അവധി ദിനങ്ങൾ ആഘോഷമാക്കി ജനങ്ങൾ

മനാമ: ​ബലിപെരുന്നാൾ അവധി ദിനങ്ങൾ ആഘോഷമാക്കി പ്രവാസികളും സ്വദേശികളും. രാജ്യത്തെ ബീച്ചുകളിലും അൽ അറീൻ വന്യജീവി സ​​​ങ്കേതത്തിലും മറ്റ്​ വിനോദ സഞ്ചാര കേന്ദ്രങ്ങളിലും കഴിഞ്ഞ ദിവസങ്ങളിൽ വൻ ജനത്തിരക്കാണ്​ അനുഭവപ്പെട്ടത്​.

കത്തുന്ന ചൂട്​ അവഗണിച്ചും ജനങ്ങൾ വിനോദ സഞ്ചാര കേന്ദ്രങ്ങളിലേക്ക്​ ഒഴുകിയെത്തി. ബഹ്​റൈൻ ടൂറിസം ആന്‍റ്​ എക്സ്​ബിഷൻസ്​ അതോറ്റിറ്റിയുടെ ആഭിമുഖ്യത്തിൽ ആരംഭിച്ച ബീച്ച്​ ഫെസ്റ്റിവലും ആയിരങ്ങളെ ആകർഷിച്ചു. കടലിൽ കുളിക്കാനും കടൽത്തീരത്ത്​ വിവിധ വിനോദങ്ങളിൽ ഏർപ്പെടാനും ഇഷ്ട ഭക്ഷണം കഴിക്കാനും ബീച്ച്​ ഫെസ്റ്റിവൽ അവസരമൊരുക്കി. ജസായെർ ബീച്ച്​, മറാസീ ബീച്ച്​, വാട്ടർ ഗാർഡൻ സിറ്റി ബീച്ച്​ എന്നിവിടങ്ങളിൽ ആഘോഷ പരിപാടികൾ സംഘടിപ്പിച്ചിരുന്നു.

കോവിഡ്​-19 പ്രത്യാഘാതങ്ങളിൽനിന്ന്​ രാജ്യം കരകയറിയതി​െന്‍റ പ്രതിഫലനം കൂടിയായി വിനോദ സഞ്ചാര കേന്ദ്രങ്ങളിലെ തിരക്ക്​. ബീച്ചുകളിൽ എത്തുന്നവരുടെ സുരക്ഷക്കായി പ്രത്യേക സംവിധാനങ്ങളും ഒരുക്കിയിരുന്നു. അവധി ആഘോഷിക്കാൻ കുടുംബാംഗങ്ങളോടൊപ്പമാണ്​ മിക്കവരും വിനോദ സഞ്ചാര കേ​ന്ദ്രങ്ങളിൽ എത്തിയത്​. സഞ്ചാരികൾ കൂട്ടമായി ഇറങ്ങിയതോടെ റോഡുകളിൽ നല്ല തിരക്കും അനുഭവപ്പെട്ടു. തുടർച്ചയായി വന്ന അവധിക്കാലം ആഹ്ലാദകരമാക്കാൻ കഴിഞ്ഞതി​െന്‍റ സന്തോഷത്തിലായിരുന്നു എല്ലാവരും.