'ലാ​വു​ദി​ക്കു​ന്ന​തും' കാ​ത്തു​നി​ന്ന രാ​വു​ക​ള്‍

റ​മ​ദാ​ന്‍ 29ന് ​മ​ഗ്​​രി​ബ് ക​ഴി​യു​മ്പോ​ഴേ​ക്കും കാ​ണു​ന്ന​വ​രെ​ല്ലാം ചോ​ദ്യം തു​ട​ങ്ങും: ''ലാ​വ് ക​ണ്ടാ?'' നി​ലാ​വ് അ​ഥ​വാ മാ​സ​പ്പി​റ​വി ക​ണ്ടോ എ​ന്നാ​ണ് ചോ​ദ്യം.

ടെ​ലി​വി​ഷ​ന്‍ പ്ര​ചാ​ര​ത്തി​ലി​ല്ലാ​ത്ത കാ​ല​മാ​ണ്. ടെ​ലി​ഫോ​ണു​ള്ള​ത് നാ​ട്ടി​ല്‍ ആ​കെ ഒ​ന്നോ ര​ണ്ടോ വീ​ടു​ക​ളി​ല്‍ മാ​ത്രം. മ​ഗ്​​രി​ബ് ന​മ​സ്‌​കാ​രം ക​ഴി​ഞ്ഞ് വീ​ട്ടി​ലെ​ത്തി ജീ​ര​ക​ക്ക​ഞ്ഞി​യും കു​ടി​ച്ചി​രി​ക്കു​മ്പോ​ള്‍ പ​ള്ളി​യി​ല്‍നി​ന്ന് ത​ക്ബീ​ര്‍ മു​ഴ​ങ്ങു​ന്ന​തു കേ​ട്ടാ​ലാ​ണ് മ​ന​സ്സി​ലാ​വു​ക: ശ​വ്വാ​ല്‍ മാ​സ​പ്പി​റ​വി ക​ണ്ടി​രി​ക്കു​ന്നു.

റ​മ​ദാ​ന് പ​രി​സ​മാ​പ്​​തി​യാ​വു​ന്നു. നാ​ളെ ഈ​ദു​ല്‍ ഫി​ത്​​ര്‍. പ​ള്ളി​മി​നാ​ര​ത്തി​ല്‍നി​ന്ന് ത​ക്ബീ​ര്‍ ധ്വ​നി​ക​ള്‍ മു​ഴ​ങ്ങു​ന്ന​തോ​ടെ അ​ടു​ക്ക​ള​ക​ളി​ല്‍ പ​ല​ഹാ​ര​ച്ച​ട്ടി​ക​ള്‍ അ​ടു​പ്പ​ത്തേ​ക്ക് ക​യ​റു​ക​യാ​യി. പെ​രു​ന്നാ​ള്‍ ദി​ന​ത്തി​ലേ​ക്കു​ള്ള പ​ല​ഹാ​ര​ങ്ങ​ള്‍ക്കാ​യി ചീ​ന​ച്ച​ട്ടി​യി​ല്‍ വെ​ളി​ച്ചെ​ണ്ണ തി​ള​ക്കു​ക​യാ​യി. ഉ​മ്മ​മാ​ര്‍ക്ക് മാ​ത്ര​മ​ല്ല, കു​ട്ടി​ക​ള്‍ക്കും ഉ​റ​ക്ക​മി​ല്ലാ​ത്ത രാ​ത്രി​യാ​ണ് പെ​രു​ന്നാ​ള്‍ രാ​വ്. വ​റു​ത്ത് കോ​രി​യെ​ടു​ത്ത് വെ​ക്കു​മ്പോ​ഴേ​ക്കും കാ​ണാ​താ​വു​ന്ന പ​ല​ഹാ​ര​ങ്ങ​ളു​ടെ രാ​വ്.

