പാസ്പോർട്ട് ഗ്ലോബൽ ഇൻഡെക്സ് പട്ടിക; റാ​ങ്കി​ങ് നി​ല​നി​ർ​ത്തി ബ​ഹ്റൈ​ൻ

മ​നാ​മ: പാ​സ്പോ​ർ​ട്ട് ഗ്ലോ​ബ​ൽ ഇ​ൻ​ഡെ​ക്സി​ൽ റാ​ങ്കി​ങ് നി​ല​നി​ർ​ത്തി ബ​ഹ്റൈ​ൻ. യാ​ത്ര രേ​ഖ​യെ​ന്ന നി​ല​യി​ൽ അ​തി​ന്‍റെ മൂ​ല്യം, വി​ശേ​ഷാ​വ​കാ​ശം (പ്രി​വി​ലേ​ജ്, വ്യ​ക്തി​സ്വാ​ത​ന്ത്ര്യം എ​ന്നി​വ അ​ടി​സ്ഥാ​ന​മാ​ക്കി നൊ​മാ​ഡ് പാ​സ്പോ​ർ​ട്ട് ഇ​ൻ​ഡെ​ക്സ് പു​റ​ത്തു​വി​ട്ട 2025ലെ ​പ​ട്ടി​ക പ്ര​കാ​ര​മാ​ണ് ബ​ഹ്റൈ​ൻ ത​ങ്ങ​ളു​ടെ റാ​ങ്കി​ങ് നി​ല​നി​ർ​ത്തി​യ​ത്. വി​സ ഫ്രീ ​യാ​ത്ര, ടാ​ക്സേ​ഷ​ൻ, ആ​ഗോ​ള​മാ​യി രാ​ജ്യ​ത്തി​നു​ള്ള പ്ര​തി​ച്ഛാ​യ, ഇ​ര​ട്ട പൗ​ര​ത്വ​ത്തി​നു​ള്ള സൗ​ക​ര്യം മു​ത​ലാ​യ​വ​യും പ​ട്ടി​ക ത​യാ​റാ​ക്കു​ന്ന​തി​ന് മാ​ന​ദ​ണ്ഡ​ങ്ങ​ളാ​ണ്.

199 രാ​ജ്യ​ങ്ങ​ളി​ൽ​നി​ന്ന് 103ആം ​സ്ഥാ​ന​മാ​ണ് ബ​ഹ്റൈ​ൻ നി​ല​നി​ർ​ത്തി​യ​ത്. ഗ​ൾ​ഫ് രാ​ജ്യ​ങ്ങ​ളി​ൽ ആ​ഗോ​ള ത​ല​ത്തി​ൽ പ​ത്താം സ്ഥാ​ന​ത്തു​ള്ള യു.​എ.​ഇ​യാ​ണ് ഒ​ന്നാം സ്ഥാ​ന​ത്ത്. ഒ​മാ​ൻ (89), ഖ​ത്ത​ർ (96), സൗ​ദി അ​റേ​ബ്യ (110) എ​ന്നി​ങ്ങ​നെ​യാ​ണ് മ​റ്റു റാ​ങ്കി​ങ്ങു​ക​ൾ. ഇ​ന്ത്യ 148ാം സ്ഥാ​ന​ത്താ​ണ്. ലോ​ക​ത്തി​ലെ ഏ​റ്റ​വും ശ​ക്ത​മാ​യ പാ​സ്​​പോ​ർ​ട്ട് എ​ന്ന ഖ്യാ​തി ഐ​റി​ഷ് പാ​സ്പോ​ർ​ട്ടി​നാ​ണ്. പ​ട്ടി​ക​യി​ൽ സ്വി​റ്റ്സ​ർ​ല​ൻ​ഡ് ര​ണ്ടാം സ്ഥാ​നം നേ​ടി​യ​പ്പോ​ൾ ഗ്രീ​സ് മൂ​ന്നാ​മ​തും പോ​ർ​ചു​ഗ​ൽ നാ​ലാ​മ​തു​മെ​ത്തി. മാ​ൾ​ട്ട​യാ​ണ് അ​ഞ്ചാം സ്ഥാ​ന​ത്തു​ള്ള​ത്. പ​ട്ടി​ക​യി​ൽ ആ​ദ്യ ഒ​മ്പ​ത് സ്ഥാ​ന​ക്കാ​രും യൂ​റോ​പ്യ​ൻ രാ​ജ്യ​ങ്ങ​ളാ​ണ്.

യു.​കെ 21ാം സ്ഥാ​ന​ത്തും യു.​എ​സ്.​എ പ​ട്ടി​ക​യി​ൽ 45ാം സ്ഥാ​ന​ത്തു​മാ​ണ്. 2023ൽ ​ബ​ഹ്റൈ​ന്‍റെ സ്ഥാ​നം 99 ആ​യി​രു​ന്നു, 2022ൽ 104​ഉം. ക​ഴി​ഞ്ഞ വ​ർ​ഷ​മാ​ണ് 103ലേ​ക്കെ​ത്തി​യ​ത്. 195 മു​ത​ൽ 199 വ​രെ​യു​ള്ള റാ​ങ്കു​ക​ളി​ൽ ഉ​ൾ​പ്പെ​ട്ട ഏ​റ്റ​വും ദു​ർ​ബ​ല​മാ​യ പാ​സ്‌​പോ​ർ​ട്ടു​ക​ൾ പാ​കി​സ്താ​ൻ, ഇ​റാ​ഖ്, എ​റി​ത്രീ​യ, യ​മ​ൻ, അ​ഫ്ഗാ​നി​സ്താ​ൻ എ​ന്നി​വ​യു​ടേ​താ​ണ്.