ആ​രാ​ധ​ന​യി​ലെ ആ​ന​ന്ദം പ​ഠി​പ്പി​ച്ച റ​മ​ദാ​ൻ രാ​പ്പ​ക​ലു​ക​ൾ

റ​ഊ​ഫ് ക​രൂ​പ്പ​ട​ന്ന

ആ ​ബാ​ല്യ​കാ​ല നാ​ളു​ക​ളി​ലേ​ക്കൊ​ന്ന് തി​രി​ച്ചു​പോ​കാ​ൻ ക​ഴി​ഞ്ഞി​രു​ന്നെ​ങ്കി​ൽ… ജീ​വി​ത​ത്തി​ൽ ഒ​രി​ക്ക​ലെ​ങ്കി​ലും അ​ങ്ങ​നെ ആ​ഗ്ര​ഹി​ക്കാ​ത്ത​വ​രാ​യി ആ​രു​മു​ണ്ടാ​വി​ല്ല. ഓ​രോ റ​മ​ദാ​ൻ മാ​സ​ത്തി​ലും ഗൃ​ഹാ​തു​ര​ത്വ​ത്തോ​ടെ ആ ​ആ​ഗ്ര​ഹം മ​ന​സ്സി​ൽ ചി​റ​ക​ടി​ച്ചു​യ​രും. പ​രി​ശു​ദ്ധ റ​മ​ദാ​നി​നെ അ​തി​​ന്റെ ഗൗ​ര​വ​ത്തോ​ടെ​യും വി​ശു​ദ്ധി​യോ​ടെ​യും തീ​ക്ഷ്ണ​ത​യോ​ടെ​യും അ​നു​ഭ​വി​ച്ച​റി​യു​ന്ന​ത് മു​തി​ർ​ന്ന​വ​രാ​ണെ​ങ്കി​ലും റ​മ​ദാ​നി​​ന്റെ രാ​പ്പ​ക​ലു​ക​ൾ അ​വി​സ്മ​ര​ണീ​യ​മാ​യ അ​നു​ഭ​വ​മാ​കു​ന്ന​ത് കു​ട്ടി​ക​ൾ​ക്കു​ത​ന്നെ​യാ​ണ്. വി​ശ്വാ​സ​ത്തി​ന്റെ​യും ഭ​ക്തി​യു​ടെ​യും ആ​രാ​ധ​ന​യു​ടെ​യും പൂ​മു​ഖ​ത്ത് ഒ​ന്നി​ച്ചി​രു​ന്ന് പ്രാ​ർ​ഥ​ന​യി​ൽ മു​ഴു​കു​ന്ന, ആ​രാ​ധ​ന​യു​ടെ ആ​ത്മ​നി​ർ​വൃ​തി പ​ര​സ്പ​രം പ​ങ്കു​വെ​ക്കു​ന്ന നാ​ളു​ക​ളാ​യി​രു​ന്നു കു​ട്ടി​ക്കാ​ല​ത്തെ റ​മ​ദാ​ൻ രാ​പ്പ​ക​ലു​ക​ൾ.

ബാ​ങ്ക് വി​ളി കേ​ൾ​ക്കു​മ്പോ​ൾ മാ​ത്രം പ​ള്ളി​യി​ലെ​ത്തി ന​മ​സ്ക​രി​ച്ച് മ​ട​ങ്ങു​ന്ന നാ​ളു​ക​ളാ​യി​രു​ന്നി​ല്ല അ​ക്കാ​ലം. നോ​മ്പു​കാ​ല​ത്തെ പ്രാ​ർ​ഥ​നാ​നി​ർ​ഭ​ര​മാ​യ ആ ​ഇ​ഹ്തി​ക്കാ​ഫു​ക​ളി​ലൂ​ടെ​യാ​ണ് പ്രാ​ർ​ഥ​ന​യി​ലെ പാ​ര​സ്പ​ര്യ​വും സാ​മൂ​ഹി​ക​ത​യും എ​ന്താ​ണെ​ന്ന് ആ​ദ്യ​മാ​യി മ​ന​സ്സി​ലാ​ക്കി​യ​ത്.