പെ​രു​ന്നാ​ള്‍ദി​നം രാ​വി​ലെ പ​ള്ളി​യി​ല്‍ പോ​കു​മ്പോ​ൾ ഇ​ടാ​ന്‍ ഒ​രു​ക്കി വെ​ച്ചി​രി​ക്കു​ന്ന പെ​രു​ന്നാ​ള്‍ക്കോ​ടി​യു​ടെ പു​തു​മ​ണം നി​റ​ഞ്ഞ രാ​വ്. അ​ടു​ക്ക​ള​യി​ല്‍ത​ന്നെ​യി​രു​ന്ന് ഉ​റ​ങ്ങി​പ്പോ​യ എ​ത്ര​യോ പെ​രു​ന്നാ​ള്‍ രാ​വു​ക​ള്‍. പ​ല​ഹാ​ര​മു​ണ്ടാ​ക്ക​ലും രാ​വി​ല​ത്തെ പ​ത്തി​രി​ക്കും ക​റി​ക്കു​മു​ള്ള ഒ​രു​ക്ക​ങ്ങ​ളും ക​ഴി​ഞ്ഞ് ഉ​മ്മ ഉ​റ​ങ്ങി​യ​ത് എ​പ്പോ​ളാ​യി​രി​ക്കും? ആ​ര്‍ക്ക​റി​യാം?

'ലാ​വ്' ക​ണ്ട കാ​ര്യം നാ​ട്ടി​ല്‍ ആ​ദ്യ​മ​റി​യു​ന്ന കു​ട്ടി​ക​ളി​ലൊ​രാ​ള്‍ എ​ന്ന പ​ത്രാ​സ് കൈ​വ​രു​ന്ന രാ​ത്രി കൂ​ടി​യാ​യി​രു​ന്നു പെ​രു​ന്നാ​ള്‍ രാ​വു​ക​ള്‍. മ​ഗ്​​രി​ബ് ക​ഴി​യു​ന്ന​തോ​ടെ ത​ന്നെ ആ​ളു​ക​ള്‍ പ​ള്ളി​യു​ടെ മ​ട്ടു​പ്പാ​വി​ലും മി​നാ​ര​ങ്ങ​ളി​ലും ക​യ​റി പ​ടി​ഞ്ഞാ​റോ​ട്ടു നോ​ക്കി​നി​ല്‍ക്കും. ദൂ​രെ എ​വി​ടെ​യെ​ങ്കി​ലും തെ​ളി​യു​ന്നു​ണ്ടോ ശ​വ്വാ​ല​മ്പി​ളി?

'അ​താ അ​താ' എ​ന്നും പ​റ​ഞ്ഞ് ചി​ല കു​ട്ടി​ക​ള്‍ ഒ​ച്ച​യു​ണ്ടാ​ക്കും. പ​ക്ഷേ, മു​തി​ര്‍ന്ന​വ​ര്‍ വ​ന്നു നോ​ക്കു​മ്പോ​ള്‍ ഒ​ന്നു​മു​ണ്ടാ​വി​ല്ല. ഇ​ശാ​അ് ന​മ​സ്‌​കാ​രം ക​ഴി​യു​മ്പോ​ഴും മാ​സ​പ്പി​റ​വി ക​ണ്ട​താ​യി വി​വ​ര​മി​ല്ലെ​ങ്കി​ല്‍ ഉ​പ്പ​യോ​ടൊ​പ്പം പ​ള്ളി​യി​ല്‍നി​ന്നു (തൃ​ശൂ​ര്‍ ജി​ല്ല​യി​ലെ കൊ​ടു​ങ്ങ​ല്ലൂ​രി​ന​ടു​ത്ത് വെ​ള്ളാ​ങ്ങ​ല്ലൂ​ര്‍ മ​ഹ​ല്ല് ജു​മാ മ​സ്​​ജി​ദ്) പു​റ​പ്പെ​ടു​ന്ന​തു മ​ഹ​ല്ലി​ലെ പ്ര​മാ​ണി​യാ​യ പു​ത്ത​ന്‍കാ​ട്ടി​ലെ കാ​ദ​ര്‍ ഹാ​ജി​യു​ടെ വീ​ട്ടി​ലേ​ക്കാ​ണ്. മ​ഹ​ല്ല് സ്ഥാ​പ​ക​രി​ലൊ​രാ​ളും പ​ള്ളി ക​മ്മി​റ്റി പ്ര​സി​ഡ​ൻ​റു​മാ​ണ് ഉ​പ്പ. (ക​രൂ​പ്പ​ട​ന്ന​യി​ലെ പ​രേ​ത​നാ​യ വി.​എം. മൊ​യ്​​തീ​ന്‍ കു​ട്ടി ഹാ​ജി).

