'പോ​രു​മ്പോ ഓ​ളേം​പാ​ടെ കൂ​ട്ടി​ക്കോ​ണ്ടി​ട്ടോ'

മ​ല​ബാ​റി​ന്റെ മൊ​ഞ്ച​ത്തി​യാ​യ മ​ല​പ്പു​റം ജി​ല്ല​യി​ലെ ഗ്രാ​മ​പ്ര​ദേ​ശ​മാ​യ ക​രു​വാ​ര​ക്കു​ണ്ട് കേ​ര​ള എ​സ്റ്റേ​റ്റ് എ​ന്ന പ്ര​ദേ​ശ​ത്താ​യി​രു​ന്നു എ​​ന്റെ കു​ട്ടി​ക്കാ​ലം. പ​ള​പ​ള മി​ന്നു​ന്ന ത​ട്ട​മി​ട്ട ഇ​ത്താ​ത്ത​മാ​രു​ടെ വീ​ടു​ക​ൾ​ക്ക് ന​ടു​വി​ലാ​ണ് എ​​ന്റെ വീ​ട്.

റ​മ​ദാ​നി​ലെ 30 ദി​വ​സ​വും ഞ​ങ്ങ​ൾ കു​ട്ടി​ക​ൾ​ക്ക് ആ​ഘോ​ഷ​മാ​യി​രു​ന്നു. ഒ​രു​മാ​സം സ്കൂ​ൾ അ​വ​ധി​യാ​യി​രു​ന്നു ആ​ദ്യ സ​ന്തോ​ഷം. ഉ​ച്ച​വ​രെ കൂ​ട്ടു​കാ​ർ​ക്കൊ​പ്പം തു​ള്ളി​ച്ചാ​ടി​ന​ട​ന്ന് ഉ​ച്ച​ക​ഴി​ഞ്ഞാ​ൽ പി​ന്നെ കാ​ത്തി​രി​പ്പാ​ണ്, അ​വ​രു​ടെ കൂ​ടെ നോ​മ്പു​തു​റ സ​മ​യ​ത്തെ ബാ​ങ്ക് വി​ളി കേ​ൾ​ക്കാ​ൻ. എ​ല്ലാ വൈ​കു​ന്നേ​ര​ങ്ങ​ളി​ലും ഓ​രോ​രോ ഇ​ത്താ​ത്ത​മാ​ർ കൊ​ണ്ടു​വ​രു​ന്ന പ​ത്തി​രി​യും ഇ​റ​ച്ചി​ച്ചാ​റും പ​ഴ​ങ്ങ​ളും ത​രി​ക്ക​ഞ്ഞി​യും എ​ല്ലാ​മാ​യി എ​​ന്റെ വീ​ട്ടി​ലെ അ​ടു​ക്ക​ള നി​റ​യും. ഇ​തൊ​ക്കെ നേ​ര​ത്തേ വീ​ട്ടി​ലെ​ത്തു​മ്പോ​ൾ കൊ​തി​വ​രാ​റു​ണ്ടെ​ങ്കി​ലും അ​തെ​ല്ലാം അ​ട​ക്കി​പ്പി​ടി​ച്ച് ഞാ​നും കാ​ത്തി​രി​ക്കും, നോ​മ്പു​തു​റ സ​മ​യ​ത്തി​നാ​യി.

ചി​ല ദി​വ​സ​ങ്ങ​ളി​ൽ ഞാ​ൻ മ​മ്മി​യോ​ട് പ​റ​ഞ്ഞ് ഇ​ത്താ​ത്ത​മാ​ർ ഉ​ണ്ടാ​ക്കു​ന്ന പ​ത്തി​രി​യും ഇ​റ​ച്ചി​ച്ചാ​റും ഉ​ണ്ടാ​ക്കി​ക്കും. എ​ന്തു​കൊ​ണ്ടോ മ​മ്മി​യു​ടെ ഇ​റ​ച്ചി​ച്ചാ​ർ ക​റ​ങ്ങി​ത്തി​രി​ഞ്ഞ് അ​ച്ചാ​യ​ത്തി സ്റ്റൈ​ൽ ആ​യി​പ്പോ​കും. ഇ​തി​​ന്റെ മ​ണ​വും രു​ചി​യും ഒ​ന്നും ഇ​ങ്ങ​നെ​യ​ല്ല എ​ന്ന് പ​റ​ഞ്ഞ് ഞാ​ൻ മ​മ്മി​യോ​ട് വ​ഴ​ക്കു​കൂ​ടു​ന്ന കാ​ര്യം ഓ​ർ​ക്കു​മ്പോ​ൾ ചി​രി​നി​ർ​ത്താ​ൻ പ​റ്റു​ന്നി​ല്ല.

