‘സു​ര​ക്ഷി​ത കു​ടി​യേ​റ്റം’; പ്ര​വാ​സി ലീ​ഗ​ൽ സെ​ൽ വെ​ബി​നാ​ർ സംഘടിപ്പിച്ചു

മ​നാ​മ: പ്ര​വാ​സി ലീ​ഗ​ൽ സെ​ൽ ‘സു​ര​ക്ഷി​ത കു​ടി​യേ​റ്റം’ എ​ന്ന വി​ഷ​യ​ത്തി​ൽ വെ​ബി​നാ​ർ സം​ഘ​ടി​പ്പി​ച്ചു. മ​ലേ​ഷ്യ​യി​ൽ​നി​ന്നു​ള്ള ലോ​ക കേ​ര​ള സ​ഭ പ്ര​തി​നി​ധി​യും സാ​മൂ​ഹി​ക പ്ര​വ​ർ​ത്ത​ക​നു​മാ​യ ആ​ത്മേ​ശ​ൻ പ​ച്ചാ​ട്ട് എ​ഴു​തി​യ ‘ബോ​ർ​ഡി​ങ് പാ​സ്’ എ​ന്ന പു​സ്ത​കം പ്ര​മേ​യ​മാ​ക്കി ന​ട​ത്തി​യ വെ​ബി​നാ​ർ റി​ട്ട. ജ​ഡ്ജി​യും മു​ൻ കേ​ര​ള മ​നു​ഷ്യാ​വ​കാ​ശ ക​മീ​ഷ​ൻ ചെ​യ​ർ​പേ​ഴ്‌​സ​നു​മാ​യ പി. ​മോ​ഹ​ൻ​ദാ​സ് ഉ​ദ്ഘാ​ട​നം ചെ​യ്തു.

പ്ര​വാ​സി ലീ​ഗ​ൽ സെ​ൽ ഗ്ലോ​ബ​ൽ പ്ര​സി​ഡ​ന്‍റും സു​പ്രീം കോ​ട​തി അ​ഭി​ഭാ​ഷ​ക​നു​മാ​യ ജോ​സ് എ​ബ്ര​ഹാം അ​ധ്യ​ക്ഷ​നാ​യി​രു​ന്നു. ച​ട​ങ്ങി​ൽ എ​റ​ണാ​കു​ളം ജി​ല്ല ഉ​പ​ഭോ​ക്തൃ പ​രി​ഹാ​ര ക​മീ​ഷ​ൻ പ്ര​സി​ഡ​ന്റ് ഡി.​ബി. ബി​നു മു​ഖ്യാ​തി​ഥി​യാ​യി​രു​ന്നു. മ​ലേ​ഷ്യ​ൻ പ്ര​വാ​സി​ക​ളു​ടെ പ​ശ്ചാ​ത്ത​ല​ത്തി​ൽ എ​ഴു​തി​യ ത​ന്‍റെ പു​സ്ത​ക​ത്തി​ലെ അ​നു​ഭ​വ​ങ്ങ​ളെ​ക്കു​റി​ച്ചും സു​ര​ക്ഷി​ത കു​ടി​യേ​റ്റ​മെ​ന്ന വി​ഷ​യ​ത്തി​ൽ അ​വ​യു​ടെ പ്രാ​ധാ​ന്യ​ങ്ങ​ളെ​ക്കു​റി​ച്ചും ആ​ത്മേ​ശ​ൻ പ​ച്ചാ​ട്ട് സം​സാ​രി​ച്ചു.

പ്ര​വാ​സി ലീ​ഗ​ൽ സെ​ൽ കേ​ര​ള സ്റ്റേ​റ്റ് ജ​ന​റ​ൽ സെ​ക്ര​ട്ട​റി അ​ഡ്വ. മു​ര​ളീ​ധ​ര​ൻ ആ​ശം​സ​യും, പ്ര​വാ​സി ലീ​ഗ​ൽ സെ​ൽ ബ​ഹ്‌​റൈ​ൻ പ്ര​സി​ഡ​ന്‍റും പ​ബ്ലി​ക് റി​ലേ​ഷ​ൻ​സ് ഓ​ഫി​സ​റു​മാ​യ സു​ധീ​ർ തി​രു​നി​ല​ത്ത് ന​ന്ദി​യും പ്ര​കാ​ശി​പ്പി​ച്ചു. വി​വി​ധ രാ​ജ്യ​ങ്ങ​ളി​ൽ​നി​ന്നാ​യി അ​മ്പ​തി​ല​ധി​കം പേ​ർ പ​ങ്കെ​ടു​ത്ത വെ​ബി​നാ​റി​ൽ സു​ര​ക്ഷി​ത കു​ടി​യേ​റ്റ​മെ​ന്ന വി​ഷ​യ​ത്തി​ൽ മ​നു​ഷ്യ​ക്ക​ട​ത്ത് ത​ട​യാ​ൻ സ​ർ​ക്കാ​ർ​ത​ല​ത്തി​ൽ ഏ​കീ​കൃ​ത നി​യ​മ സം​വി​ധാ​നം ന​ട​പ്പാ​ക്ക​ണ​മെ​ന്ന് ഏ​ക​ക​ണ്ഠ​മാ​യി ആ​വ​ശ്യ​പ്പെ​ട്ടു.

ലോ​ക​ത്തെ​മ്പാ​ടു​മു​ള്ള പ്ര​വാ​സി​ക​ളെ നി​യ​മ​പ​ര​മാ​യി ശാ​ക്തീ​ക​രി​ക്കു​ക​യെ​ന്ന ല​ക്ഷ്യ​ത്തോ​ടെ ഒ​ന്ന​ര പ​തി​റ്റാ​ണ്ടു​ക​ളാ​യി ഡ​ൽ​ഹി ആ​സ്ഥാ​ന​മാ​യി പ്ര​വ​ർ​ത്തി​ച്ചു വ​രു​ന്ന സ​ർ​ക്കാ​റി​ത​ര സം​ഘ​ട​ന​യാ​ണ് പ്ര​വാ​സി ലീ​ഗ​ൽ സെ​ൽ. നി​ല​വി​ൽ വി​ദേ​ശ ജോ​ലി​ക​ളു​ടെ മ​റ​വി​ൽ ക്ര​മാ​തീ​ത​മാ​യി വ​ർ​ധി​ച്ചു​വ​രു​ന്ന മ​നു​ഷ്യ​ക്ക​ട​ത്തു​ക​ൾ​ക്കി​ര​യാ​യ നി​ര​വ​ധി പ്ര​വാ​സി​ക​ൾ​ക്കാ​ണ് ഇ​തി​നോ​ട​കം പ്ര​വാ​സി ലീ​ഗ​ൽ സെ​ല്ലി​ന്‍റെ നി​യ​മ​പ​ര​മാ​യ ഇ​ട​പെ​ട​ലു​ക​ളി​ലൂ​ടെ പ്ര​യോ​ജ​നം ല​ഭി​ച്ച​ത്.