പ്രശാന്ത് നാരായണൺ മടങ്ങി; ബഹ്റൈനിലെ അരങ്ങ് എന്ന സ്വപ്നം ബാക്കിയാക്കി

മ​നാ​മ: എം.​ടി​യു​ടെ ര​ച​ന​ക​ളെ​യും ക​ഥാ​പാ​ത്ര​ങ്ങ​ളെ​യും ആ​ധാ​ര​മാ​ക്കി ‘മ​ഹാ​സാ​ഗ​രം’ എ​ന്ന നാ​ട​ക​ത്തി​ന്റെ ബ​ഹ്റൈ​നി​ലെ അ​വ​ത​ര​ണം എ​ന്ന സ്വ​പ്നം ബാ​ക്കി​യാ​ക്കി​യാ​ണ് 30 വ​ർ​ഷ​ക്കാ​ല​മാ​യി നാ​ട​ക​രം​ഗ​ത്ത് നി​റ​സാ​ന്നി​ധ്യ​മാ​യി​രു​ന്ന പ്ര​ശാ​ന്ത് നാ​രാ​യ​ണ​ൻ അ​ര​ങ്ങൊ​ഴി​ഞ്ഞ​ത്. 2018ൽ ​ബ​ഹ്റൈ​നി​ൽ നാ​ട​കാ​വ​ത​ര​ണം ന​ട​ത്താ​നു​ള്ള എ​ല്ലാ ഒ​രു​ക്ക​വും പൂ​ർ​ത്തി​യാ​യി​രു​ന്നു.

ബ​ഹ്റൈ​നി​ലെ നാ​ട​ക ക​ലാ​കാ​ര​ൻ​മാ​രെ മാ​ത്രം അ​ണി​നി​ര​ത്തി കേ​ര​ളീ​യ സ​മാ​ജം ഹാ​ളി​ൽ റി​ഹേ​ഴ്സ​ല​ട​ക്കം പൂ​ർ​ത്തി​യാ​ക്കു​ക​യും ചെ​യ്തു. അ​പ്ര​തീ​ക്ഷി​ത​മാ​യി കേ​ര​ള​ത്തി​ൽ വെ​ള്ള​പ്പൊ​ക്ക​മു​ണ്ടാ​യ​തോ​ടെ​യാ​ണ് നാ​ട​കാ​വ​ത​ര​ണം ന​ട​ക്കാ​തെ പോ​യ​ത്. സ​മാ​ജം ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളു​ടെ വേ​ദി​യാ​യി മാ​റു​ക​യും ചെ​യ്ത​തോ​ടെ നാ​ട​കാ​വ​ത​ര​ണം ഉ​പേ​ക്ഷി​ച്ച് പ്ര​ശാ​ന്ത് നാ​ട്ടി​ലേ​ക്ക് മ​ട​ങ്ങി. അ​ന്ന് നാ​ട​കാ​വ​ത​ര​ണം ന​ട​ക്കാ​തെ പോ​യ​ത് പ്ര​ശാ​ന്ത് നാ​രാ​യ​ണ​നെ സം​ബ​ന്ധി​ച്ചി​ട​ത്തോ​ളം വ​ള​രെ ദുഃ​ഖ​ക​ര​മാ​യി​രു​ന്നെ​ന്ന് നാ​ട​ക​ത്തി​ൽ വെ​ളി​ച്ച​പ്പാ​ടി​ന്റെ വേ​ഷം അ​ഭി​ന​യി​ച്ചി​രു​ന്ന രാ​ജീ​വ് വെ​ള്ളി​ക്കോ​ത്ത് അ​നു​സ്മ​രി​ക്കു​ന്നു. ‘മ​ഹാ​സാ​ഗ​രം’ വീ​ണ്ടും ബ​ഹ്റൈ​നി​ൽ അ​വ​ത​രി​പ്പി​ക്കാ​നു​ള്ള ശ്ര​മ​ങ്ങ​ൾ പു​രോ​ഗ​മി​ക്കു​ന്ന​തി​നി​ടെ​യാ​ണ് പ്ര​ശാ​ന്ത് നാ​രാ​യ​ണ​ന്റെ അ​പ്ര​തീ​ക്ഷി​ത വേ​ർ​പാ​ട്. 2018ലെ ​നാ​ട​ക ക്യാ​മ്പി​ലു​ണ്ടാ​യി​രു​ന്ന ബ​ഹ്റൈ​നി​ലെ ക​ലാ​കാ​ര​ൻ വി​നോ​ദ് ദേ​വ​ന് ‘മ​ഹാ​സാ​ഗ​രം’ നാ​ട്ടി​ൽ അ​ര​ങ്ങേ​റി​യ​പ്പോ​ൾ അ​ഭി​ന​യി​ക്കാ​ൻ അ​വ​സ​രം ല​ഭി​ച്ചു.

