ബ​ഹ്റൈ​ന് എ​ന്നും പ്രി​യ​ങ്ക​ര​ൻ​

മ​നാ​മ: ബ​ഹ്റൈ​ൻ പ്ര​വാ​സി​ക​ളു​ടെ ഹൃ​ദ​യ​ത്തു​ടി​പ്പു​ക​ൾ തി​രി​ച്ച​റി​ഞ്ഞ രാ​ഷ്ട്രീ​യ നേ​താ​വാ​യി​രു​ന്നു ഉ​മ്മ​ൻ ചാ​ണ്ടി. 2013ൽ ​യു.​എ​ൻ പു​ര​സ്കാ​രം ഏ​റ്റു​വാ​ങ്ങാ​നെ​ത്തി​യ അ​ദ്ദേ​ഹ​ത്തെ ഇ​രു​കൈ​ക​ളും നീ​ട്ടി​യാ​ണ് ബ​ഹ്റൈ​നി​ലെ മ​ല​യാ​ളി സ​മൂ​ഹം സ്വീ​ക​രി​ച്ച​ത്. അ​ന്ന് കേ​ര​ള മു​ഖ്യ​മ​ന്ത്രി​യാ​യി​രു​ന്ന അ​ദ്ദേ​ഹ​ത്തി​നും പ​ത്നി മ​റി​യാ​മ്മ​ക്കും ഒ​പ്പ​മു​ണ്ടാ​യി​രു​ന്ന മ​ന്ത്രി കെ.​സി. ജോ​സ​ഫി​നും രാ​ജ​കീ​യ സ്വീ​ക​ര​ണ​മാ​ണ് ബ​ഹ്റൈ​ൻ ഭ​ര​ണ​കൂ​ടം ഒ​രു​ക്കി​യ​ത്. രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ, കി​രീ​ടാ​വ​കാ​ശി പ്രി​ൻ​സ് സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ എ​ന്നി​വ​രു​മാ​യി ഉ​മ്മ​ൻ ചാ​ണ്ടി കൂ​ടി​ക്കാ​ഴ്ച ന​ട​ത്തു​ക​യും ചെ​യ്തി​രു​ന്നു. ഇ​ന്ത്യ​യു​മാ​യു​ള്ള ബ​ഹ്റൈ​ന്റെ ച​രി​ത്ര​പ​ര​മാ​യ ബ​ന്ധം അ​നു​സ്മ​രി​ച്ച ഹ​മ​ദ് രാ​ജാ​വ് ഇ​ന്ത്യ​ൻ പ്ര​വാ​സി​ക​ൾ രാ​ജ്യ​ത്തി​ന് ചെ​യ്യു​ന്ന സേ​വ​ന​ങ്ങ​ളെ പ്ര​കീ​ർ​ത്തി​ക്കു​ക​യും ചെ​യ്തു. പ്ര​വാ​സി​ക​ളോ​ട് ബ​ഹ്റൈ​ൻ കാ​ണി​ക്കു​ന്ന സ്നേ​ഹം ത​നി​ക്ക് വ്യ​ക്ത​മാ​യ​താ​യി ഉ​മ്മ​ൻ ചാ​ണ്ടി പി​ന്നീ​ട് ‘ഗ​ൾ​ഫ് മാ​ധ്യ​മ’​ത്തോ​ട് വെ​ളി​പ്പെ​ടു​ത്തി.

