പൂവച്ചൽ ഖാദർ പുരസ്കാരങ്ങൾ രണ്ട് ബഹ്റൈൻ മലയാളികൾക്ക് സമ്മാനിച്ചു
text_fieldsസി.പി. രഞ്ജിത്ത്, ഗീത വേണുഗോപാൽ
മനാമ: കവിയും ഗാനരചയിതാവുമായ പൂവച്ചൽ ഖാദറിന്റെ മൂന്നാം ചരമവാർഷികത്തോടനുബന്ധിച്ച് പൂവച്ചൽ ഖാദർ സാംസ്കാരിക വേദി പ്രഖ്യാപിച്ച പുരസ്കാരങ്ങൾ ബഹ്റൈൻ മലയാളികൾക്ക് ലഭിച്ചു. ഫോട്ടോഗ്രാഫർ സി.പി രഞ്ജിത്ത് കൂത്തുപറമ്പിന് നവരത്ന പുരസ്കാരവും, സാമൂഹിക പ്രവർത്തക ഗീതാ വേണുഗോപാലിന് വുമൺ ഓഫ് ഹ്യുമാനിറ്റേറിയൻ പുരസ്കാരവുമാണ് ലഭിച്ചത്. സി.പി. രഞ്ജിത്ത് കൂത്തുപറമ്പിന് വേണ്ടി പിതാവ് സി.പി. ഗോപാലൻ പുരസ്കാരം ഏറ്റുവാങ്ങി. തിരുവനന്തപുരം വൈലോപ്പിള്ളി സംസ്കൃതി ഭവനിൽ നടന്ന പുരസ്കാരദാന ചടങ്ങ് ചീഫ് വിപ്പ് എൻ. ജയരാജ് ഉദ്ഘാടനം ചെയ്തു. സംഘാടക സമിതി ചെയർമാൻ അഡ്വ. ഐ.ബി സതീഷ് എം.എൽ.എ അധ്യക്ഷത വഹിച്ചു. ജി. സ്റ്റീഫൻ എം.എൽ.എ, അഡീഷനൽ അഡ്വക്കേറ്റ് ജനറൽ അഡ്വ. കെ.പി. ജയചന്ദ്രൻ, പന്തളം സുധാകരൻ, മുരുകൻ കാട്ടാക്കട, ചലച്ചിത്ര നടൻ സൈജു കുറുപ്പ് തുടങ്ങിയവരും പുരസ്കാരവേദിയിൽ സന്നിഹിതരായിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.