കാ​ദ​ര്‍ഹാ​ജി​യും ഉ​പ്പ​യും മ​ഹ​ല്ലി​ലെ മ​റ്റു പ്ര​മു​ഖ​രും ചേ​ര്‍ന്ന് ചെ​റി​യൊ​രു ജാ​ഥ​പോ​ലെ​യാ​ണ് പോ​ക്ക്. കു​ട്ടി​ക​ളാ​യി ഞ​ങ്ങ​ള്‍ ഒ​ന്നോ ര​ണ്ടോ പേ​ര്‍. കാ​ദ​ര്‍ ഹാ​ജി​യു​ടെ വീ​ട്ടി​ല്‍ ഫോ​ണു​ണ്ട്.

മു​തി​ര്‍ന്ന​വ​ര്‍ വീ​ടി​ന​ക​ത്തു ക​യ​റും. ഞ​ങ്ങ​ള്‍ കു​ട്ടി​ക​ള്‍ റോ​ഡി​ലെ വാ​ഹ​ന​ങ്ങ​ളെ​ണ്ണി​യും മാ​ന​ത്തെ​ങ്ങാ​ന്‍ അ​മ്പി​ളി​ക്ക​ല കാ​ണു​ന്നു​ണ്ടോ എ​ന്നു നോ​ക്കി​യും നി​ന്നു നേ​രം ക​ള​യും. വീ​ടി​ന​ക​ത്തു മു​തി​ര്‍ന്ന​വ​ര്‍ ഫോ​ണ്‍വി​ളി​യു​ടെ തി​ര​ക്കി​ലാ​ണ്.

ഇ​രി​ങ്ങാ​ല​ക്കു​ട​യി​ലെ​യും തൃ​ശൂ​രി​ലെ​യും കോ​ഴി​ക്കോ​ട്ടെ​യും മ​റ്റും സ​മു​ദാ​യ​പ്ര​മു​ഖ​രെ വി​ളി​ക്കു​ക​യാ​ണ്. ട്ര​ങ്ക് ബു​ക്ക് ചെ​യ്​​ത്​ വേ​ണം വി​ളി​ക്കാ​ന്‍. ന​ല്ല ഉ​ച്ച​ത്തി​ല്‍ പ​റ​ഞ്ഞാ​ലേ ഫോ​ണി​െൻറ അ​ങ്ങേ​ത്ത​ല​ക്ക​ല്‍ കേ​ള്‍ക്കൂ.

അ​റി​യേ​ണ്ട​ത് ഇ​ത്ര​മാ​ത്രം: 'എ​വി​ടെ​യ​ങ്കി​ലും മാ​സം ക​ണ്ട​താ​യി വി​വ​ര​മു​ണ്ടോ?' എ​വി​ടെ​യും മാ​സം ക​ണ്ടി​ല്ലെ​ന്ന​റി​ഞ്ഞാ​ല്‍ മ​ട​ക്ക​യാ​ത്ര​യി​ല്‍ ഞ​ങ്ങ​ള്‍ കു​ട്ടി​ക​ള്‍ നി​രാ​ശ​രാ​വും. പെ​രു​ന്നാ​ളി​ന് ഇ​നി​യും ഒ​രു​ദി​വ​സം​കൂ​ടി കാ​ക്ക​ണം. 'ഭാ​ഗ്യ​മു​ള്ള' രാ​വു​ക​ളി​ല്‍ കാ​ദ​ര്‍ ഹാ​ജി​യു​ടെ ഫോ​ണി​ലെ വി​ളി​ക​ള്‍ക്കി​ട​യി​ല്‍ ഇ​രി​ങ്ങാ​ല​ക്കു​ട​യി​ല്‍ നി​ന്നോ തൃ​ശൂ​രി​ല്‍ നി​ന്നോ ആ ​വി​വ​രം ല​ഭി​ക്കും: 'കോ​ഴി​ക്കോ​ട് കാ​പ്പാ​ട് ക​ട​പ്പു​റ​ത്ത് മാ​സം ക​ണ്ടി​രി​ക്കു​ന്നു.'

