ചി​ങ്ങ​മാ​സ​ത്തി​ലെ പൂ​രാ​ടം മു​ത​ലാ​ണ് ഓ​ണം തു​ട​ങ്ങു​ന്ന​തെ​ന്ന് മു​ത്ത​ശ്ശ​ൻ പ​റ​ഞ്ഞു കേ​ട്ടി​ട്ടു​ണ്ട്. മ​ഹാ​ബ​ലി കേ​ര​ള​ത്തി​ലേ​ക്കു പു​റ​പ്പെ​ടു​ന്ന​ത് അ​ന്നാ​ണ​ത്രെ. അ​തു​കൊ​ണ്ടാ​ണ് അ​ന്നേ ദി​വ​സം മു​ത​ൽ വീ​ടു​ക​ളി​ൽ മാ​തേ​വ​രെ വെ​ക്കു​ന്ന​ത്. മ​ണ്ണ് കു​ഴ​ച്ചു നി​ർ​മി​ക്കു​ന്ന മാ​തേ​വ​രെ അ​രി​മാ​വു​കൊ​ണ്ട് ഭം​ഗി​യാ​യി അ​ണി​ഞ്ഞ പ​ല​ക​യി​ൽ വെ​ക്കും. വെ​യി​ലും മ​ഴ​യും കൊ​ള്ളാ​തി​രി​ക്കാ​ൻ ഒ​രു ഓ​ല​ക്കു​ട​യും വെ​ക്കും. ഓ​ണ​വി​ല്ല് കൊ​ട്ടി​യി​ട്ടാ​ണ് പൂ​രാ​ട ദി​വ​സം മു​ത​ൽ ഈ ​ച​ട​ങ്ങു​ക​ൾ ആ​രം​ഭി​ക്കു​ന്ന​ത്.

ക​മു​കി​ന്റെ പാ​ത്തി​യി​ൽ മു​ള​കൊ​ണ്ടു​ള്ള ഞാ​ൺ വ​ലി​ച്ചു​വെ​ച്ചാ​ണ് ഇ​ത് നി​ർ​മി​ക്കു​ന്ന​ത്. അ​തി​ൽ മു​ളം​ക​മ്പു​കൊ​ണ്ട് അ​ടി​ക്കു​മ്പോ​ൾ ഇ​മ്പ​മാ​ർ​ന്ന ശ​ബ്ദം കേ​ൾ​ക്കും. ഓ​ണം എ​ത്തു​ന്ന​തി​നു മാ​സ​ങ്ങ​ൾ​ക്കു മു​മ്പു​ത​ന്നെ ഇ​ത് കൊ​ട്ടാ​നു​ള്ള പ​രി​ശീ​ല​നം തു​ട​ങ്ങും. വ​ള​രെ ചി​ട്ട​യാ​യ പ​ഠ​ന​മാ​ണ് ഇ​തി​നാ​വ​ശ്യം.

അ​ന്യം​നി​ന്നു​പോ​കു​ന്ന ആ​ചാ​ര​ത്തി​ന്റെ ഭാ​ഗ​മാ​യി​രു​ന്ന ഓ​ണ​വി​ല്ലെ​ന്ന വാ​ദ്യോ​പ​ക​ര​ണ​ത്തെ വി​ല്ലി​ന്മേ​ൽ താ​യ​മ്പ​ക എ​ന്ന ക​ലാ​രൂ​പ​ത്തി​ലേ​ക്കെ​ത്തി​ക്കാ​ൻ എ​ന്റെ മു​ത്ത​ശ്ശ​നാ​യ ഗം​ഗാ​ധ​ര​മേ​നോ​ൻ ന​ട​ത്തി​യ പ്ര​യ​ത്ന​ങ്ങ​ൾ ന​ന്ദി​യോ​ടെ ഈ ​അ​വ​സ​ര​ത്തി​ൽ ഓ​ർ​ക്കു​ന്നു. ഓ​ണ​ത്ത​പ്പ​നെ വ​ര​വേ​ൽ​ക്കാ​ൻ സ​ദ്യ​പോ​ലെ ഞ​ങ്ങ​ൾ​ക്ക് പ്രി​യ​പ്പെ​ട്ട​താ​യി​രു​ന്നു ഓ​ണ​വി​ല്ലും.

അ​ത്തം മു​ത​ൽ പി​ന്നെ അ​ങ്ങോ​ട്ട് ഒ​രു ആ​വേ​ശ​മാ​ണ് തി​രു​വോ​ണ​ദി​വ​സം ഒ​ന്ന് പെ​ട്ടെ​ന്നെ​ത്താ​ൻ. വേ​റൊ​ന്നി​നു​മ​ല്ല, അ​ന്നാ​ണ് ഓ​ണ​ക്കോ​ടി ഇ​ടേ​ണ്ട ദി​വ​സം. അ​ന്നൊ​ന്നും കു​ട്ടി​ക​ളെ കൊ​ണ്ടു​പോ​യി ഓ​ണം ഷോ​പ്പി​ങ് ഒ​ന്നു​മി​ല്ല. മു​ത്ത​ശ്ശ​നോ അ​മ്മാ​വ​നോ പോ​യി എ​ല്ലാ​വ​ർ​ക്കും വേ​ണ്ട ഓ​ണ​ക്കോ​ടി​ക​ൾ എ​ടു​ത്തു​കൊ​ണ്ടു​വ​രും. അ​ത് ചി​ല​പ്പോ​ൾ നി​റ​മു​ള്ള​തോ ഇ​ല്ലാ​ത്ത​തോ ഒ​ക്കെ ആ​കാം.

ഇ​ന്ന​ത്തെ​പ്പോ​ലെ ഫാ​ഷ​ൻ സ​ങ്ക​ൽ​പ​ങ്ങ​ളൊ​ന്നും ഇ​ല്ലാ​ത്ത​തു​കൊ​ണ്ട് ആ​ർ​ക്കും പ​രാ​തി​യോ പ​രി​ഭ​വ​മോ ഇ​ല്ല. മ​നം​നി​റ​ഞ്ഞ് സ​ന്തോ​ഷി​ച്ചി​രു​ന്ന ഓ​ണ​നാ​ളു​ക​ൾ. വ​ർ​ഷ​ത്തി​ൽ ആ​കെ കി​ട്ടു​ന്ന നി​റ​മു​ള്ള ഉ​ടു​പ്പു​ക​ൾ​ക്ക് ഒ​രു വ​ല്ലാ​ത്ത മ​ണ​മാ​യി​രു​ന്നു. അ​ടു​ത്ത ഓ​ണം വ​രെ കാ​ത്തി​രി​ക്കാ​നു​ള്ള ഓ​ർ​മ​ക​ളു​ടെ മ​ണം.