ബ​ഹ്റൈ​ൻ നാ​ഷ​ന​ൽ തി​യ​റ്റ​റി​ൽ ന​ട​ന്ന പ്രൗ​ഢ​ഗം​ഭീ​ര ച​ട​ങ്ങി​ലാ​ണ് അ​ദ്ദേ​ഹം യു.​എ​ൻ ഇ​ക്ക​ണോ​മി​ക് ആ​ൻ​ഡ് സോ​ഷ്യോ അ​ഫ​യേ​ഴ്സ് വി​ഭാ​ഗം അ​ണ്ട​ർ സെ​ക്ര​ട്ട​റി വു ​ഹോ​ഡ് ബോ​യി​ൽ​നി​ന്ന് യു.​എ​ൻ പു​ര​സ്കാ​രം ഏ​റ്റു​വാ​ങ്ങി​യ​ത്. അ​ഴി​മ​തി ത​ട​യ​ലും പൊ​തു​സേ​വ​ന​വും മു​ൻ​നി​ർ​ത്തി ന​ൽ​കു​ന്ന പു​ര​സ്കാ​ര​മാ​ണ് ഇ​ന്ത്യ​ക്ക് ല​ഭി​ച്ച​ത്. കി​രീ​ടാ​വ​കാ​ശി പ്രി​ൻ​സ് സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ​യു​മാ​യു​ള്ള കൂ​ടി​ക്കാ​ഴ്ച അ​വി​സ്മ​ര​ണീ​യ​മാ​യി​രു​ന്നെ​ന്നും ഉ​മ്മ​ൻ ചാ​ണ്ടി അ​ന്ന് പ​റ​ഞ്ഞു. ബ​ഹ്റൈ​നി​ൽ​നി​ന്ന് ആ​ദ്യ​മാ​യി കേ​ര​ളം സ​ന്ദ​ർ​ശി​ച്ച ഭ​ര​ണാ​ധി​കാ​രി താ​നാ​ണെ​ന്നും കേ​ര​ള സ​ന്ദ​ർ​ശ​നം അ​വി​സ്മ​ര​ണീ​യ അ​നു​ഭ​വ​മാ​ണ് സ​മ്മാ​നി​ച്ച​തെ​ന്നും പ്രി​ൻ​സ് സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ ഉ​മ്മ​ൻ ചാ​ണ്ടി​യോ​ട് പ​റ​ഞ്ഞി​രു​ന്നു. ഉ​മ്മ​ൻ ചാ​ണ്ടി​യു​ടെ ജ​ന​സ​മ്പ​ർ​ക്ക പ​രി​പാ​ടി​യു​ടെ മാ​തൃ​ക​യി​ൽ താ​ൻ എ​ല്ലാ ആ​ഴ്ച​യും മ​ജ്‍ലി​സ് സം​ഘ​ടി​പ്പി​ക്കാ​റു​ണ്ടെ​ന്നും കി​രീ​ടാ​വ​കാ​ശി ചൂ​ണ്ടി​ക്കാ​ട്ടി. ത​നി​ക്ക് ​അ​ടു​ത്ത ദി​വ​സ​മാ​യ വെ​ള്ളി​യാ​ഴ്ച ബ​ഹ്റൈ​നി​ൽ 22 പ​രി​പാ​ടി​ക​ളി​ൽ പ​​ങ്കെ​ടു​ക്കാ​നു​ണ്ടെ​ന്ന് ഉ​മ്മ​ൻ ചാ​ണ്ടി അ​റി​യി​ച്ച​പ്പോ​ൾ കി​രീ​ടാ​വ​കാ​ശി അ​ത്ഭു​തം കൂ​റു​ക​യും ചെ​യ്തു.

പ​റ​ഞ്ഞ​തു​​പോ​ലെ മ​ല​യാ​ളി​സ​മൂ​ഹം മൂ​ന്നു ദി​വ​സ​മാ​യി ന​ൽ​കി​യ 35 സ്വീ​ക​ര​ണ പ​രി​പാ​ടി​ക​ളി​ലും ക്ഷീ​ണ​മേ​തു​മി​ല്ലാ​തെ പ​​ങ്കെ​ടു​ത്തി​ട്ടാ​ണ് മ​ട​ങ്ങി​യ​ത്. വ്യ​വ​സാ​യ പ്ര​മു​ഖ​രു​മാ​യും സാ​മൂ​ഹി​ക, സാം​സ്കാ​രി​ക മേ​ഖ​ല​യി​ലെ പ്ര​മു​ഖ വ്യ​ക്തി​ത്വ​ങ്ങ​ളു​മാ​യും കൂ​ടി​ക്കാ​ഴ്ച ന​ട​ത്താ​നും സ​മ​യം ക​ണ്ടെ​ത്തി. എം.​എ. യൂ​സു​ഫ​ലി, ഡോ. ​ര​വി പി​ള്ള, ഡോ. ​വ​ർ​ഗീ​സ് കു​ര്യ​ൻ, അ​ൽ നൂ​ർ ഇ​ന്റ​ർ​നാ​ഷ​ന​ൽ സ്കൂ​ൾ ചെ​യ​ർ​മാ​ൻ അ​ലി ഹ​സ​ൻ തു​ട​ങ്ങി നി​ര​വ​ധി പേ​രു​മാ​യി അ​ദ്ദേ​ഹം ച​ർ​ച്ച ന​ട​ത്തി​യി​രു​ന്നു. പ്ര​വാ​സി​ക​ളു​ടെ ഏ​ത് പ്ര​ശ്ന​വും ത​ന്നെ അ​റി​യി​ക്ക​ണ​മെ​ന്നും സാ​ധ്യ​മാ​യ പ​രി​ഹാ​ര​മു​ണ്ടാ​ക്കാ​ൻ എ​ല്ലാ​യ്പോ​ഴും സ​ന്ന​ദ്ധ​നാ​ണെ​ന്നും ഉ​റ​പ്പു​ന​ൽ​കി​യാ​ണ് അ​ദ്ദേ​ഹം മ​ട​ങ്ങി​യ​ത്. 2017ൽ ​വീ​ണ്ടു​മെ​ത്തി​യ ഉ​മ്മ​ൻ ചാ​ണ്ടി​​യെ ബ​ഹ്റൈ​ൻ അ​ന്ന​ത്തേ​തു​പോ​ലെ ത​ന്നെ സ​സ്നേ​ഹം സ്വീ​ക​രി​ച്ചു. ബ​ഹ്റൈ​ൻ നാ​ഷ​ന​ൽ ഡേ​യോ​ട​നു​ബ​ന്ധി​ച്ച് ഒ.​ഐ.​സി.​സി സം​ഘ​ടി​പ്പി​ച്ച സ​മ്മേ​ള​ന​ത്തി​ൽ പ​​ങ്കെ​ടു​ക്കാ​നാ​യി​രു​ന്നു അ​ദ്ദേ​ഹ​മെ​ത്തി​യ​ത്.