റമദാൻ കപ്പ് ട്വന്‍റി 20: പാമ്പാടി ജേതാക്കൾ

മനാമ: ബഹ്‌റൈൻ കേരള നേറ്റീവ് ബാൾ ഫെഡറേഷന്റെ ആഭിമുഖ്യത്തിൽ നടന്ന റമദാൻ കപ്പ് ട്വന്‍റി 20 നാടൻ പന്തുകളി മത്സരത്തിൽ ടീമിനെ പരാജയപ്പെടുത്തി പാമ്പാടി ടീം ജേതാക്കളായി. വിജയികൾക്ക് ഒ.ഐ.സി.സി ഗ്ലോബൽ ജനറൽ സെക്രട്ടറി രാജു കല്ലുമ്പുറവും രണ്ടാം സ്ഥാനക്കാർക്ക് ഒ.ഐ.സി.സി ദേശീയ ജനറൽ സെക്രട്ടറി ബിനു കുന്നന്താനവും കാഷ് അവാർഡും ട്രോഫികളും സമ്മാനിച്ചു.

ഫെഡറേഷൻ പ്രസിഡന്‍റ് റെജി കുരുവിള അധ്യക്ഷത വഹിച്ചു. വൈസ് പ്രസിഡന്‍റ് റോബിൻ ഏബ്രഹാം, ട്രഷറർ കുരുവിള പാമ്പാടി, അനീഷ് ഗൗരി, ജോ. സെക്രട്ടറി ജോജി ഈശോ, മനോഷ് കോര എന്നിവർ നേതൃത്വം നൽകി. നിരവധി നാടൻ പന്തുകളി പ്രേമികളുടെ സാന്നിധ്യം ഫൈനൽ മത്സരത്തിന് മിഴിവേകി.