പി​ന്നെ പ​ള്ളി​യി​ലേ​ക്കൊ​രോ​ട്ട​മാ​ണ്. മു​സ്​​ലി​യാ​രും മു​ക്രി​യും ദ​ര്‍സ് വി​ദ്യാ​ര്‍ഥി​ക​ളാ​യ 'മു​സ്​​ല്യാ​ക്കു​ട്ടി​ക​ളും' അ​വി​ടെ കാ​ത്തി​രി​ക്കു​ന്നു​ണ്ടാ​വും.

പ​ള്ളി മി​നാ​ര​ത്തി​ല്‍ നി​ന്നു ത​ക്ബീ​ര്‍ ധ്വ​നി​ക​ള്‍ മു​ഴ​ങ്ങു​ക​യാ​യി. പു​ത്ത​നു​ടു​പ്പി​ട്ടു പ്ര​ഭാ​ത​ത്തി​ല്‍ പ​ള്ളി​യി​ലേ​ക്കി​റ​ങ്ങു​മ്പോ​ഴും മു​ഴ​ങ്ങു​ന്നു​ണ്ടാ​വും ആ ​ത​ക്ബീ​ര്‍ ധ്വ​നി​ക​ള്‍.

പി​ല്‍ക്കാ​ല​ത്ത് ടി.​വി ന്യൂ​സ് ചാ​ന​ലു​ക​ളും പി​ന്നീ​ട് മൊ​ബൈ​ല്‍ ഫോ​ണും വാ​ട്​​സ്​​ആ​പ്പു​മൊ​ക്കെ വ​ന്ന​പ്പോ​ള്‍ 'മാ​സം കാ​ണാ​നു​ള്ള' കാ​ത്തി​രി​പ്പി​ലെ ആ​കാം​ക്ഷ​യും ഉ​ദ്വേ​ഗ​വും ന​ഷ്​​ട​മാ​യി. കാ​പ്പാ​ട് ക​ട​പ്പു​റ​ത്ത് അ​മ്പി​ളി​ക്ക​ല കാ​ണു​ന്ന നി​മി​ഷം​ത​ന്നെ ചാ​ന​ലി​ല്‍ ബ്രേ​ക്കി​ങ് ന്യൂ​സ് വ​രു​ക​യാ​യി.

ഇ​ന്നി​പ്പോ​ള്‍ ആ​രോ​ര്‍ക്കു​ന്നു​ണ്ടാ​വും, 'ലാ​വു​ദി​ക്കു​ന്ന​തും' കാ​ത്തു​നി​ന്ന ആ ​റ​മ​ദാ​ന്‍ രാ​വു​ക​ള്‍?

ത് എ​ന്തി​നാ​ണ് പി​ടി​ക്കു​ന്ന​ത് എ​ന്നും മ​ന​സ്സി​ലാ​യി. വെ​ള്ളം കു​ടി​ക്കാ​നും ഭ​ക്ഷ​ണം ക​ഴി​ക്കാ​നും നി​വൃ​ത്തി​യു​ണ്ടെ​ങ്കി​ലും ഒ​ന്നു​മി​ല്ലാ​ത്ത പാ​വ​പ്പെ​ട്ട​വ​രെ​​പ്പോ​ലെ വി​ശ​പ്പ്​ അ​ട​ക്കി പി​ടി​ച്ചി​രി​ക്കു​ക.

വി​ശ​പ്പി​െൻറ കാ​ഠി​ന്യ​ത്തി​ൽ ആ​ഹാ​ര​ത്തി​െൻറ വി​ല അ​റി​ഞ്ഞ് ദാ​നം ചെ​യ്യാ​ൻ കി​ട്ടു​ന്ന പു​ണ്യ​ദി​ന​ങ്ങ​ളാ​ണി​ത്.