ക്ലാ​സ് മു​റി​ക​ളി​ലും ക​ളി​മൈ​താ​ന​ങ്ങ​ളി​ലും മാ​ത്രം ഒ​തു​ങ്ങി​യി​രു​ന്ന കൂ​ട്ടാ​യ്മ​ക​ൾ പ​ള്ളി​യ​ങ്ക​ണ​ത്തി​ലേ​ക്ക് വ​ഴി​മാ​റു​ന്ന കാ​ലം. റ​മ​ദാ​നി​ൽ സ്കൂ​ളി​ല്ലാ​ത്ത ദി​വ​സ​ങ്ങ​ളി​ൽ ഉ​ച്ച​ക്ക് മു​മ്പേ പ​ള്ളി​യി​ലെ​ത്തും. പ​രി​ശു​ദ്ധ ഖു​ർ​ആ​ൻ പാ​രാ​യ​ണം ക​ഴി​ഞ്ഞ് ളു​ഹ​ർ ന​മ​സ്കാ​ര​ത്തി​​ന്റെ നേ​ര​മാ​വു​മ്പോ​ഴേ​ക്കും കൂ​ട്ടു​കാ​രെ​ല്ലാം പ​ള്ളി​യി​ലു​ണ്ടാ​വും.

ന​മ​സ്കാ​രം ക​ഴി​ഞ്ഞാ​ലു​ട​ൻ അ​തി​ഥി​യാ​യി എ​ത്തി​യ ഏ​തെ​ങ്കി​ലും പ​ണ്ഡി​ത​​ന്റെ പ്ര​ഭാ​ഷ​ണം. അ​തു​ക​ഴി​ഞ്ഞ് കൂ​ട്ടു​കാ​രൊ​ന്നി​ച്ച് ഖു​ർ​ആ​ൻ പാ​രാ​യ​ണ​ത്തി​ന് പി​ന്നാ​ലെ ചി​ല​ർ​ക്ക് അ​ൽ​പം ഉ​ച്ച​മ​യ​ക്കം. മ​റ്റു​ചി​ല​ർ പ​ള്ളി​ക്കു​ള​ത്തി​​ന്റെ പ​ട​വു​ക​ളി​ൽ ചെ​ന്നി​രു​ന്ന് കാ​റ്റു​കൊ​ള്ളും. പ​ള്ളി​ക്കു​ള​ത്തി​ൽ ക​ണ്ണാ​ടി പോ​ലെ തെ​ളി​ഞ്ഞു​മ​യ​ങ്ങു​ന്ന വെ​ള്ള​ത്തി​ന​ടി​യി​ൽ ബ്രാ​ലും മു​ഷു​വും ക​രി​മീ​നും പാ​ഞ്ഞു​ന​ട​ക്കു​ന്ന കൗ​തു​ക​ക്കാ​ഴ്ച എ​ത്ര​ക​ണ്ടാ​ലും മ​തി​യാ​വി​ല്ല.

നോ​മ്പു​കാ​ല​ത്ത് പ​ള്ളി​ക്കു​ള​ത്തി​ലെ​യും ഹൗ​ളി​ലെ​യും വെ​ള്ള​ത്തി​ന് മു​മ്പൊ​രി​ക്ക​ലു​മി​ല്ലാ​ത്തൊ​രു കു​ളി​ർ​മ​യു​ള്ള​തു​പോ​ലെ. ഇ​ട​ക്കി​ട​ക്ക് വു​ളു​വെ​ടു​ക്കാ​ൻ തോ​ന്നും (അ​തി​​ന്റെ മ​റ​വി​ൽ നോ​മ്പി​​ന്റെ ക്ഷീ​ണം തീ​ർ​ക്കാ​ൻ അ​ൽ​പം വെ​ള്ളം അ​ക​ത്താ​ക്കു​ന്ന വി​രു​ത​ന്മാ​രു​മു​ണ്ട്). അ​താ, അ​സ​ർ ബാ​ങ്ക് മു​ഴ​ങ്ങു​ന്നു. അ​സ​ർ ന​മ​സ്കാ​രം ക​ഴി​യു​മ്പോ​ഴേ​ക്ക് വി​ശ​പ്പും ദാ​ഹ​വും അ​ക​ത്ത് എ​രി​പി​രി കൊ​ള്ളു​ന്നു​ണ്ടാ​വും. എ​ങ്കി​ലും, ഇ​നി അ​ധി​കം നേ​ര​മി​ല്ല​ല്ലോ എ​ന്ന് ആ​ശ്വ​സി​ക്കും.

