റമദാന്‍ സ്​പർശവുമായി ഫോട്ടോഗ്രഫി-കലാ പ്രദര്‍ശനം മേയ് 25 ന് 

മനാമ: റമദാന്‍ അനുഭൂതി പകര്‍ന്ന് ഫോട്ടോഗ്രഫി, കലാ പ്രദര്‍ശനം സംഘടിപ്പിക്കുന്നു. മേയ്​ 25 ന് ഹൂറ പാര്‍ക്കില്‍ ‘റമദാന്‍ ബോധനങ്ങളില്‍ നിന്ന്’ എന്ന തലക്കെട്ടിലാണ് റാസ്റുമ്മാന്‍ യൂത്ത് സ​​െൻറർ, ഹൂറ^ഗൂദൈബിയ സ്പോര്‍ട്സ് സ​​െൻറര്‍ എന്നിവയുടെ സഹകരണത്തോടെ ഇത് നടക്കുന്നത്. 31 യൂത്ത് സ​​െൻററുകളില്‍ നിന്നുള്ള 42 ചിത്രങ്ങളാണ് ഇവിടെ പ്രദര്‍ശിപ്പിക്കുക. റമദാ​​​െൻറ പവിത്രതയും മഹത്വവും ചിത്രങ്ങളിലൂടെ സന്നിവേശിപ്പിക്കാനും ബഹ്റൈ​​​െൻറ ആഴത്തിലുള്ള പാരമ്പര്യത്തെയും മൂല്യങ്ങളെയും കോറിയിടാനും ഇത് വഴിയൊരുക്കുമെന്ന് പ്രതീക്ഷിക്കുന്നു. 

ജനങ്ങള്‍ക്ക് പരസ്പരം കാണുന്നതിനും സൗഹൃദം പുതുക്കുന്നതിനും അറബ്​^ഇസ്​ലാമിക പൈതൃക മൂല്യങ്ങളെ കൈമാറ്റം ചെയ്യാനും ഇത്തരം പരിപാടികളിലൂടെ സാധ്യമാവുമെന്നാണ് സംഘാടകര്‍ പ്രതീക്ഷിക്കുന്നത്.പങ്കുവെപ്പി​​​െൻറയും സൗഹൃദത്തി​​​െൻറയും പാരമ്പര്യമാണ് ബഹ്റൈന്‍ എന്നും ഉയര്‍ത്തിപ്പിടിക്കുന്നത്. 
അത് വരച്ചു കാട്ടുന്ന ചിത്രങ്ങളായിരിക്കും പ്രദര്‍ശനത്തിനുണ്ടാവുക.