എം.​ടി​യു​ടെ ന​വ​തി​യോ​ട​നു​ബ​ന്ധി​ച്ച് കൊ​ച്ചി ലെ ​മെ​റീ​ഡി​യ​നി​ൽ വെ​ള്ളി​യാ​ഴ്ച​യാ​യി​രു​ന്നു അ​വ​ത​ര​ണം. എം.​ടി​യോ​ടൊ​പ്പം മ​മ്മൂ​ട്ടി, മോ​ഹ​ൻ​ലാ​ൽ തു​ട​ങ്ങി​യ​വ​രു​ടെ സാ​ന്നി​ധ്യ​വും ലെ ​മെ​റീ​ഡി​യ​നി​ലു​ണ്ടാ​യി​രു​ന്നു. ഭ്രാ​ന്ത​ൻ വേ​ലാ​യു​ധ​ൻ, അ​സു​ര​വി​ത്തി​ലെ കു​ഞ്ച​ര​ക്ക​ൻ എ​ന്നീ ക​ഥാ​പാ​ത്ര​ങ്ങ​ളെ​യാ​ണ് താ​ൻ അ​വ​ത​രി​പ്പി​ച്ച​തെ​ന്നും ത​ന്റെ അ​ഭി​ന​യ​ത്തെ പ്ര​ശാ​ന്ത് നാ​രാ​യ​ണ​ൻ, പ്ര​ശം​സി​ച്ച​താ​യും വി​നോ​ദ് ദേ​വ​ൻ ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. ബു​ധ​നാ​ഴ്ച ഫോ​ണി​ൽ സം​സാ​രി​ക്കു​മ്പോ​ൾ പു​തു​താ​യി ചെ​യ്യു​ന്ന ‘പെ​ൻ​സി​ൽ’ എ​ന്ന സോ​ളോ നാ​ട​ക​ത്തി​ൽ വേ​ഷം ന​ൽ​കു​മെ​ന്ന് പ​റ​ഞ്ഞി​രു​ന്ന​താ​യും വി​നോ​ദ് ദേ​വ​ൻ അ​നു​സ്മ​രി​ച്ചു.

എം.​ടി​യു​ടെ കൃ​തി​ക​ളാ​യ നാ​ലു​കെ​ട്ട്, കു​ട്ട്യേ​ട​ത്തി, വ​ള​ർ​ത്തു​മൃ​ഗ​ങ്ങ​ൾ, ഇ​രു​ട്ടി​ന്റെ ആ​ത്മാ​വ്, കാ​ലം, മ​ഞ്ഞ്, ഗോ​പു​ര​ന​ട​യി​ൽ, ദ​യ, ര​ണ്ടാ​മൂ​ഴം, ഒ​രു വ​ട​ക്ക​ൻ വീ​ര​ഗാ​ഥ, നി​ർ​മാ​ല്യം, അ​സു​ര​വി​ത്ത് എ​ന്നി​വ​യി​ലെ ക​ഥാ​പാ​ത്ര​ങ്ങ​ളെ കോ​ർ​ത്തി​ണ​ക്കി​യാ​ണ് ‘മ​ഹാ​സാ​ഗ​രം’ അ​വ​ത​രി​പ്പി​ച്ച​ത്. മു​പ്പ​തോ​ളം നാ​ട​ക​ങ്ങ​ൾ ര​ചി​ക്കു​ക​യും അ​റു​പ​തി​ൽ​പ​രം നാ​ട​ക​ങ്ങ​ൾ സം​വി​ധാ​നം ചെ​യ്യു​ക​യും ചെ​യ്തി​ട്ടു​ള്ള പ്ര​ശാ​ന്ത് നാ​രാ​യ​ണ​ൻ 2008ൽ ​മോ​ഹ​ൻ​ലാ​ലി​നെ​യും മു​കേ​ഷി​നെ​യും ഉ​ൾ​പ്പെ​ടു​ത്തി ചെ​യ്ത ‘ഛായാ​മു​ഖി’ ശ്ര​ദ്ധേ​യ​മാ​യി​രു​ന്നു.