അ​പ്പോ​ഴേ​ക്ക് പ​ള്ളി​യു​ടെ പൂ​മു​ഖ​ത്ത് 'ഉ​ത്സാ​ഹ​ക്ക​മ്മി​റ്റി​ക്കാ​ർ' എ​ത്തി​യി​രി​ക്കും. നോ​മ്പു​തു​റ വി​ഭ​വ​ങ്ങ​ൾ നി​ര​ത്താ​നു​ള്ള ഒ​രു​ക്ക​മാ​ണ്. പ​ച്ച​യും മ​ഞ്ഞ​യും ചു​വ​പ്പും പ്ലാ​സ്റ്റി​ക് ഗ്ലാ​സു​ക​ളി​ൽ നാ​ര​ങ്ങാ​വെ​ള്ളം നി​ര​ക്കു​ന്നു. വീ​തി​യേ​റി​യ ത​ളി​ക​യി​ൽ കാ​ര​ക്കാ ക​ഷ​ണ​ങ്ങ​ൾ നി​റ​യു​ന്നു. ഒ​പ്പം, മ​ധു​ര​നാ​ര​ങ്ങ​യു​ടെ അ​ല്ലി​ക​ൾ… ഇ​തി​ലും ചെ​റു​താ​യി അ​രി​യാ​ൻ ആ​ർ​ക്കും ക​ഴി​യി​ല്ലെ​ന്ന് തോ​ന്നി​ക്കു​ന്ന ആ​പ്പി​ൾ​ത്തു​ണ്ടു​ക​ൾ… (ക​ട്​​ല​റ്റും സ​മൂ​സ​യും ചി​ക്ക​ൻ വി​ഭ​വ​ങ്ങ​ളും അ​റേ​ബ്യ​ൻ രു​ചി​ക​ളു​മൊ​ന്നും അ​ക്കാ​ല​ത്ത് നാ​ട്ടി​ൻ​പു​റ​ത്തെ പ​ള്ളി​ക​ളി​ൽ എ​ത്തി​യി​രു​ന്നി​ല്ല​ല്ലോ).

പി​ന്നെ കാ​ത്തി​രി​പ്പി​​ന്റെ നി​മി​ഷ​ങ്ങ​ൾ. പ​ള്ളി​ച്ചു​മ​രി​ലെ കൂ​റ്റ​ൻ ക്ലോ​ക്കി​ലേ​ക്കും നി​ര​ത്തി​വെ​ച്ച നാ​ര​ങ്ങാ​വെ​ള്ള​ക്കോ​പ്പ​ക​ളി​ലേ​ക്കും മാ​റി​മാ​റി വീ​ഴു​ന്ന ക​ണ്ണു​ക​ൾ.

മ​ഗ്​​രി​ബ് ബാ​ങ്ക് വി​ളി​ക്കാ​ൻ മു​ക്രി മൈ​ക്കി​ൽ മു​ട്ടു​ന്ന ശ​ബ്ദം കേ​ട്ടാ​ൽ മ​തി. ഗ്ലാ​സു​ക​ൾ കാ​ലി. ഗ്ലാ​സ് ര​ണ്ടാ​മ​തും നി​റ​യ്ക്കാ​നു​ള്ള ഓ​ട്ട​മ​ത്സ​ര​മാ​ണ് അ​ടു​ത്ത​ത്. മു​തി​ർ​ന്ന​വ​ർ നോ​മ്പു​തു​റ ക​ഴി​ഞ്ഞ് ന​മ​സ്കാ​ര​ത്തി​ന് അ​ക​ത്തേ​പ്പ​ള്ളി​യി​ലേ​ക്ക് ക​യ​റി​ക്ക​ഴി​ഞ്ഞാ​ലും കു​ട്ടി​ക​ൾ പൂ​മു​ഖ​ത്ത് ചു​റ്റി​പ്പ​റ്റി​നി​ൽ​ക്കും -ഒ​രു തു​ണ്ട് ആ​പ്പി​ളോ ഓ​റ​ഞ്ചി​ന്റെ ഒ​ര​ല്ലി​യോ ബാ​ക്കി​യു​ണ്ടെ​ങ്കി​ലോ എ​ന്ന ഭാ​ഗ്യ​പ​രീ​ക്ഷ​ണം.