നോ​മ്പി​​​ന്റെ അ​വ​സാ​ന ദി​വ​സ​ങ്ങ​ൾ എ​ത്തു​മ്പോ​ൾ പി​ന്നെ​യു​ള്ള കാ​ത്തി​രി​പ്പ് കൂ​ട്ടു​കാ​ർ​ക്കൊ​പ്പം മാ​സ​പ്പി​റ​വി ക​ണ്ടു എ​ന്ന വാ​ർ​ത്ത കേ​ൾ​ക്കാ​നാ​യി​രു​ന്നു. വി​ചാ​രി​ച്ച രാ​ത്രി മാ​സ​പ്പി​റ​വി ക​ണ്ടി​ല്ലെ​ങ്കി​ൽ പി​ന്നെ ഞ​ങ്ങ​ൾ കു​ട്ടി​ക​ൾ​ക്കൊ​ക്കെ സ​ങ്ക​ട​മാ​ണ്, നാ​ളെ പെ​രു​ന്നാ​ൾ അ​ല്ല​ല്ലോ...

അ​ങ്ങ​നെ പി​റ്റേ​ദി​വ​സം പെ​രു​ന്നാ​ൾ ത​ലേ​രാ​ത്രി ആ​ണ്. ഇ​നി​യാ​ണ് ഞ​ങ്ങ​ൾ കു​ട്ടി​ക​ളു​ടെ ആ​ഘോ​ഷ​ങ്ങ​ൾ. പ്ര​ധാ​ന ച​ട​ങ്ങ് മൈ​ലാ​ഞ്ചി​യി​ട​ലാ​ണ്. പ്ര​ത്യേ​ക​രീ​തി​യി​ൽ ച​ക്ക​അ​ര​ക്ക് കൈ​വെ​ള്ള​യി​ൽ തേ​ച്ചു​പി​ടി​പ്പി​ച്ച്​ അ​തി​നു ഇ​ട​യി​ലൂ​ടെ ആ​ണ് മൈ​ലാ​ഞ്ചി ഭം​ഗി​യാ​യി ഇ​ട്ടി​രു​ന്ന​ത്. ഓ​രോ ചു​റ്റു​വ​ട്ട​ത്തും ഉ​ണ്ടാ​കും മൈ​ലാ​ഞ്ചി ഇ​ടു​ന്ന​തി​ൽ വി​ദ​ഗ്​​ധ​യാ​യ ഒ​രു ഇ​ത്താ​ത്ത. എ​ല്ലാ​വ​രും ച​ക്ക​അ​ര​ക്കും മൈ​ലാ​ഞ്ചി അ​ര​ച്ച​തു​മാ​യി ഇ​ത്താ​ത്ത​ക്ക​രി​കി​ലേ​ക്കു ഓ​ടും. അ​തു കാ​ണു​മ്പോ ഇ​ത്താ​ക്ക് അ​ൽ​പം നെ​ഗ​ളി​പ്പ്​ കൂ​ടും. കൂ​ട്ട​ത്തി​ൽ പെ​രു​ത്ത് സ​ന്തോ​ഷ​വും ഉ​ണ്ടാ​കും. അ​ങ്ങ​നെ നീ​ണ്ട കാ​ത്തി​രി​പ്പി​നൊ​ടു​വി​ൽ എ​ല്ലാ​വ​രു​ടെ​യും കൈ​ക​ൾ മൈ​ലാ​ഞ്ചി മൊ​ഞ്ചാ​കും.

