അമിത കീടനാശിനി സാന്നിധ്യം: അഞ്ച്​ രാജ്യങ്ങളിൽ നിന്നുള്ള പഴം, പച്ചക്കറികൾക്ക്​ ബഹ്​റൈനിൽ വിലക്ക്​

മനാമ: പഴം-പച്ചക്കറികളിലെ അമിത കീടനാശിനി പ്രയോഗം ശ്രദ്ധയിൽ പെട്ടതിനെ തുടർന്ന്​ ബഹ്​റൈൻ അഞ്ച്​ രാജ്യങ്ങളിൽ നിന്നുള്ള ചില ഉൽപന്നങ്ങൾക്ക്​ നിരോധനം ഏർപ്പെടുത്തി. ഇൗജിപ്​തിൽ നിന്നുള്ള മുളക്​, ലെബനാനിൽ നിന്നുള്ള ആപ്പിൾ, യമനിൽ നിന്നുള്ള എല്ലാ തരം പഴങ്ങളും, ജോർഡനിൽ നിന്നുള്ള മുളക്​, കാബേജ്​, കോളിഫ്ലവർ, ലെറ്റ്യൂസ്​, ബീൻസ്​, വഴുതന, ഒമാനിൽ നിന്നുള്ള മത്തൻ, കാരറ്റ്​, വാട്ടർക്രെസ്​ എന്നിവയാണ്​ നിരോധിച്ചതെന്ന്​ അഗ്രികൾചർ ആൻറ്​ മറൈൻ റിസോഴ്​സ്​ അഫയേഴ്​സ്​ അറിയിച്ചു. നിരോധിത ഉൽപന്നങ്ങൾക്കുള്ള ഇറക്കുമതി ലൈസൻസ്​ റദ്ദാക്കിയിട്ടുണ്ട്​. രാജ്യത്ത്​ നിരോധിത ഉൽപന്നങ്ങൾ എത്തുന്നില്ല എന്ന കാര്യം ഉറപ്പാക്കാനായി അതിർത്തിയിൽ പ​രിശോധന കർശനമാക്കി. നിലവിൽ ക​േമ്പാളത്തിലുള്ള പഴം^പച്ചക്കറികളെ കുറിച്ച്​ ആശങ്കവേണ്ടെന്നും അധികൃതർ അറിയിച്ചു.

ഒമാൻ, ഈജിപ്ത്, ജോര്‍ഡന്‍, ലബനാന്‍, യമന്‍ എന്നീ രാജ്യങ്ങളില്‍നിന്നുള്ള പച്ചക്കറികളുടെയും പഴങ്ങളുടെയും ഇറക്കുമതിക്ക്​ അടുത്തമാസം  15 മുതൽ നിരോധനമേർപ്പെടുത്തുമെന്ന്​​ യു.എ.ഇ കാലാവസ്​ഥ, പരിസ്​ഥിതി കാര്യ മന്ത്രാലയവും വ്യക്​തമാക്കിയിട്ടുണ്ട്​.
ഇതേ തുടർന്ന ഒമാൻ കാർഷിക, ഫിഷറീസ്​ മന്ത്രാലയം അണ്ടർ സെക്രട്ടറി ഡോ. അഹമ്മദ്​ ബിൻ നാസർ അൽ ബക്​രിയും ഒമാനിലെ യു.എ.ഇ അംബാസഡർ മുഹമ്മദ്​ അൽ സുവൈദിയും​ കൂടിക്കാഴ്​ച നടത്തിയിരുന്നു. 
നിരോധനത്തി​​െൻറ വിശദ വിവരങ്ങൾക്ക്​ പുറമെ ഉയർന്ന തോതിൽ കീടനാശിനിയുടെ സാന്നിധ്യം കണ്ടെത്തിയ ഉൽപന്നങ്ങളുടെ സാമ്പിളുകൾ ലഭിക്കുന്നത്​ സംബന്ധിച്ച കാര്യങ്ങളും ചർച്ചയിൽ ഉയർന്നു.