പി​ന്നെ, ആ​ദ്യ റ​ക്ക​അ​ത്ത് തീ​രും മു​മ്പേ ഇ​മാ​മി​നൊ​പ്പം ജ​മാ​അ​ത്ത് കൂ​ടാ​ൻ അ​ക​ത്തെ പ​ള്ളി​യി​ലേ​ക്ക് അ​ടു​ത്ത ഓ​ട്ട​മ​ത്സ​രം. ന​മ​സ്കാ​രം ക​ഴി​ഞ്ഞ​യു​ട​ൻ പ​ള്ളി​മു​റ്റ​ത്തേ​ക്ക് അ​ടു​ത്ത മാ​ര​ത്ത​ൺ. അ​ണ്ടി​പ്പ​രി​പ്പും ഉ​ണ​ക്ക മു​ന്തി​രി​യു​മി​ട്ട് കാ​ച്ചി​യ ത​രി​ക്ക​ഞ്ഞി കു​ടി​ക്കാ​നു​ള്ള ക്യൂ​വി​ലും ആ​ദ്യ​സ്ഥാ​ന​ക്കാ​രാ​യി ഇ​ടം​പി​ടി​ക്കാ​നാ​ണ് ഓ​ട്ടം. വീ​ട്ടി​ൽ​നി​ന്ന് വി​ശാ​ല​മാ​യ നോ​മ്പു​തു​റ​യും ക​ഴി​ഞ്ഞ് ഇ​ശാ ന​മ​സ്കാ​ര​ത്തി​ന് പ​ള്ളി​യി​ൽ തി​രി​ച്ചെ​ത്തു​മ്പോ​ഴേ​ക്ക് പ​ക​ൽ​നേ​ര​ത്തെ പ​ര​വ​ശ​ഭാ​വം വെ​ടി​ഞ്ഞ് ഉ​ഷാ​റാ​യി​ട്ടു​ണ്ടാ​വും. സാ​ധാ​ര​ണ ദി​വ​സ​ങ്ങ​ളി​ൽ ര​ണ്ട് റ​ക്ക​അ​ത്ത് ന​മ​സ്ക​രി​ക്കാ​ൻ​പോ​ലും മ​ടി​കാ​ട്ടു​ന്ന കു​ട്ടി​ക​ൾ വ​രെ ഇ​ശാ​ഇ​ന് പി​ന്നാ​ലെ വി​ശ്വാ​സ​ക്കൂ​ട്ടാ​യ്മ​യി​ൽ വ​രി​ചേ​ർ​ന്നു​നി​ന്ന് ത​റാ​വീ​ഹി​​ന്റെ 20 റ​ക്ക​അ​ത്ത് ആ​വേ​ശ​ത്തോ​ടെ ന​മ​സ്ക​രി​ച്ച് തീ​ർ​ക്കും. ത​റാ​വീ​ഹ് ക​ഴി​ഞ്ഞ് സു​ലൈ​മാ​നി​യും രു​ചി​ച്ച് കാ​ര​ണ​വ​ന്മാ​ർ പ​ള്ളി​യു​ടെ പൂ​മു​ഖ​ത്ത് വെ​ടി​വ​ട്ടം പ​റ​ഞ്ഞി​രി​ക്കു​മ്പോ​ൾ ഉ​റ​ക്കം​തൂ​ങ്ങു​ന്ന ക​ണ്ണു​ക​ളു​മാ​യി കു​ട്ടി​ക​ൾ ആ ​പ​ഴ​ങ്ക​ഥ​ക​ൾ കേ​ട്ടി​രി​ക്കും.

പി​ന്നെ, ഉ​പ്പ​യു​ടെ ടോ​ർ​ച്ച് വെ​ട്ട​ത്തി​ൽ​നി​ന്ന് ക​ണ്ണെ​ടു​ക്കാ​തെ വീ​ട്ടി​ലേ​ക്കു​ള്ള മ​ട​ക്ക​യാ​ത്ര. പ്രാ​ർ​ഥ​ന​യി​ലെ ആ​ന​ന്ദ​വും ആ​രാ​ധ​ന​യി​ലെ ആ​ഹ്ലാ​ദ​വും അ​തു​പോ​ലെ തൊ​ട്ട​റി​ഞ്ഞ​കാ​ലം വേ​റെ ഏ​തു​ണ്ടാ​വും?

ഈ ​റ​മ​ദാ​നി​ലും കൊ​തി​ച്ചു​പോ​വു​ന്നു, ആ ​ബാ​ല്യ​കാ​ല നോ​മ്പു​ദി​ന​ങ്ങ​ളി​ലേ​ക്കൊ​ന്ന് തി​രി​ച്ചു​പോ​കാ​ൻ...