അ​ങ്ങ​നെ നേ​രം പു​ല​രു​മ്പോ​ൾ പെ​രു​ന്നാ​ൾ സു​ദി​നം വ​ന്നെ​ത്തും. രാ​വി​ല​ത്തെ ആ​ദ്യ ക​ർ​മം പ്ര​ത്യേ​ക പെ​രു​ന്നാ​ൾ കു​ളി​യാ​ണ്. അ​ന്ന​ത്തെ ദി​വ​സം എ​​ന്റെ വീ​ടി​​ന്റെ പ​രി​സ​ര​ത്തു​കൂ​ടി ഒ​ഴു​കു​ന്ന പു​ഴ ഒ​രു എ​ണ്ണ​പ്പു​ഴ​യാ​യി മാ​റും. കാ​ര​ണം കു​ട്ടി​ക​ളെ​യെ​ല്ലാം ഒ​രു എ​ണ്ണ​ത്തോ​ണി​യി​ൽ എ​ന്ന​പോ​ലെ എ​ണ്ണ പി​ടി​പ്പി​ച്ചാ​ണ് കു​ളി​പ്പി​ക്കാ​ൻ കൊ​ണ്ടു​പോ​കു​ന്ന​ത്. കു​ളി​യെ​ല്ലാം ക​ഴി​ഞ്ഞു വ​ന്ന് പെ​രു​ന്നാ​ൾ കോ​ടി ഇ​ടു​ന്ന ച​ട​ങ്ങാ​ണ്. എ​ല്ലാ​രും പു​തി​യ ഉ​ടു​പ്പൊ​ക്കെ അ​ണി​ഞ്ഞ്​ എ​ന്നെ കൂ​ട്ടി​ക്കൊ​ണ്ടു​പോ​കാ​ൻ വീ​ട്ടി​ലേ​ക്കു വ​രും. എ​​ന്റെ വീ​ട്ടി​ൽ എ​നി​ക്കും മേ​ടി​ക്കു​മാ​യി​രു​ന്നു പെ​രു​ന്നാ​ൾ കോ​ടി. എ​ല്ലാ​വ​രു​ടെ​യും കൈ​യി​ൽ ഉ​ണ്ടാ​കും കു​റ​ച്ചു പൈ​സ. പെ​രു​ന്നാ​ളി​ന് ഇ​ഷ്ട​പ്പെ​ട്ട വ​ല്ല​തും ക​ട​യി​ൽ ക​ണ്ടാ​ൽ മേ​ടി​ക്കാ​നാ​യി വീ​ട്ടു​കാ​ർ ത​ന്നി​രു​ന്ന​താ​ണ്. അ​തു​മാ​യി ഞ​ങ്ങ​ൾ കു​ട്ടി​ക​ൾ തൊ​ട്ട​ടു​ത്തു​ള്ള ക​ട​യി​ൽ പോ​യി ഓ​രോ​ന്നൊ​ക്കെ വാ​ങ്ങി​ക്കൂ​ട്ടും. ഞ​ങ്ങ​ൾ പെ​ൺ​കു​ട്ടി​ക​ൾ കു​പ്പി​വ​ള​ക​ൾ വാ​ങ്ങു​മ്പോ​ൾ ആ​ൺ​കു​ട്ടി​ക​ൾ വാ​ങ്ങി​ച്ചി​രു​ന്ന​ത് പൊ​ട്ടാ​സ് ഇ​ട്ടു പൊ​ട്ടി​ക്കു​ന്ന തോ​ക്ക് ആ​യി​രു​ന്നു. അ​ങ്ങ​നെ സൊ​റ​യെ​ല്ലാം പ​റ​ഞ്ഞ്​ ഉ​ച്ച​യോ​ട​ടു​ക്കു​മ്പോ​ൾ ഓ​രോ വീ​ട്ടി​ൽ​നി​ന്നും പേ​രെ​ടു​ത്ത് അ​വ​രു​ടെ വീ​ട്ടു​കാ​ർ ഉ​റ​ക്കെ വി​ളി​ക്കും. കൂ​ട്ട​ത്തി​ൽ എ​ല്ലാ​വ​രും ഒ​രു പേ​ര് അ​ധി​ക​മാ​യും വി​ളി​ക്കും. അ​ത് വേ​റാ​രു​മ​ല്ല, ഞാ​ൻ ത​ന്നെ​യാ​ണ്. 'പോ​രു​മ്പോ ഓ​ളേം​പാ​ടെ കൂ​ട്ടി​ക്കോ​ണ്ടി​ട്ടോ ഇ​ജ്ജ്'(​വ​രു​മ്പോ​ൾ നീ ​അ​വ​ളെ​യും കൂ​ട്ടി കൊ​ണ്ടു​വ​ര​ണം) എ​ന്ന് പ​റ​യും. എ​ന്നാ​ൽ എ​ന്നെ ആ​ദ്യം ചോ​റു​ണ്ണാ​ൻ കൊ​ണ്ടു​പോ​കാ​ൻ ഒ​രു മ​ത്സ​രം​ത​ന്നെ ന​ട​ത്തു​മാ​യി​രു​ന്നു എ​​ന്റെ കൂ​ട്ടു​കാ​ർ. അ​വ​സാ​നം വി​ശ​പ്പ്​ സ​ഹി​കെ​ടു​മ്പോ​ൾ തൊ​ട്ട​ടു​ത്ത് ഏ​തു വീ​ടാ​ണോ ആ ​വീ​ട്ടി​ലേ​ക്ക്​ ഓ​ടി​പ്പോ​കും.

തേ​ങ്ങാ​ച്ചോ​റും കൂ​ടെ ബീ​ഫ്​ വ​ര​ട്ടി​യ​തും ത​രി​ക്ക​ഞ്ഞി​യും ആ​യി​രു​ന്നു കൂ​ടു​ത​ലും പെ​രു​ന്നാ​ൾ സ്പെ​ഷ​ൽ. അ​തി​​ന്റെ രു​ചി പ​റ​ഞ്ഞ​റി​യി​ക്കാ​ൻ പ​റ്റി​ല്ല. ആ ​ദി​ന​ങ്ങ​ൾ ഒ​രി​ക്ക​ലും തി​രി​ച്ചു​വ​രി​ല്ലെ​ന്ന് അ​റി​യാ​മാ​യി​രു​ന്നി​ട്ടും, ഇ​പ്പോ​ഴും ഓ​രോ റ​മ​ദാ​ൻ ക​ട​ന്നു​പോ​കു​മ്പോ​ഴും വെ​റു​തെ ഓ​ർ​മ​ക​ളി​ലേ​ക്കൊ​ന്നു എ​ത്തി​നോ​ക്കും. അ​തൊ​രു സു​ഖ​മു​ള്ള ഓ​ർ​മ​ച്ചെ​പ്പാ​ണ് എ​ന്നു​മെ​ൻ ഹൃ​ദ​യ​ത്തി​ൽ.